بعت النذل واشتريتك ،،،للكاتبه ام رحيل ...ع م

💔بعت النذل واشتريتك بارت 9

للكاتبه ام رحيل ...ع م
يمه چا شلون شسوي شو هاي الحكيمه ضلمته عليه
شسوي گليلي... اهااا... اهااا... اهاااا.. 😭😭😭😭
- هاي شبيچ يمه ماچده احنه بلشارع وانتي تنحبين فضحتينه...
-چا يمه شسوي والحکيمه تگول رحمچ زغير وما يحوي چهال... چا شسوي وخالتي بس تدري اني السبب والله لتچيب ريمه امنين ما خفتها وتزوچها
لنوماس...
-اسکتي واسمعي گليلها لخالتچ الحكيمه تگول مابيچ شي وتگدرين تخلفين وتگول خل رچلج يحلل
يمكن عنده. شي يمنع الخلفه...
-اي وبعدين اذا راح نوماس وحلل وطلع ما بيه شي
شلون شنسوي
-تعرفين ابن عمتچ چاسم رچل مريم صارله عشر سنين ماعده خلفه وراح هوه ومرته للحكيمه وسوتلهم تحليل وطلع يابس ما بيه بزر ومرته كلشي ما بيه وگعداو وسكتاو
-اي يمه واني ابيش ايفيدني هذا الحچي
-اسمعي ترحين انتي ونوماس للحكيمه واروح اني المريم وجاسم ..واخليهم هم يحللون للبزر والباگي عليه. اني ادبر السالفه..
-وشلون بعدين لمن يگلوله لنوماس كلشي ما بيك والسبب ماجده يگول اريد اخذ مره
-ماعليچ التحليل يتوخر مايطلع بنفس اليوم اني اخلي خالد يگل لنوماس اني اچيب التحاليل وناخذ مالته ومالتچ ونبدله بتحاليل چاسم ومريم
وبهيچ نوماس يضن الصوچ منه وبعد ماسولفله سالفة الحبايه الطلعت النوماس ابعلباته وهو زغير وحلاق الهور ناصر چواه بلعطابه وگال الي والختي
ام نوماس يمكن تعوگه من الخلفه واختي ازعلت على ناصر وگالته فال الله ولا فالك... واخذناه ومشينه.. چان عمره خمس اسنين ابذاك الوکت
-اي خوش بس يمه خلي روحتنه مو سوه اخذيهم الاول وثاني يوم انروح اني وياج ونوماس احسن حتى ما يشك نوماس لو خالتي زانه بالامر....
-اي.. اي.. خوش راي بديتي تخططين يماجده مثل امچ
-ومثل خالتي زانه هماتين تخطيطها ماينكشف ومحد يكدر عليه.حتى ابليس گال راح اغير اسمي من ابليس الى زانه...
-ولچ ما تستحين تحچين على اختي چا موش الي سوته كله على مودچ وعلى مودي.. حتى تاخذين نوماس من ريمه
-اها. وياحلاته من نصيب ريم ماخذه نوماس مني حتى وهي بعيده عني وعن نوماس. واسمه يصيح ويتشرط عليه وچنه يريد يخلص مني واسمه هاچ ويه صفاط السمچ...
-ديله امشي. عاد وخليني اعرف اشلون ادبر السالفه
وعادت ماجده الى البيت واخبرت ام نوماس ان الحكيمه گالت اله انچ مابيچ شي ولازم يروح نوماس
ويه ماجده وامهه حتى هو هم يحلل وبعد يومين.
ذهب نوماس مع خالد بعد ان رفض.يروح ويه ماجده وام ماجده ولكن ام نوماس گدرت اتخليه يمشي للتحليل ويه خالد وخاصه بعد ان زرعت ام ماجده الخوف في نفس ام نوماس بعد ان ذكرتها بسالفة ناصر الحلاق وچوية الحبايه ابرگبته... واخبرهم ان التحاليل ستضهر بعد يومين وسيذهب خالد لجلبها
اما ام ماجده فقد ذهبت الى جاسم لتفتل حبال
مكرها وترتب للسالفه
-ها يجاسم شلونك وين رايح يوليدي بلمشحوف
انزل اني چايه الك هم زين لاگيتك بره البيت ما اريد
مريم تسمع الحچي...
-هله ياعمه خير شنهي السالفه
-شوف يعمه اني اچيت افيدك واريدك هم تفيدني اذا اقبلت خوش واذا ماقبلت چنك ماسمعت مني شي
-شنهي ياعمه چنچ تحچين بلالغاز گولي ياعمه حتى
افهم
-خوش ياجاسم انت تتمنى ايصير عندك چاهل تربيه
يكبر وايعينك لو ما تريد
-اي ياعمه بس انتي تدرين ابحالتي لا تزيدين اچروح
گلبي وتهيجيها...
