القتيلة المدللة

١٩

قمت من المكتب ، شلت المزكرة من الارض 
دخلت استحميت و لبست ملابسي المطلعاها للجامعه وانا جسمي لسه مولع نار،،
طلعت من الغرفه لقيت بابا مشاا ، و ماما و لؤي بيشربو في الشاي وعشه لسه نايمة .. صبحت عليهم من شافتني اتخلعت قالت لي علي وين ؟
قلت ليها مشوار صغير وراجعه، قالت لي مشوار بعيونك الواقعه دي ؟
دايرة تموتي انتي ولا تموتيني انا بالقهر ،، قلت ليها بعد الشر عليك ، بس عندي مشواار ضروروي يا ماما لازم امشيهو و ما بتأخر 
قالت لي سوقي عشوشة معاكي ، قلت ليها ابدا يا ماما مشوار خاص و انا بس عشان نومي كان متقطع عشان كداا ، لكن اطمني انا بخير ،، قالت لي امنتك لو تعبانه وداسه اجلي مشاويرك دي ، قلت ليها اطمني بس لازم اطلع يا ماما ما تقلقي ،، قالت لي خلاص ابوكي ما بكون فات بعيد اتصلي عليهو ،، قلت ليها لحظة ..
كلمتو ،، منعني ولمن الحيت واصريت ، قالي انا قطعت نص المسافه، انتظري برسل ليكي معتز ، الود دا انا ما حبيتو كلو كلو ، كئيب كدا ولبسو طوالي طواقي م بعرف غايتو لكن النوع الثقيل داك ،، 
انتظرتو قريب ساعه كل شوية اقوم اغسل وشي و ارجع عشان الحمة ، لمن جاا عمل بوري لكن م ركزتا قلت دا م لي اكيد بابا حيعمل لي رنة ،، فضلت قاعده 
بعد شوية رقم دخل لي بأتصال ، عاينت كدا قلت منو حيتصل علي ،، جيت ارد قام فصل و بيعمل بوري من العربيه ، عاينت بالشباك لقيت العربية ، قلت ل ماما وصل ، انا بطلع و بطمنك علي كل شوية ، قالت لي انا كمان بتصل عليكي ... 
طلعت و طبعاً ركبت وراا ، الولد دا طوالي بيركن بي زاوية ، و قبل نتحرك زي الناس جا واحد ماري سلم عليهو سلام معرفه ،، لحد م اتحركنا ، قالي ماشه وين ؟ 
قلت ليهو ( السجن ،، اقصد قسم ال ...) 
قالي تعملي شنو ؟ قلت ليهو نعععععععععم !!!! قالي اسف و سكت .. 
طلعت الدفتر حقي الكنت بكتب فيهو الملاحظات والاسامي ، براجع فيهو الف والف وارجع لي سروية وافقد الامل ،، رفعت راسي فجأة لقيت دا بيعاين لي في المراية من شافني قبل وشوو ،، المهم وصلنا ، قال لي الحاج قالي انتظرك ، قلت ليهو انزل معاي قالي تمام .. فعلا دخلنا 
طلبت منهم اقابل هشام ، رفضو و اتلكلكو معاي و معنز معاي زي رجل الكرسي شخصيه كدا بس استغفر الله ما بيتدخل لا بخير لا بي شر .. بعد محاولات حتي وافقو لي بي 15 دقيقه ، قلت ليهم كافيه شديد .. بعدها بي ساعه حتي خلوني ادخل بعد جابوهو في زنزانه كدا منفردة ..
شافني اتخلع وصر لي وشو بطريقه كعبه شديد ، قالي انتي جايبك المكان دا شنو وانتي بت ، لمن تختي رجلك في مكان زي دا دي سمعه ليكي ، القضيه وانتهت البجيبك شنو ؟
قلت ليهو ما انتهت ، سجنك ما كان آخر المطاف و كون يكونرفي دليل واضح خاتنو قدام عيني دا كان غباء مني لاني وقتها كنت بتعامل بي عاطفتي ، خلعة اختي نا مرقت مني ، قالي اسي انتي جايه دايرة شنو ؟ 
* دايراك تتكلم يا هشام ، انا قبل ما يكون هدفي الانتقام ، انا هدفي افيد العداله لانو اصلا الحصل لاختي حصل انا عايزة الحق وبس ، وريني انت ليه ما دافعت عن نفسك ؟ّ
_ هههه و انتي جايه بعد شهرين وزياده تسأليني ؟
*انا ما بدور الظلم مافي انسان حيقبل علي نفسه انه يتسجن اي زول بيدافع عن نفسه 
_كل زول بي وضعه وظروفو ..
*تقصد شنو ؟
_بقصد ان القضيه انتهت ممكن تتفضلي تطلعي من هنااا ؟
*لا ما حأطلع ، من البدايه انت مفروض كنت تقيف معاي و تساعدني بدل توصلني لمرحله انك اسجنك واتهمك 
_يعني انتي عارفه انك اتهمتيني ظلم ؟
*ظلم كيف و خرز الساعه الجبتها ليك بنفسي لقيتو في غرفة ردينا ، والسلسل ، دي كلها محتاجه اجابات واضحه و من يوم ما اتسجنت لمبتنا بقت ما بتطفي ولا بتتحرق و لا الظل الكنت بشوفو بي برا الشباك بقى بيظهر .. يا هشام ارجوك انا وصلته مرحله ما يعلم بيها الا الله ،ارجوك اتكلمرحتي لو انا ظلمتك انت كمان ظلمت روحك ما دافعت عن نفسك ، ارجوك يا هشام ، فضل لينا 6 دقايق السمحو لي بيها معاك ، ارجووووك اتكلم .. 
_اسف ، م عندي حاجه اقولها ليك غير حاجه واحد كاتلاني من جوااااا ومحرقه روحي ، حبي ليك يا لدينا ما شفع لي عندك ؟ 
ما ختيتيهو في عين الاعتبار ان ما كنت مستعد اخسرك ؟ اديني سبب واحد يخليني ارتكب جريمة تدفني بالحياة .. 
*لا بالعكس انت قلت الكتير يا هشام ، قلت اكتر من الكتيررر .. عن ازنك بس قبل امشي اتزكر انك العملت كدا في روحك .. 

