القتيلة المدللة

10

كلام الدكتور كان في منتهى القسوة
ما راعى لينا انحنا اهلها و انه كيف ممكن نستقبل كلامو داا ،، بقيت بولول و ببكي ما قادرين نسند بعض ولا نقيف مع بعض ، قلت ليهو انت كيف تتكلم كدا و تقول اختي ما حتعيش دي مهنتكم انتو تنقذو حياة الناس مش تقعد هنا و تخلي حالة زي حالة اختي تحت دكاترة الله اعلم يكونو تحت التدريب ، بدل تقعد تقولينا كلامك دا اتحرك يمكن ربنا يجعل في يدك الشفاء ...
نهرني و بحسو كلو ، قالي انتي حتعلميني شغلي ، ثم تانياً بدل تحاسبيني انا حاسدو اهمالكم ، واقفين قدامي ة لحد اسي ما عارفين ان بنتك مطعونة تلاته طعنات اتنين في ضهرا و وحدة في جمبها الشمال ، وكل طعنه اخطر من التانية و نزفت كمية دم ، ما تتكلمي وانتي ما عارفه الصراعات الانحنا بنمر بيها ، لمن اشوف وحدة زي دي في بداية شبابا ولسه ما شافت حاجه للدنيا دي و احساس انها احتمال تموت في اي بحظة زا بقتلنا احنا زاتنا ...
بابا بعاين للدكتور و بقى ما موزون زي الداير يمشي و بدا يترترع ، زي الزول العنده فقدان جزئي من زاكرتو بقى في حالة اضطراب ، و بيتكلم مع نفسه ، كيف دا كلو حاصل و في عز النهار و البيت فيهو ناس تحصل حاجه زي دي ، متعمدة
ردينا هي عمرتا كلو قدر شنو لمن زرل يحاول ينتقم منها بالبشاعة دي شنو الذنب الارتكبتو
يوصل الزول دا للمرحله دي ..
اما انا كلام الدكتور يمكن يكون كسرني لكن كون جواي شحصية جديدة ،،
مسحت دموعي و عرفت اني في اللحظه دي اهلي محتاجين لي ، طول عمري انا الكنت بحتاج ليهو و بلقاهم جمبي قبل افتح خشمي كنت بلقاهم جمبي ، اي طلب اطلبو بجيبوهو لي لو يقطعو من لحمهم ، طول عمرهم كانو لي سند بغض النظر عن الهفوات التانيه البني آدم بيغلط ،، بالجد دي اول مرة يحتاجو لي فيها ولازم يلقوني زي ما كنت بلقاهم طول سنيني الفاتو ....
مشيت علي بابا ، قلت ليهو انت ماشي وين ؟
لسه بيتكلم براهو و ما بيرد علي ، بقوليهو يابابا انت ماشي وين ، بس بيقول لي ردينا ، ردينا انا ما اهتميت بيها هي صغيرة ،، دموعي غلبتني ، قلت ليهو بابا قول لا اله الا الله ، دي ارادة رب العالمين الحصل ليها دا حتي لو انت كنت معاها لحظه بالحظة ما حيحصل الا الكاتبو ليها رب العالمين ، الحمدلله هي لحد اسي قالو عايشه و في محاولة ، انحنا في يدنا في الدعاء ، ندعي ليها و نسال ربنا الشفاء .. م تميت كلامي من هنا امي صحت من الحقنه ، و من صحت تمعط في شعرا و تجر في هدوما و تكورك جيبو لي بتي ، جيبوهااااا لي ، الليله ووووب علي والله اموت انا و ما تموت هي ، و تكورك بحسها ..
بقيت ما عارفه امسك منو فيهم ، بابا في يدي ماشي في الممر و امي بهناك تكورك و عشه ما قادرة عليهاا .. قلت لي بابا تعال معاي نخدي امي يا بابا ما توجوعي قلبي عليكم الله انت هسي مالك بقيت كدا و ما بترد علي يا بابا ، عليك الله اقيف انت ماشي و جاريني معاك حنمشي وين و الدكتور قال ردينا في العمليات حنسوي شنووو ...
