القتيلة المدللة

٢٠

.

قالت لي ابوكي قال نسافر بيها الاردن .. 
قلت ليها انا شايفه كدا برضو ، و ناوي متين ؟ قالت لي في الايام دي 
قلت ليها لا يا ماما اصبرو شويه ، قالت لي صبرنا الكتير ، قلت ليها ماما اااا ....
بابا و معتز جوا طالعين ، سكتنا ، قلت ليهو اتصلح ، بابا قالي ايوة .. امي قالت ل معتز اقعد اتغدا معانا ، قاليها شكراا ... 
اها بعد طلع ، قلت ل بابا اجلو موضوع السفر دا بس اسبوع عشان اقدر اجي معاكم ، قالي انا حأشيل ردينا وامشي لسه عندنا اجراءت ولمن يحجزو لينا هناك ف مستشفي دي براها اسبوع و انا واثق في رب العالمين انه نلقى ليها علاج ، وضع المستشفى براهو علاج نفسي .. قلت ليهم طيب ماما انا محتاجة انوووم نتكلم بعدين ، قالت لي الا تتغدي واتا اصريت انه امشي انوم ..
اول حاجه دخلتا غرفتي قبل اقفل الباب قلت لازم ارجع المفك في مكانه ، رفعت تحت ملابسي لقيت جمب المفك في *تلفون قديم*
*باك فلاش*
دنقرت رفعت الملايه من الارض و شلت المخدة عشان اطلع منها الاكياس و اوديها سلة الملابس ،، بس رفعت المخدة لقيت لي تلفون كدا ميني جالكسي صغير كدا شاشتو مكسورة وحالتو غريبه ، يعني م لفت نظري ، شلتو ختيتو في جيب بجامتي ، وبعدها ختيتو في دولابي تحت ملابسي .. 
*اكيد اتزكرتو اليوم دا صح*
بقيت في حالة من الضياع ، شلت المفك امي شافتني قالت لي بيعمل شنو المفك دا ، بابا قاليها اكون انا نسيتو اسي ، قلت ليهو لا يابابا انا شلتو وفكيت بيهو بلك الشاحن متعمدة ،، قالو لي دا كلام شنو ؟ عشه دي نططت عيونا قدر الليلة و بكرة ، قلت ليهو خلوني اسي بس دقاييق ، امي بقت تقولي انتي جنيتي ما طبيعيه تصرفاتك مخيفه يا لدينا ، قلت ليها معليش اتحمليني كله لخير ..
رجعت المفك ودخلت غرفتي و تربست الباب علي ، من الخلعه لمن يدي بقت ترجف ، طلعت تلفون معتز اول و تلفون ردينا في رجلي ، و تلفوني انا جمبي ، فتحت تلفون معتز الربيكا ،، دخلت رقم ردينا م لقيتو مسجل ..
دخلت رقمي ورنيت علي نفسي ، ظهر لي نفس الرقم اللقيتو في تلفوني ونزلت عشانو النمبر بوك ... برجف لمن م قادرة اركز ، 
فتحت تلفون ردينا ( دا ما تلفونا الاصلي دا الميني القلتو ليكم ابو شاشه مكسورة ، تلفونا الاصلي مفقود ) ..
فتحتو لقيت باسورد ، كتبت تاريخ ميلادي انا ، طوالي فتح معاي لانو كان كلمتني انركل باسورداتها تاريخ ميلادي .. 
فتحت التلفون لقيت ارقام كميه من ضمنها رقم معتز ، و الرسايل ..
بتقوليهو انا ما بقدر اعمل كداا ، وهو بيهددا ما فهمت هو داير منها شنو و هي بترفض و تترجاهو ، و اخر تلاته رساله كلها تحويلات وترسل ليهو قروش ،، 
اخر رسالة خالص بيسألها من مكان دهب امي في البيت داساهو وين ،وهي م ردت عليهوو 
الرسايل مبهمة بس عرفتا كتير ، دخلت الاستديو لقيتو فاضي ،، نزلت برنامج ال Backup, عملت استرداد للصور كلها نزلت لي ،، صورها مع معتز ،، و قبلها صور مع بنتين و ولد ، بقيت ما عارفه اتجه علي وين ،، وانا قاعده لقيت في ورقه في الواطه لونها ازرق ، قلت دي شنو ،، فتحتها لقيتا من المزكرة من الورق المفقود في النوته ،، قمت جبت النوته فتحتها فعلا لقيت الورقه دي مافيشه في محلهاا ، بس جني قام علي ، جبت شنطة عشه دي قلبتها في السرير قلب م لقيت شي ، لقيت جوا في جيب سري فتحتو لقيت 19 ورقه باللقيتا وافعه 20 و الفي المزكرة 10 ورقات ، ديل كدا ال30 ورقه زرقا ... 
بقيت داخله في حاله كداا ممكن اسوي فيها اي شي ، طلعت براا والتلفونات في يدي ،، تاني رجعت قلت لازم اكون حكيمة في تصرفاتي ، كدا ما حأوصل لحاجه ، عشه مصلحتا شنو تشرط الورق ،، ياخ انا غبيه طيب اقرا الورق دا اشوف فيهو شنوو ،، قعدت اقراهوو ... لقيت مكتوب : 
1_انا وصلت لمرحله بشعه من حياتي 
4_ الليله بعت الحلق حقي البحبو عشان مصطفي ما يفصحني ( مصطفي منو ؟)
6_والليله كمان اديتو السلسل لمن ذنقني وقال داير قروش قلعتها من رقبتي واديتا ليهو مع انها غاليه علي 
7_ البيغلط بيدفع التمن لكن م كنت قايله التمن دا غالي كدا ، حار ياخ
( الارقام م مرتبة لانو دي الاوراق المقطعه و الاوراق الفي نص ياها الموجودة في النوته)
بقيت بقرااا في الرسايل و نار مولعه فيني كل دا كان حاصل علي اختي وانا المفروض كان اكون اقرب وحدة ليها م لقتني .. 
لقيت رقم 11, مكتوب فيها ، اسماء بتكرهني عشان محمد بيحبني ههه بس هي طيبة .. ّّ
رجعت فتحت التلفون لقيت ارقام مسجله بأسم اسماء و مروة وعزو واحمد و مصطفي دا ما مسجلاهووو ، مصطفي دا ياهو رقم معتز الظهر عندي لمن رنيت ، من وين اسمو مصطفى و من وين اسمو معتز ...