بعت النذل واشتريتك ،،،للكاتبه ام رحيل ...ع م

💔(بعت النذل واشتريتك )بارت1

للكاتبه ام رحيل ...ع م
طلع فجر صباح جميل بين نسمات الهواء الذي يداعب عيدان قصب البردي
واصوات طيور الهور تعلن صباح يوم جميل، ،،،دخلت نسمات الهور البارده
الى مضيف الشيخ سلمان رداد ال علوان،
النار اشتعلت تحت الدلال والقهوه فاحت
رائحتها ترحب بلضيف القادم من اهل،،
الهور و من خارجه، ،نساء ورجال واطفال وسيلة نقلهم(البلم) وشوارعهم
ماء الهور، ،،
-حمادي حمادي والك ليش لسه نايم والك
اگعد النهار طلع،،والناس طشت بلهور
-اي،،،اي،،گعدت اي اني ابتليت چي انه
الزغير بيكم، ،،،يابوي يرداد شوف ابنك
المدلل الزغيرون اصار بي عگب عينك
-والك چبح هل وجه ثمنطعش عمرك
وبعدك زغيرون اخوي سوادي من عرس اصغر منك وبعمرك صار. عنده اثنين چهال،،وانت لسه. زغيرون
اوهو مداك، ،،ولك اني اكبر منك وگعدت
من الفچر وشعلت النار ونصبت الدلال
وسويت الگهوه،،،ولك دگوم اعلف،،، الچواميس كتله الچوع،،والعطش وهي
بنص الهور، ،،
-گايم گايم ينوماس، محبوب امك وابوك مو مثل حمادي راعي الچواميس منو
بحاله گوم يا حمادي گوم،،،ياحمادي،،،چا هو حمادي مثل سوادي عنچل عليكم من عمره سطعش سنه. واخذ بت عمي فرحه او،،هب. هب
خلفتله اثنين. چا اني ليش محد بحالي
اهه ويگلي سوادي عنده مره وچهال، ،،
چا ما تعرسوني واچيب اربعه چا شنهي
هي السالفه صعبه بس تعرس ولن
المره حبله. وحبله وره حبله يصيرون
اربعه، ،،اخ يامنعوله ما تبطلين كل مره
تنطحيني، ،،اخ چاموسه خايسه راح
اتگطعيني الخلفه گبل ماشوف المره واخلف منه،،،،،
-ها شبيك يحمادي اسولف وي روحك من الصبح.
-ها، ،،يخوي ياشيخ سلمان اريد راسك طيب لا گلشي ماكو
-چا شو سمعت اتگول، ،عرس وتگطعيني الخلفه،،،،شنهو القصه يخوي گلي وانا خوك لا ضم بگلبك. يحمادي
-ها يخوي ،،،چاخوش يخوي انا اگلك اريد........ار....يد
-گول يحمادي چتلتني ا،،،ا،،،شبيك
-يخوي، ، اريد اعرس ها،،،گلته
-ههههههههه ههههههه
-ها يخوي تضحك عليه انا ادري منو بحال حمادي ويعرسه
-لا، ،لالا حمادي انت خوش زلمه يخوي
بس يحمادي چا هي السالفه غير بلدور
يخوي
-چا يخوي اضل منا لمن يعرس. اخوي صيهود سبع الهور وبعدين نوماس امه
وابوه،،،وبعدين حمادي،،،،، يشيخ لنه الچاموسه ناطحتني وچاتلتني
-والك الچاموسه شله شغل بلعرس
-لا لالا يشيخ. لن الچاموسه اتخاف منه
اطيحله دگ بلتوثيه هچي تهبط چدامها
وترچف، ،ترچف مثل السعفه،،،،،
-هي منهو ولك چنك حاط عينك على وحده منهي هاي الترچف منه الچاموسه
-ها يشيخ، ،،،چا هي موش غريبه،،،بت
عمي هداد،،،
-منهي منهن هنه اثنين الضالات ريمه الصغيره اي هي بعمرك،،،بس ولك هاي تدرس بلمدرسه وتنطز وين تگدرله وهاي اديها ما يحلبن چواميس
-لا يشيخ موش ريم انا رايد اخته ريحانه
-بس ريحانه اكبر منك بسنتين ?
