بعت النذل واشتريتك ،،،للكاتبه ام رحيل ...ع م

💔بعت انذل واشتريتك بارت 5

للكاتبه ام رحيل ...ع م

بديعه... بديعه
-ها حمودي شتريد
-بديعه امي اتريدچ اتگول عدهه سالفه وياچ
-ياه شنهي السلفه حمودي انشاله خير نزلت حيلي حمودي دگول..
-ريت گلبي نزل ولا گلبچ يبديعه
-هههههه يمه منك ومن سوالفك هاي عمرك عشرسنين
وهجي السانك ملبلب شلون لا صار عمرك عشرين
-اخلي کل بنات الهور يرگضن وراي واني اشگر وعيوني خضر اخبلهن بدوعه بت خالتي الحلوه
-ههه...هههه.. دگفلي اگل لامي واجي وياك ينگليزي
-يله بدوعه بسرعه گبل ما يروح على داس اللعب
-يله امشي حمودي بسرعه حتى ارجع بسرعه لن عدنه شغل هواي والعرس گرب
وذهبت بديعه مع ابن خالتها حمودي الى بيت خالتها
وفي الطريق التقت بديعه ب حميد ابن عمه حمدان
-شلونچ بديعه نسيتي بيت عمچ بعد ما تمرين
-هله حمدان والله الشغل هواي تدري يبن عمي والعرس گرب...
-ها حميد شلونك اني وياها... استادي 🙌👐
-ها هله حمودي شلونك بلمدرسه
-شلوني هذا صاحبك استاد حسن امسقطني بلرياضيات چي بديعه ما رضت تاخذه اني ادري ذبه ابراسي وسقطني هي بهي هذي بديعه الحلوه تاخذ استاد حسن چنه ابو الزمير...
-ههههه.. ولك حمودي اسوالفك مو بكد عمرك... يله
روح وصل بديعه مع السلامه.. بديعه
-مع السلامه حميد الله وياك...
واصلت بديعه مع حمودي الى البيت ......ها شلونچ
خاله ام خالد شلونچ خالده
-هله يخاله تعاي فوتي. ...فوتي خاله اگعدي
-ها تردون بعد شي اروح العب
-امش روح عن وچهي
-ها ادور صار حمودي مكروه... بديعه لا تردين لوحدچ صيحيني اذا ردتي تردين اوصلچ
-يا شعليه يحمودي خاف اتوه روح العب لا تخاف عليه... ينكليزي....
-چا لگوني انكليزي اوحلو ما تتنيني لمن اكبر او ما تعرسين... واخذچ اني
-يا يمه سوالفه اكبار زين انتضرك يله روح
-هله... هله.. بديعه... بديعه
-ها يحمودي
-تره التچذب الله يذبه بنار هبهب ابو الاسلاميه ايگول... هيچ
-ولك روح لا اكوملك ولك خلينه انعرف. نحچي
-اي.. اي مشيت... مشيت ..خالد اوليدچ العزيز
واني الحلو محد ايريدني اوخالد امصلبخ الهور تگمزيله.... چيه ينطيچ افلوس...قال ذلك ورکض هاربا من والدته ام خالد
-ها يخاله شنهي السالفه
-خاله بديعه منهو خالتچ الصدگ موش اني خالتج اخت امچ من نفس الام والابو او خالتچ ام فرحه موش اخت امچ واختي بس من الابو صحيح هي الچبيره او مرت عمچ بس اني اگرب ال امچ. منها
-ااي.. اي.. يخاله بس شنو الصار گوليلي
-الصار امچ اتروح البيت ام فرحه واتصيحلي اهناك
واتخطب بتي وما تجي البيتي اوتگعد هناك اكثر
من گعدتها ابيتي ...او هي اوبناتها شايفات روحهن علينا واليوم اجتي اتگلي تعاي ابيتي اوخل ام نوماس اتجيبلچ السياگ يمنه خاف اسياگ مرت ابنه احسن من اسياگ بناتي
-ياه صدگ خاله هجي اتگول ام فرحه... هسه اروح واگل لامي هذا الگلام
-يخاله اني ما اريد يگولن امگلگلات يخاله گلي لامچ بس لا اطلع هذا الحچي هسه يگولون تگابلن
هي واخته على البنات اليتامه
-اي يخاله ما يصير غير خاطرچ طيب اذا چبنه السياگ نگعد اشويه وادور نچي نگعد اهواي يمكم واسياگ ماجده انچيبه اخير من سياگ بناتها ها راضيه يخاله
-اي عفيه يبديعه يمه شحلاتچ اگلچ بدوعه خاله شنو
رايچ بهويشم ابن خالتج بعد شكم سنه ويتخرج ويصير دكتور ها شتگولين