اضطريت فكيتو و مشيت اسكت امي البتكورك بي حسها ، مسكتها من يدينا و بتقاوي فيني ، قلت ليها انتي ما مؤمنة بالله ؟
مالك بتلطمي زي الماتت بتك لسه عايشه ادعي ليها ربنا يشوفا ، و لسه تكورك ، جات ممرضه قالت لي تسكتيها و لا نطردكم ، قلت ليها اتكلمي بأدب
انحنا هنا ما قاعدين بقروش ابوكي ، و ربنا ما يضوقك شين في اهلك ، قالت لي م تتلائمي معاي عشان م اعمل شي ما يعجبك ،،
قلت ليها الوضع الانا فيهو ما بسمح لي اجادلك لكن انتي كممرضه مفروض تتكلمي و تتعاملي بأدب ، والبتتكلمي عنها دي امي و ما حسمح ليكي تقللي ادب و بعدين ما من حلاة المستشفي عشان تطردينا منها ...
و امي دي تبكي اقسم بالله قطعت قلبي ، مسكتها من راسها قلت ليها ، عايني لي هناا
ماما عايني لي هناا . لو دابرة بتك ما تموت ادعي ليها انتي امها و دعا الام ربنا باذن الله حيتقبلو ، انتو ربيتونا علي زكر الله و قراية القران وحفظنا سواا و بنسمع لبعض ، ماما انتي قوية ما تضعفي كدا بتك اسي في غرفه العمليات و في اي لحظة ممكن تكون بين ايادي الله ودا حق يا ماما ..
طالما في يدك تساعديها ادعي ليها ردينا محتاجة لينا كلنا ، بدل يجو و يدوكي حقنه تنومك افضل تكوني صاحيه و تدعي ليها انتي قوية اتفقنا ؟
اوعى تبكي يا ماما امانة ، ما تبكي
عايني لي انا كلكم عايزين تنهارو و تخلوني براي ، قولي لا اله الا الله سيدنا محمد رسول الله ..
عشوشة انا ماشه اشوف بابا ، خليكي قريبه من امي ، ولو جات الممرضه دي ما تردي عليها انحنا ما ناقصين ..
حمدلله امي هدأت و بقت تستغفر ،، طلعت كداا لقيت الممرضه ديك قاعده تحمر لي وتحدر فيني ، بقيت لافه وانا ما عارفه اي حته في المستشفى ، حتي تحت في الحوش بفتش في بابا ، و عايزة اطمن علي ردينا م بعرف وين العمليات ، بعد قنعتا خلاص ، لقيتو قاعد في مقاعد تحت و معاهو الزول داك بتاع البوهيه ( اسمو معتز) ..
قلت ليهو بابا انت كويس ؟ هز لي راسو وماسك سبحتو ، طبعا المغرب دخل من بدري وانحنا صايمين ودا اخر يوم في رمضان ..
عاينت لمعتز قلت ليهو انا عطشانه ،، طوالي قام ، اخد غطستو وانا قاعده جمب بابا
قلت ليهو وين غرفة العمليات دي ؟
قالي اخر الممر دا ، قلت ليهو اتاخرو شديد ، قالي العليها ما ساهل يا بتي .. بقيت بدس في دموعي ، عشان ما اظهر ليهو وجعي و يتوجع ما صدقتا شويه استوعب الوضع و بقا متماسك ،،
بس اثناء قعادنا كداا ، جات ممرضه ، وقفتها قلت ليها العمليه لسه م انتهت ؟ قالت لي طلعوها لكن م عارفه شي ، بس بقينا نتجارى انا وبابا ، نتطاقش في بعض و نفتش للغرفه ولا المكان داا ..