-اي يخوي بس ريحانه ولا چنه ريحانه
الچاموسه ترچف منها هيچ،👋👋
-بس ريم اصغر واحلى والك حمادي انت ما تعرف،تستنگي
-لا لا يخوي، ،ريحانه تعيش بلهور بس ريم غزاله تريد گاع ما تعيش بلهور،،،،
(ريم ،صيهود يريده ونوماس عاشگه چا
شنهي تنقسم نصين.)
-ها يحمادي شو دردم ويه روحك ما سمعك شدگول
-لا يخوي اگول يخوي ريحانه،اريد ريحانه،،،يخوي وليسلم راسك ياشيخ
-زين. زين يحمادي اكل واخذ الچواميس للهور، ،،،،ويصير خير
-على امرك ياشيخ ال علوان،،،،هو، ،،هو،،
زفن حمادي زفن وبگرنچ حامي عنه
وخلي الثور العاداني ريحانه تكسر گرنه
هيو هي هيو هي ،،هچع،،وهچع، ،وهچع👌👌👌فضحتنا يكاولي الهور امش اسرح بلحلال،،،،،ولك، ،،
-اي، ،اي،ينوماس ،،،،،(خل الغزلان ادبچ ونوماس يربط بيه)،،،(وظهره ابگع من رچب الخيل وخل انشوف تاليه)وهي، وهي، ،وهي. وهو
-اگفلي يحمادي الكاولي لكسر التوثيه اليوم عليك،،،ركض نوماس وراه وحماد عض دشداشته بحلگه وركض بين الجواميس،،،
🏃🏃🏃🏃🏃🏃
-صباحك خير يشيخ
-صباحچ خير يأم نوماس
-يشيخ اتمنى اكون ام الشيخ سلمان لوتحسبني موش امك چي انا مرة ابوك
يشيخ من دشيت هذا البيت انت صحيح
چنت چبير وشايل الحمل ويه ابوك الشيخ رداد الله يرحمه بس لاتنسه سوادي وصيهود چانو ازغار واني ربيتهم مشان هيچ همه يصيحولي يمه
بس انته يشيخ ماترضه تگولها،،،،
-يشيخه نوماس ابنچ البچر واله حق اعليچ اناديچ بسمه وهو خوش نوماس
وابن ابوه وعضيد اخو، ،،وحمادي تارس
البيت فرحه وغناوي، ،،،انت الشيخه من اليوم وچاي انت الشيخه وام الشيخ ما
يكون خاطرچ غير طيب، ،،
-يطول عمرك يولدي ويديمك لخوتك
-اكو سالفه ارداگلچ بيه، ،
-گول يشيخ انشاله ماگو شر،،
-لا. لا خير، ،خير،حمادي حاجاني اليوم
ويگول بنفسي اعرس مادام اخوتي بعدهم ويريد ريحانه بت عمي هداد
-بس ريحانه اكبر من حمادي اضن
-اي يشيخه بس هو راضي وانه گتله
على اخته الزغيره انسب اله بي هو يگول ريحانه بت هور والچواميس تخاف منه.
-دهرك الله يحمادي الچواميس گاطعات گلبه ايريده اله لو للجواميس،،،يله ريحانه گويه وشاغوله عاد تعيني بشغل
البيت
-هه چا وين النساوين ?
-يمه مريتك ماتلحگ على الويلاد الله يسلمهم خمسه وبنات ثلاثه ومرت سوادي كل سنه حبله ومشكبنه وما تگدر
تمشي وجهاله هم اربعه، ،،،عبالنه صيهود لو نوماس يعرسون ونرتاح مادري ليش ما يرضون، ،،،يله خل حمادي يعرس بدالهم،،،،
-يله نشاله بيه الخير ها تبگه يمچ انت ومرت عمي هداد ام فرحه،،،،
-يصير خير يمه ،،اه يشيخ اسمع صوت
زلم بلمضيف، ،،
-اي،،اي،هله،،هله،،بلضيف،تفضلوا ياهله وچثير الهله بلضيف،،
******** **********