بعت النذل واشتريتك ،،،للكاتبه ام رحيل ...ع م

💔بعت النذل واشتريتك بارت 6

للكاتبه ام رحيل ...ع م

بعد ان عقد الشيخ اكريم زواجهم وخرجوا من عنده
-ها يمه شنسوي بعد وين انروح. دبريها يشيخه
-شلسالفه يخاله عليمن تحچون اشو نوماس وانت تحچون ب اللغاز ما عرف شسالفه يخاله...
-تعاي نگعد ونسولف اي هناك تحت ذيچ الصريفه
-يمه هذيج مطعم موش صريفه.
-اي.. اي. مطعم صريفه يله اروح نگعد حتى نسولف
الريم السالفه
-اي يله يمه....
-شوفي يريمه السالفه صيهود اچه هاد وبيده التفگه
هاد عليه وعلى نوماس بعد ما دره انچ النوماس مو اله او ماجده هي الي راح ياخذه ثارت اجنونه او گناله
ريمه ما تريدك اتريد نوماس ومن سمع گال لگتل ريمه واگتل نوماس...
-يا يمه ليش يخاله اني شمسويه چا غير انت خطبتيني لنوماس وريحانه لحمادي
-اي.. اي.. يخاله بس صيهود شراني وما ينگدر عليه وحالف ليگتلچ ...ولهيچ اتفگنه انه وامچ انچيبكم
تتزوچون وتعيشون بلمدينه بعيد عن صيهود
-بس يخاله امي واختي اشلون خاف صيهود يگتلهن
-چا شنهي هي الوادم تايه اله يگتله لا لا هو رايدچ
انت اونوماس...
اني جبتلچ ذهباتج وهدومج وياي وراح اوديچ
يم وحده اعرفه مرة حچي صافي ما عده احد تعيش
ويه رچله رچال چبير يشتغل بسوگ السمچ اتعيشون
اوياهم مثل ابنهم اومرته تبقين وياهم او ما اطلعين
حتى الباب الحوش ولا. احد دگ الباب لا تفتحين...
وبلنهار نوماس يطلع يشتغل بسوگ السمچ ويه حچي صافي ويجي وياه الضهر من يخلصون من بيع السمچ وبل الليل يچي للهور حتى مايگولون
اعليچ شردت ويه نوماس ونگول يمکن صيهود
كتله چي مارضت بيه...اويمكن شردت ما تريد صيهود واتضيع السالفه اوتهده ونسويله حل يله اوديگم للبيت و اردن حتى مايستغيبوني...
وراح اگلهم ساميه تگول چانت اسولفلي عن اهل ابغداد.وعيشتهم الحلوه. حتى اذا راد صيهود يدور يروح لبغداد..
-يله انروح لبيت حچي صافي اومرته...
ذهب الجميع الى بيت حچي صافي
..... .......
بعد ان وصلوا ريم ونوماس وام نوماس الى بيت حچي صافي وزوجته واطمئنت ام نوماس على کل شي... ترکت نوماس في غرفتهم في بيت حجي صافي واكدت على، نوماس ان ياتي قبل الليل الى الهور حتى لا تگع التهمه عليه. ثم سلمت على مرة حجي صافي وغادرت عائده الى الهور وکأن شئ لم يكن....
بينما ريم جلست في غرفتها حائره هل هي هاربه
من زواج ابن عمها ام هي متزوجه من ابن عمها
لاتعرف سوى انها الان في غرفه واحده مع نوماس
زوجها الذي تمنته وحلمت به منذ بداءت تحلم بلحب والزواج....
-ها يريمه ادري مو هذه العرس الي چنتي تتمنينه
بس شسوي يريمه هيچ نتزوجچ احسن ماياخذچ صيهود چا گتلته وگتلت روحي.
-اسم الله عليك ينوماس انت عندي تسوه الزفه والعرس
او کلشي انت اليوم رچلي وحبيبي او لو اضل محبوسه ابهاي الغرفه ليل اونهار بس اشوفك انت اگبالي گلشي ما اريد...
وكانت ليلة عرس يتيمه لريم التي كانت تحلم بعرسها وسط الهور والفشگ والهوسات نامت ليلتها وحيده
بعد ان رحل نوماس عائدا؛ً الى الهور ليبعد الشبهات
عنه ولتبقى ريم وحدها في وجه الفشک والبارود
