بعت النذل واشتريتك ،،،للكاتبه ام رحيل ...ع م

💔بعت النذل واشتريتك بارت 4

للكاتبه ام رحيل ...ع م
-ها ينوماس شلونك ........البارحه اجتي امك لامي ولخالتي سومه وگالتله اريد ريحانه وريمه او ماجده بت خالتي سومه للاولاد صيهود ونوماس وحمادي ،،،
-صدگ. يريمه چا شو امي ما گالتلي.... گالو بس صيهود ايعرس اول وبعدين انت وحمادي
-اي امك هم گالت هچي لامي اول مره بس بعدين
الشيخ سلمان غير رايه وگال خليهم بعرس واحد
حتى تگاليف العرس وحده ماطول البنات كلهن اكبار
ولا حگات للزواچ...
-اي يريمه راح احلم بهذا اليوم منا الراس الشهر...
واحضر کلشي. تحبينه واحطه بغرفتنه يريمه
-يمه ريمه ويامن تحچين بره
ها يمه هذا نوماس امه دازته عليچ
-ها هله يمه نوماس چا ليش واگف بره فوت ييمه
-لا خالتي مستعجل عدي هواي شغل مع السلامه
-يا ييمه نوماس ماگتلي امك شرايده مني يع شو هذا مشه وما گالي امه شرايده
-ها لا ييمه موش امه گايلتله شوف اذا مرت عمك بلبيت يو لاله... وبس
-چا وين اروح خاف اتريد تچي لمنه چا روحي اندهي خالتچ سومه اوبته خالده
-يوه يمه اني ماعولت اخلص من القرايه والكتابه
حته ارتاح وعدل روحي ما عندي وگت لماجده وامه واني وماجده وحده ما تحب الثانيه .روحيلها انتي
-يا صخام وچهج يحمزيه يمه هذي البنيه هسه تفشلني ويه ام نوماس هاي ما تطي من روحها البيت خالته خطوتين يمنه وما ترضه تروح اصيح خالته چا
شلون اذا صارت چنة اعيال وشنون اعيال الخطار
رايحين جايين عليهم ونارهم ماتنطفي لنص الليل..
واگدورهم ماتفرغ من الطبيخ النهار كله....
-يوه يمه شبيچ ابذاك الوگت غير شکل چا اهنا ادلل
عليچ وعلى اختي ريحانه..
-اي وهم اهناك اتدللي على ريحانه وادور فرحه...
-لالا ييمه خلي بالچ مرتاح ريمه ما سويها لن الدنيا انطتني كل الي اتمناه واريده. واريده. واريده..
-يا هاي البنيه انصفگت گبل ما اتعرس ..شسوي اروح اني اصيح سومه او بته ماجده......
يسومه يماجده...
-ها.. ها.. يخيه اجيتچ... هله هله ام فرحه هله تفضلي
يخيه
-يخيه يام خالد اضن اختنه ام نوماس اتريد تجي علمود اتجيب السياگ للبنات.. وگلت اختنه
مايصير. اضل تفتر علينه لازم ننجمع بمكان واحد تعاي يمنه.
-لا لا يخيه البيتين واحد ابصف الثاني مو بعيدات والخطبه اول مره صارت ابيتكم خلي يخيه السياگ كلمن ابيت ابوه..
-الي شوفيه يام خالد گصدي اختي وبته وچناينه ماريدهن يفترن من بيت البيت. واذا تردين نچي اني
والبنات يمچ. بس خاف ام نوماس اول ما تمر علينه
لن ابنه نوماس اجه علينه وگال امي چايتكم..
-ها يخيه چا ضلي ابيتچ او من يچن الكم ويخلصن
ادور يجن علينه...
-ابكيفچ يخيه اني رايحه
-الله وياچ يام فرحه
-يع چا عود ليش ما تچينه خالتي ام نوماس احنه الاول ها يمه اوخالتي ام فرحه اتريدنا اروح البيتهم
ليش عود بيتنه هم چبير وابوي عايش الله يخليه النه هو واخوي خالد ...يعني عدنه زلم بس خالتي لا عده ولد بس بنات او عمي هداد الله يرحمه.ميت
ضلت يمه شو هي ما گالت اني المن الصيهود لو النوماس لو لحمادي شو للاولا وگبل... چا غير
اتگسمهم علينه حته نعرف...
-وانت شنهي حاطه واحد معين منهم بعينچ
-لا يمه بس لازم اعرف اني المن منهم
-زين اني اعرف لن ام نوماس سرتني على كتر وگالتلي... بس ارد اعرف انت منهو الزين بيهم وتتمنيه
-ها يمه شبيچ لا يسمعني ابوي لو اخوي خالد شيخلصني وادور ايرفضون الخطبه واضل گاعده
مگابلتج ونضل على گلبچ اني واخواتي الخمسه
-ولچ احنه انحچي ابيناتنه منهو اليسمعنه
-ها زين يمه اني اسمعت من بديعه لن حمادي يريد
ريحانه واستغربت لن ريحانه اكبر منه ما ضل غير صيهود سبع البور ونوماس شيلة راس. واضن اني الصيهود وريم النوماس....