-لا ياعمه اني اجيت اداويها الك
-شلون ياعمه
-شوف يعمه اتعرف خيريه مرة مزاحم بت خالة امي
-اي مش هاي المات رچله غريچ بلهور الغربي
-اي ياجاسم هي.. ولسه زغيره عمرها خمسه وعشرين سنه وعده چهال اثنين واحد عمره اربع سنين واحد سنتين يعني ازغار لا شايفين ابو ولا يعرفونه
-اي عمه اوشنهو گصدچ
-گصدي اولاده يصيرون اولادك وتربيهم يساندونك
لمن تگبر وامهم مابحال البزر عده ويلاد واني ارهمه الك وازوچك الهه
-چا ومريم شلون... ماترضه اتزوچ عليه وهي مابيه شي وصابره وساكته متكول شي.. خاف تطلب الطلاگ...
-،خليه تتطلگ انت تحصل مريه او ويلاد وهيه تحصل رجل بلكي تحصل اولاد منه وهيه لسه زغيره
كله عمرها خمسه وعشرين سنه ..واذا قبلت اتظل عندك بعد احسن وحده ادللك منا والثانيه تچرك منا وين لاگيه يچاسم...
-زين هذا الي اسوي الي عرفته بس التطلبيه مني ما عرفته. ياعمه.....
-شي بسيط کلش بس عواقبه چبيره اذا انكشف
ولازم ايضل سر للموت بينه
-خوفتيني يعمه شنهو هذا الشي ياعمه.... چتل ....بوگه
- ولك شنهي هذا الحچي اسكت واسمع ......شوف ياجاسم انت مابيك افروخ.. صحيح
-اي يعمه انتي تدرين
-زين اريدك باچر تروح تسوي تحليل وراح يطلع بلتحليل انك ما بيك بزر... وسوي تحليل ال. مريم بس تكتب على تحليل مريم اسم ماجده عوده
-اي خوش وبعدين
-ومن يكلك ابو التحليل شنهو اسمك تكله اسمي
نوماس ال رداد .....ويكتب الاسم على التحليل
هي هاي الاريده منك وکود سر ومحد يدري بهذا الشي. وتچيبلي التحليل مالتك ومالت مريم
-زين وانتي يعمتي شلچ بهذا الشي
-انت ماعليك سويلي الاريده واني اسويلك الگتلك عليه ها ياجاسم شگلت
-هاي هيه اني اقبلت بس کون انتي تنفذيلي الوعدتيني بيه يعمتي
-زين باچر اتروح للتحليل وتسويه انت ومريم وتچيبه الي
.-زين يعمه
......... ،،،،،،، .... .
-خيه ام نوماس شلونچ...
-هله يخيه ام خالد هله تفضلي شلونكم..
-الحمد لله يخيه هذا خالد چاب تحليل نوماس ويگله
لازم ياخذهن للطبيب تحليله وتحليل ماچده...
-زين يخيه اليوم اخليه ايروح
-وخالد يروح وياه حتى يدليه على الطبيب...
-زين يخيه بس خاف خالد عنده اشغيل وما يگدر
-والله يخيه هو عنده شغل چثير بس شيسوي چا
نوماس ابن خالته ورچل اخته.. والطبيب مايندله
نوماس لن ابني دكتور هاشم هو الدلاه او..وصاه على
هذا الطبيب يگول چبير وچاي من بره بعد ما درس
اهناك. اچه اهنا يخدم اهل ديرته...
-اها يخيه خوش چا باچر يروحون وماجده هم لازم
تروح وياهم
-لا يخيه مو لازم تروح ياخذ بس تحاليله يشوفه الطبيب... يله اني اروح صايره ما الحگ يخيه على البيت شسوي الاولاد مايتلاحگ عليهم وتدرين زنوبه
بعده زغيره ومااگدر اذب الشغل كله عليه..
-چا يخيه ما تعرسين خالد ازليمه اوشاغول ويدرس
اشعايزه بعد وصار عمره اربعه وعشرين.. اشتانيه عليه بعد وخلي امريته تعاونچ ..
-چا خوش ترضين تنطيه بديعه من باچر اعرسه حتى لا مايرضه
-ها؛.. ها....
-لاتههين وگولي...... ابن عمه حميد ايريده موش هيچ
-يخيه اني ودي بس تدرين حكم العشاير وحكم ابن العم محد يقدر يغيره
-بس يخيه احنه غيرناه.... موش هيچ
-يسومه يخيه احنه غيرناه بلحيله والمكر ومو گل مره تسلم الچره... مثل ما يگول المثل... ولاتحچين
يخيه الحياطين اله اذان وحياطينه من گصب عده اذان وعيون بعد..
-زين يخيه ماعطلچ انه رايحه والعصر يمر خالد على نوماس يرحون للطبيب...
-الله وياچ يام خالد... الله وياچ.......
.... .. .. ...... ...... ... .