او خطة ام نوماس افلحت اوخلصت ابنه بلكيد والحيله على ريم اليتيمه..او زوجتها لابنها ابهاي الطريقه ضربت عصفورين بحجاره وحده...
............
عاد صيهود من الهور بعد يوم عمل شاق.... بينما
عاد نوماس الى الهور چنه طاووس يزهي وتلگته
امه
-ها ييمه چبتلي الغراض من المدينه شو تأخرت عليه
-چا مو رحت للحمام الچبير اوغسلت چا شلون مو عريس
-ها اي،، اي ييمه مبارك الك بس شو ييمه راح اتغورب الدنيا او. بت خالتك يگلون راحت يم صديگته ساميه
تحف اله وتأخرت لسه ما چتي
او خالتك ام فرحه راحت اچيبه او لسه ما ردت
-ها خير يمه شبيكم
-لا ييمه يصيهود ماكو غير كل خير روح ييمه تسبح
انت اتعيبان انشاله ماکو شي
-چا ييمه دگليلي شكو اشوف عدچ حچي شنهو سر بينچ وبين نوماس ما لازم اعرفه،،، حتى اوخر عنكم
-لا لا ييمه لا سر ولاشي،، شعدنه من سر بس خالتك ام فرحه اچتي تدور على ريمه تگول الهه زمان طالعه
او لسه ما ردت گلتله خاف يم صديگته ساميه تحف
تدري سر الصدايچ سوه ازيد من السر بي الاخوات
-چا ييمه ام فرحه وحده راحت ما راح وياه نوماس
لا لا ما يصير يمه اريد اوديه لعد ماجده وامها رادن
هاي الحوايچ هاك ييمه وديهن ابسرعه وتعال لا تبطي عيب اضل اهواي لم مجوده هي بس باچر واصير يمك
-اححححح ها اي... اي ..رايح يشيخه... رايح
-وانت يمه صيهود فوت ارتاح هسه اتچيبه امه من صديچته اوتچي چا هي راح اتضيع ابنص گاعنا وهورنا شگو عليها... روح... روح.. ارتاح يمه صيهود
-ها خير نشاله ماكو شي خويه صيهود ها ياام نوماس شگو شبيگم....
-لا يمه يسوادي ماگو غير گل الخير روحو تسبحو وارتاحوا...... فرحه. ...يفرحه انتي اچيتي من الخياطه... انتي اوجميله لو بعدچن
-اي.. اي اچينه يخاله من زمان اني وچميله... ها الله يساعدك يسوادي فوت تسبح حتى احطلك تاكل
-اي. اي يله انه رايح بس شلسالفه شبيگم
-ولچ خيتي الحگيلي.... ولچ خيتي ام نوماس الحگيلي.
ولچ خيتي ريمه من الضحه عفناه بلحوش او. ردينا من السوگ ما لگيناهه گلنه خاف راحت الصاحبته ساميه مثل ما گالت گدامچ ذاك اليوم اتريد صاحبته تحف الهه..رحت لساميه تگول ماشافته ولا اچت يمه
-يخاله ما سئلتي ام خالد... ماجده... بلگي يعرفن وين راحت...
-يخاله يصيهود.. دورت كل مچان وسئلت گل بناتنا
وما ماچده.. اتگ......ول ....اتگول..
-ش.. شتگول يخيه ام فرحه شبيچ... (گالت هيچ ام نوماس وگلبه يرچف من الخوف ليکون ماچده شافت بديعه من راحت الريم )......
-تگول شافته ٠
-شبيچ يخاله ما تگولين
-احچي يخاله والله يبستي الدم بينه...
-ولك خاله صيهود خاله سوادي. ...مادري شگللكم
ماجده تگول طلعت وي مره اورجال ما تعرفهم...
ااوو. .مادري ييمه... منهو ذوله الشافتهم ماچده...
-يله يخوي صيهود.. نوماس.. يله نمشي اندور عليه
يخوتي.... يله
-هب الجميع سوادي ...صيهود ...نوماس... حتى الشيخ سلمان. وگف اباب المضيف كامش تفگته ويدير الافگار... ساعه يگوم يروح هيچ وايچي هيچ
وساعه يگعد ويحط راسه ابين اديه....
والنسوان چوه.... فرحه تدگ وتبچي على اخته
وجميله تهديها وتطمنه وام نوماس تاخذها الصفنات وتجيبه وهي تتمنه السالفه تمر بسلام وما ينکشف
السر وتروح هي ونوماس بحلوگ الفشگ والبواريد