لقينا الدكتور القبيل ، قال عملنا العلينا و الباقي علي رب العالمين ، و دايرين دم +B, الفصيله نادرة وكل الموجود راح ف العملية اسي هي ف الانعاش ، بس موصلين ليها دم لان الجسم عايز .. قلت ل بابا مستشفي مافيها دم ؟
اتلفت وراي لقيت معتز منطط عيونو ، وبعاين للدكتور ، قلت ليهو انت فصيلت +B ؟
قالي لالا .. شلت منو المويه واديت بابا ، و بعدها بقينا نتصل بكل معارفنا عشان يتبرعو بالدم ، انا وناس ماما فصيلتنا +O ، الا عشه B واتبرعت بكيس لانها بنت م بينفع تتبرع زيادة ..
اليوم دا م عارفنو فات كيف ، لحد الصبح انحنا في خالة هلع وخوف من نشوف ممرضه ولا دكتور جاي بنخاف من الخبر الشين ..
و صابح العيد كل زول في همو و المستشفي زاتا بقت صانة ،،
اصبحنا ، وجانا الخبر الشين ..
ردينا شبه ميتة ، عايشه علي الاجهزة ، ولو ونسبه استحمالها للوضع دا 5% ..
بكينا لمن دموعنا نشفت ، بس ف النهاية الحمدلله في امل .. اليوم دا اللي هو اول يوم في عيد الفطر ، بابا رجعنا البيت ..

بعد وصلنا البيت ، اتصلو علينا رجعنا تاني مشينا علي القسم ، اتفتح محضر و دا شي طبيعي تحقيق بس بالجد دا م وقتو المناسب لاني ما قادرة استحضر اي حاجه ، بس بقت اسمها جريمة قتل موجودة في السجلات ، و قالو ان العمل كداا ممكن يحاول تاني يأذي زول فينا ،، انا وحدة من الناس للحظة نسيت اي شي م قدرت اجمع الاحداث الشفتها بس ببكي ما استفادو مني في اي حاجة ..
و قالو دي قضيه حتفضل معلقه و لسه التحقيق ما انتهى ..
رجعت البيت و كانت في مفاجأة في انتظاري
بقيت بلوم البيت زاتو حسيت اني بكرهوو و ما قادرة اقعد فيهوو ..
مشيت غرفتي ، جاتني عشه قالت لي يا لدينا شوفي تلفونك وين ابوكي قاليك خلي فاتح
.. قلت ليها ما بعرفو والله .....

و فجاه بفيت بصرخ و بكورك بطريقه هستيريا انا كتمت الوجعه جواي انا اكتر وحدة اتحملتا منظر اختي مرمية قدام عيوني سايحه في دمها .. جريت غرفتا و قفلت الباب
و بقيت بصرخ و بكورك و عشه دي مسكينه واقفه برا تقول لي افتحي الباب يا لدينا
، بقيت بتلفت زي المتوقعه الحيطان تكلمني توريني منو العمل في اختي كداا ، قعدت في الواطه و بقيت ببكي ،، انتبهت انه الدم اختفى من الارض ....
لقيت في زي خرزتين كدا زرق واقعات في الواطه كل واحده في اتجاه ..
بعاين فيها و الخرز دا ما غريب علي شفتو مركب في حاجه ..
عصرت راسي لمن اتزكرتا .. الخرز دا كان جوة المينا حقت الساعه الجبتها _هديه لهشام ، الجابو هنا شنو ؟؟
_سروية كانت بتعمل شنو اثناء الحصل ؟؟
_الدم مشا وين ؟؟
_خالة امينة وين اختفت ؟؟
_ و الصوت السمعتو وقت جيت لقيت ردينا في حالتا دي ، دا صوت شنو _ومافي حاجه ككانت مكسورة ؟؟
_لؤي ، لؤي ليه ما متأثر ؟؟
_ منو القتل ردينا ؟+