القتيلة المدللة

6

واقفه ،و ما واقفه براها

في زول قدامها و هي مغطياهو ولان ضلام ، م شديد بس لانو الاضاءة هنا ضعيفه شديد كل زول خاتي لمبتو قدام بابو .. انا من الخوفه لقيت نفسي بكورك ليها و ماده يدي واصلا في مسافه بيني و بينها ،،

بس في اللحظة الزول دا اختفي اظن ما لحقت ارمش اصلا ..

و بقت تتلفت هي زاتا ، و انا اعصابي لمن تكون بايظه حيلي بيموت ، بعاين ليها و م قادرة اتصرف بس يمكن لاني قايلاها جواا البيت ، و جات علي بثبات كدا غريب زي المافي حاجه ولا فكرت في ماما ولا بابا لو شافوها ، بابا دا بالزات ممكن يقطعا قطيع .. جات مع طلعه ماما وبابا ، بس بابا شافا قاليها جايه من وين انتي ؟

قالت ليهو مع توته بجاي ، قاليها توته منو يا بت ، قالت ليهو كديستي الجديده

قاليها ومن ومتين بتحبي الكدايس ؟

قالت ليهو دي مهجنه وحلاتا شكلها بتاعت بيت و طافشه منو، المهم شلت باقي عضام الفراخ حقت الفطور و طلعتهم ليها ..

انا بعاين فيها و مستغربه فيها و في قوتا معقوله تكذب بالطريقه دي ،

و بتعاين لي و ما خايفه مني عادي شديد زي الما موجودة .. ركبنا العربيه و هي عادي في تلفونا تتونس و تضحك و انا بعاين فيها ، كونها تتكلم في التلفون م مشكله بس توصل انها تقابلهم عند البيت دي فيها مليون مشكله

قررت اني اتكلم معاها بس اكيد ما اسي ..

( في جانب تاني )

شوف يا هشام انا وريتك ان الموضوع دا ما تفاتحني فيهو مرة تانيه ، انا ما مستعده احرج نفسي ، عندك بنات خالاتك نقي اي وحدة منهم و انا بخطبا ليك الليله قبل بكرة

،، يا يمة انا ما داير غيرهااا

انا حبيتا عديل و دايراها لي ، امشي معاي نجرب وكل شي في النهايه قسمة و نصيب ،، كل شي قسمة ونصيب بعد ما نتمرمط ؟

هشام يا ولدي انت حق البارد التخش بيهو للناس ما عندك ، مالك علينا يا ولد ..

عايز تمش هداكك ليهو اخوك سوقو وامش ..

طيب يا يمة تسلمي ...

(في جانب تاني بعيد شويه )

اسماء : وريتك ما بتجي

محمد : تتحدوني ؟

عزو : بتجي في مكان عام لكن هنا ما بتجي

محمد : ولو جبتها ليكم !!

مروة : ههههههههه انت اصلاً داير بيها شنو اشمعنى البت المعلق فيها ما كلنا بنات و احلا منها و كان للقروش راقده عندنا ..

عزو : الشغله ما مجرد قروش وبس

محمد : وريها المحوصه دي

مروة : ههههه كان محوصه ما عارفه

محمد : المهم بعيد عن القروش في برنامج تاني انتو اطلعووو منو ..

اسماء : طلعنااا

مروة : اصلا طالعين منووو ..

اما في جانبنا ، انا طبعا مستحيل اشتري حاجه براي لازم امي تختارها لي و تطقم لي عليها ، عكس ردينا اللي براها بتختار و عارفه نفسها هي دايرة شنوو ..

بس المرة دي كانت غير ، كانت مُختلفه

م طبيعيه معظم الطريق و في المحلات بتقول يلا نرجع و بتختار عشان تتخارج و ترجع البيت ، طبعاً انا بس المنتبهه ليها و ما بحسسا بكدا ، لمن مرات بقول انا مهوسه ساي و بكذب في روحي ..

زي الساعه 10:30 كدا انحنا رجعنا البيت و النور القدام بابنا طافي .. تلقائياً بقيت بتلفت ، الا امي جرتنا قالت لي مالك زي مروحه التربيزة كدا بتتلفتي ، خشي جواا ، دخلنا غرفنا و طبعا لوي شكلو حيقعد معاي ، غيرتا و انتبهت انه ماسك حاجه بيدو بس ما ركزت كتير جعانه و دايرة امشي المطبخ ..

قام قالي ، لولو دي شنو ؟

لقيتو زي ظرف ابيص بحجم الجواب ، قلت ليهو دا شنو يا لؤي انت فتحتو ؟

قالي اي ، دخلت يدي م لقيت حاجه ، بقيت بهز فيهو ، وقعت لي ورقه حمرا صغيرة شديد فيها العلامة دي (❌) ..

والله ما اهتميت لانو مافيهو ولا حرف حسيت بتفاهتا ، قلت ليهو دا حقي انا نسيتو هنا في التسريحه ، قالي بس انا مالقيتو في التسريحه ، قلت ليهو اي مكان في غرفتي دا حقي انا بكون ختيت فيهو ومرات بنسي عشان كداا ،

شلتو و حشرتو تحت المخدة .. قلت ليهو ارح ناكل لسه بدري علي السحور انا جعانه ياخ و انت الحتسوي لينا العصير رايك شنوو ،، ضحك و الحمدلله غيرت الموضوع بس كانت فايتاني حتت ان لؤي دا زكي شديد شديد ..

خلصنا اكلنا و قعدنا براا م جينا الا علي النوم

انتظرت لؤي لمن نام ، و دخلت يدي تحت المخدة ما لقيت الظرف نهائي ، رفعت المخدة قلبتا فوق تحت اصلو ما لقيتو ،، قلت لؤي اكيد بيكون شالو ، يا ررربي

المهم نمتا علي كدااا ، تاني يوم و من هنا بدات قصتي مع هشام جارنا ، يوم عن يوم كان بحاول يتكلم معاي بأي طريقه و لقيت نفسي انا كمان حابه كدا ، شبه اتعودت عليهو و اتبادلنا الارقام ..

#قبل_الوقفه_بيوم

لقيت ظرف تاني في غرفتي .. و نفس الظرف الفات و الورقه الحمراا بس دي معمول عليها علامة (🔪) ..

و كالعاده تاني يوم اختفى ....

استككانة

#القتيلة_المدلله | يتبع .......