مشيت ، و بالجد حسيت بكسرة نفسه 
و لحد اللحظة دي لو الزمن رجع بي لي ورا انا حأعيد العملتو فيك يا هشام لحد ما اصل للحقيقه ... 
طلعت براا ، بفتش في معتز ما لقيتو بقيت واقفه و حاسه ان اعصابي بترخي و جسمي ولع نار .. برن علي الرقم الرن لي منه ، رد علي ، قالي خليت ليكي العربيه فاتحة اركبي بجي اسي .... 
مشيت ركبتا ، اول م ركبت عيني وقعت علي تلفون ربيكا ، قلت الغبي دا اذا تلفونو قاعد هنا كلمني بي شنووو !! ّ
م عارفه بس بقيت بتلفت و سحبت التلفون براحة ، م لحقت اعمل شي جدعتو في محلو من شفتو جاي علي العربيه عملت فيها بهبش في

شنطتي ،، قالي نمشي ؟ّّ
قلت ليهو يا ريت لاني مصدعه شديد ، و بقيت بفكر في حيلة انزلو بيها من العربيه ، فكرت اقوليهو عطشانه ، و في دكان قريب لينا شديد لو نزل حيكون شايف الجوة العربيه ،، خليتو مشا مساافه ، ودااااك دكان 
، قلت ليهو معليش حأتعبك معاي ولسه البيت بعيد ، ممكن تنزل تجيب لي قزازة موية ؟
قالي طيب و ما وقف العربيه ،، لمن وقفها وقفها جمب بتاع دكان قريب لينا لو مد يدو ساي بجيب ليهو الموية انقهرتا قهر ياخ ، ما عارفه ليه بس حسيت اني عايزة التلفون داا ..... 
اتخيلو وصلنا البيت و انا مالاقية حجة و بقيت خايفه بس يمد يدو ويشيل التلفون دا يدخلو في جيبو .. اسوي شنوو يا ربي .. 
لمن وصلنا لقيت عربية بابا برااا ، قام يطنطن ، قلت ليهو بتتكلم معاي ، قالي لاا ، من وقف العربيه ، قلت ليهو اتفضل ادخل ، قالي لالا بس شوفي الحاج لو داير حاجة قبل امشي .. 
جريت جري ، سلمت علي بابا و ماما وعشه ولؤي ، ولا قلت ليهو معتز براا ، براحه اتسحبت ودخلت المطبخ ، تحت حوش الغسيل عندنا شنطة عدة ( صيانه )
شلت لي مفك دخلتو بي جوا ملابسي ، و داخله غرفتي ماما قالت لي تعالي المسك الحمة نزلت ؟ قلت ليها ايوة ايوة لحظة ماما بجيكي اسي .. 
دخلت غرفتي و لذيت الباب بي جواا ،و قعدت عند بلك الشاحن ( الكوبس) ، طلعت المفك لقيتو نجمة ، عرفتو م حينفع دقستا ، بس علي حظي الحلو لقيتو 2/1، يعني من وراا عادي ،، بس بقيت بلف في المسامير طلعتهم الاربعه و جرجرتهم بالمجازفه عظان م يطقني ، و دسيت المسامير .. و حشرت المفك في دولابي تحت الهدم حسيت اني خبطت حاجة ،
ما اهتميت .. طلعت براا ، ماما قالت لي لسه ما غيرتي قلت ليها ضربني ماس اتخيلي لقيت البلك حالتو غريبه ، بابا قالي كيف يعني قلت ليهو دا خطر ، ما بتقدر تصلحو ؟
قلت ليهو الليله يا بابا نسيت معتز دا من قبيل واقف برا و قالي اشوفك لو عايز حاجه قبل يمشي ،، قالي كويس كويس انه ما مشى ،، بابا مشى علي الشباك و بقى بينادي فيهووو ،قاليهو ادخل ادخل تعال دايرك ..
انا هنا لسه ما حسيت بطعم الانتصار ،، انتظرتو لمن دخل و دخلو غرفتي ، انا اتسحبت برا الشارع واااي كان لقيتو شالو الليلة حأجن .. 
عاينت من برا لقيتو قاعد ، فتحت الباب براحه شلتو و دخلتو في جيبب و جري دخلت البيت ، عشان غرفه لؤي اقرب ، دخلت لقيتو بيلعب في الكمبيوتر م منتبه معاي ، طلعتو عملتو صامت ،، و طلعت لناس ماما ،، قالت لي اها كيف ؟ 
قلت ليها تمام اها كلمتو ناس المستشفى ؟
قالت ايوة عشان كدا ابوكي جا بدري 
قلت ليها خير ؟

استككانة -✌

#القتيلة_المدللة| يتبع ......