-،يع... يع.. منهو گالچ هذا الحچي..
-ها يمه چا شلون الحچي. ما تگليلي
-ولچ يفاهيه چا ريمه ابيش اخير منچ وتصير چنة الشيخه ام نوماس والبيت ايصير اله مو الچ..
-ها يمه بس نوماس ايريد ريمه وريمه اتريد نوماس
واذا ريمه درت اتشگ ثوبه وتهچ بلهور... او نوماس شلون يرضه بيه او هو يريده...
-بس الشيخه اتريدچ. انت چنه اله او مره لنوماس
اوتنطي ريمه لصيهود لنه موش ابنه
-بس ييمه صيهود خوش ازلمه والهور كله يخاف منه
حتى نوماس
-ولچ انت شبيچ ما تعرفين اني سمعت من حمادي ذاك اليوم سمعت صياح ابنص الهور اطلعت لن حمادي مبلل ويرجف وشايل طير بلبلم.. گتله شبيك شبللك ابهل الليل.. لن يگول ثارت الفشگ ابنص الهور واچفلت اوگعت بلماي... گمت انطيته دشداشه من دشاديش اخوچ خالد وضل يتحمه على النار وسولفنه اني وياه وگالي ايريد سلمان يعرسه ويخطبله بت عمه ريحانه گتله يحمادي چا ريحانه اكبر منك اخطب ريمه... گالي يخاله ريمه الگل يريده
چا شصير شکم واحد ياخذه غير بس واحد اوصيهود
گال السلمان يخطبه اله او نوماس هم يريدها.... بس لسه محد يدري حتى امي الشيخه ماتدري ابنوماس يريد ريمه لانه اتريد بتچ ماجده لنوماس لان انتي اخته من نفس الام والابو لچن خالتي ام فرحه اخته
بس من ابوها اولنها تخلف بس بنات وتخاف بناتها
تطلع اعليها او اني مايهمه تنطيني ريحانه حتى لو تخلفلي بنات بس نوماس ابنه الچبير واتريدله ولد
مثل ولد سلمان وسوادي...
-عرفتِ هسه الحچي او ريمه لصيهود موش لنوماس
محد يعرف ابهاي الخربطه غير بس اني حتى ام نوماس ماتدري ابنوماس ايريد ريمه.. او. ريمه وامه
عبالهن النوماس وحمادي بناتها و انت لصيهود... اوصيچ لا تفلتين بلحچي گدامهن...
-بس يمه صيهود اخير من نوماس لنه سبع او نوماس راح يضل يباوع الريمه اوهي رايحه اوهي چايه گدامه بلبيت،،،
-ولچ يغبره چا راحت اصير مرت اخوه. چا شنهي هو حرمنچي ويباوع اله هاي موش من طبع ال رداد...
-يمه واذا دره بعدين اوما رضه بيه شلون
-چا غير سلمان يذبحه علقبله ويشخته مثل الچاموسه... ما يگدر اوراح يرضه بيچ اويسگت وانت الچ الصافي ها لو انتي هم عاشگه مثل ريمه اشوفچ
مياله لصيهود ولچ....
-لا لامياله لاحد ولايحزنون كله عرس اوکله زلم يهو الچان اقبل بيه....
-خوش چا صيري صميته او لايزلف السانچ ويه ريمه لو ريحانه.
-اي يمه بس اذا ام نوماس گالت اشنون
-اذا عبرت الشغله لمن يچيبن السياگ تخلص السالفه
اومايبقه على العرس غير اسبوع واحد يلتهن بيه بلخياط والشرايه... وانه ماخلي ام نوماس اجيب طاري ولا تحچي يم ام فرحه اهواي
-اشلون اتگليله ابنچ عاشگ ريمه ويريده او لاتگلين لريمه انتي لصيهود.. شلون يمه تاليه خاف السالفه اطبل على راسي...
اطگ،، ،اخ،،،خ، خ، شبيچ يمه ليش اصگعيني شگلت اني
-لانچ ماتفتهمين مالچ شغل هاي السالفه يمي...
-زين يمه الي شوفينه
-وين اخوج حمودي ارد اوديه يندهلي بديعه
-بره يلعب وي الچهال بلبل حاح
-عمت عينه موش گتله لا تلعب هيچ بعد لن عينه اوگعت بيه العوده ذيچ النوبه اورادت تنطفي ضلت اسبوعين زرگه وما يشوف بيه.. صيحي الي
-حمودي... حمودي...
-ها شتردين مني شوگت اتعرسين واخلص منچ يمگلگله
-ولك حمودي والله اذا ماچيت تطلعلگ امي بلنعال ادگك على راسك يکسلان تعال امي اتريدك اتريد اتوديك البيت خالتي ام نوماس....
-اي... اي... چاي بس اشمر هذا الداس...