القتيلة المدللة

١٤

بقيت بجر في الفلم 
ويدي دي بترجف ، معقوله ! طيب لؤي لالالالا مستحيل ، في الزول بحاول يشوش لي تفكيري ، لؤي ما بيحب نوعية الافلام دي ، بيحب الخيال العلمي و ال 3D, رجعت الصفحه زي ما كنت و قمتاا .. طلعت بقبت بنادي في عشوشه ، م بترد 
لفيت الحوش بي وراا ، لقيت بتتكلم تلفون
من شافتني نطت ، قالت لي لل ل لدينا !
قلت ليها بناديكي م سمعتيني ؟
قالت لي بتكلم مع ناس البيت عشان كداا ، قلت ليها بتكلميهم زي الحرامية كداا ، المهم لقينيهم كيف ؟ 
قالت لي كويسين حمدلله ، قلت ليها لؤي وين شفتيهو ؟ قالت لي لالا قبيل خالتو جابتو فذر معانا و رجع غرفتوو ... 
رجعت غرفتو تاني لقيتو راقد ، قلت ليهو كنت وين انت ؟ 
قالي في الحمام ، قلت ليهو ما فترت من النوم ، عاينت ليهو حسيتو م طبيعي جيت هبشتو لقيتو محموم ، حاولت 
نزلت ليهو الحمة بالمكمدات لحد ما نام .. 

( بالنسبه للتعليقات .. ي ريت ماف وحدة تقولي اختصري الاحداث لان دي رواية ، قصة انا بخش في تفاصيلها ، و دي بالذات ما قصه يختصروها ، م عندك قدرة تنتظري ، اقريها بعد تنتهي فضلاً ) ....

اليوم دا انتهى ، و اليوم البعدو و مافي اي مستجدات ، ردينا علي وضعها و انحنا علي وضعنا وانا حالفه ما اعتب المستشفى الا وانا جايبه ليها حقها تالت و متلت .. في اليومين دي ، طلعت الكتب الجانبيه الكنت جايباها عن الحقوق و ما قريتا بجانب معلوماتي البعرفا عن الحقوق .....
دا يوم السبت ، صحيت و طلعت لي بابا 
و طلعنا و ماف زول عارف انحنا ماشين وين ولا جاين من وين ، حسيت بابا مقلق و ما عندو ثقة فيني من ناحية الشي الانا مصممة اعملو ، و كان مقلق ، لحد اخر لحظة قالي يا لدينا ، الحصل دا قضاء و قدر ّ،، و امك كلمتني ان دهب اختك مسروق ، والشرطة لو عرفة كدا حيتقفل المحضر علي اساس انها جريمة سرقه والحصل لي ردينه ناتج للدفاع عن النفس ، ما حناخد لا حق لا باطل .. 
قلت ليهوو انحنا لينا حق يا بابا و القنانو ياخد مجراهو و ما حأتهاون و العمل كدا حأجيبو للعداله راكع اوعدك ، دي قضيتي منو القتل ردينا يا بابا بالقسوة دي ؟ 
انا الحأجاوب علي السوال داا بس في وقتو .. المهم دخلنا القسم 
كالعاده مرمطة وجرجرة و ننتظر لمن يدخلونا ، فا لمن دخلنا ياهو نفس الزول الحقق معاي ، سلمنا و قعدناا ، قالي اتفضلي .. 
قلت ليهو انا لدينا ، اخت ردينا ، في بلاغ عندكم من كم يوم شروع في القتل ، قالي ايوة بتاعت السكين ، قلت ليهو بالضبط كداا ، و انتو قفلتو الملف علي اساس انها سرقه و هي حاولت تدافع عن نفسها ، قالي و انحنا م عندنا معلومات ، الاجابه عند بتكم لمن تقوم بالسلامة تحل اللغز دا ..
قلت ليهو علييييييك الله ! انت مدرك تماماً ان اختي قالو ماتت سريرياً يعني نسبة انها تعيش نسبه ضعيفة ، انحنا ناس عاقلين ،ولو فرضا ان ربنا شال امانتو بكداا حق اختي يكون راح هدررر ، اكيد لااا ،، 
انا بطالب بفتح الملف دا تاني و التحقيق مع كل الناس الكانو في بيتنا في البوم دا انا حأديكم الاسامي والعناوين كامله ، و عند شك حولين زول معين لاني لقيت اكتر من دليل و بكدا حتتحول لقضية كامله بشهود و ادلة ..