-يخاله هويشم توه انقبل السنه ابكلية الطب او چدامه بعد خمس اسنين يخاله والدكتور ما ياخذ وحده عده الابتدائيه ياخذ وحده مثله دكتوره
-چا خالد اذا مو هاشم... خالد بلرابع اعدادي واثنينهم توم ونفس العمر بس خالد مو شاطر بلدراسه مثل هويشم .....
-چا صدگ يخاله ليش تردين انصيحلچ ام خالد مو ام الدكتور هاشم...
-لن هذا هويشم اخذته العلام والمدينه بعيد او باچر مايعرف امه سومه بس خالد ابن الهوره وشايل حملي وحمل اخوته او خواته ويعين ابوه اويدرس
چا خالد يتعب ازيد من هويشم
-چا شلون ترديني اخذ هويشم يخاله وانت امه وشايف روحه عليج
-چا غير اخيرچ خاف تگولين ليش ما تخطبني للدكتور ..وتخطبني الخالد
-لا يخاله لا للدكتور ولا لغيره...
-ها چنچ ماتردين حتى خالد
-يخاله تدرين انه ابحكم المخطوبه لابن عمي حمدان
وهو محاچي اخوي سلمان وامي ناطره زواج اخوتي
او يوم اليفوتن نسوان اخوتي البيت اني اطلع منه ال بيت ابن عمي
استاد حميد... اه يله يخاله اني ماشيه وانشاله باچر
نچي وانچيب السياگ.... مع السلامه يخاله
-مع السلامه يبديعه... يخاله
....... ....... .......
-ها يمه وديتي السياگ انشاله خوش اسياگ ايلوگ ابمرة ابنچ الچبير. ..
-ولك نوماس ابني الچبير الشيخ سلمان احفض السانك اوروح شوف شغلك الشبچ منصوب بلهور وحده... هسه يطلع اخوك سلمان اويلگيك كارص بلبيت تره ما يعرسك ويعرس بس صيهود او حمادي
-لا يمعوده... يلشيخه على امرچ... رايح
-يله امش وخل انشوف شنحصل من عرايسكم المدرسچيات ريمه او ماجده اضن بس حمادي راح
ايريحني هو او ريحانه.....
-ها يخوي نوماس لسه ما طلعت سوادي اوصيهود
من الفجر ذبو الشبچ بلهور وراحو للهوره الغربيه
يگولون بيه سرب خضيري چبير ....روح يخوي للشبچ حمادي لوحده انريده يرد للچواميس
-اي يشيخ حاضر اني رايح للشبچ. وذهب نوماس بلمشحوف الى وسط الهور في حين كان حمادي
يحاول لوحده ان يسحب الشبچ ولا يستطيع لانها تمتد الى مسافه كبيره في وسط الهور.....
-ها يحمادي اگف... اگف.. اني اچيتك..
-يهله... يهله والله ينوماس السمچ يندعيلك ينوماس
چي لن نصه شرد من الشبچ وانت سارح ابهواك الضايع....
-يله.. جر ابسرعه يبو السان خل نسحب الشبچ او بعدين نطز ابراسي...
سحب حمادي مع نوماس الشبچ وجمعوا السمك
-ها يحمادي. شو السمچ چثير اتگول شرد
-لوكان چاي من وکت چا لمينه ابگد هذا السمچ بعد مره.... اونص. ..
-يله... يله.. لم السمچ اوخلينه اروح.؛..
-جا انت ليش تأخرت عليه صيهود گال اني اخذ السمچ للبيت وانت تلحگهم للهور الغربي حتى اتعاون
سوادي لان البرديه هناك کلش عاليه وايريدله اكثر
من واحد ابكل جهه
-چا اني واسوادي ابجهه چا او صيهود منهو ويا
-ياه صيهود چنك ماتعرفه ينوماس صيهود ينوخ
يمه الطير وما يكدر. ايطير...
-اي. ...اي.. صدگت يحمادي چن ريحانه سوتك حچه او رجال گبل ما اطب البيت واصير مرتك
-اي. ..اي.. ينوماس اني رجال من گبل ما تگول وال اريدها راح اتصير الي.. باچر زفتك حمادي هلهوله
باچر زفتك حمادي. هلهوله.. گللللشششششڜ...
-ها شبيك حمادي تخبلت... اي لايگين. واحد للاخر
ادردغ الچدر اولگه قبقه... حمادي الگاولي وريحانه البايره...
-ينوماس لاتحچي على ريحانه تره تسمع مني اليگدر
وچهك ويخليه ايصير اسود بلون چواميس الهور
-خوفتني يلكاولي... اخذ السمچ والشبچ وروح واني
رايح للهور الغربيه... وركب نوماس المشحوف... وحمادي... يصيح وراه....
-يمگروه راحت ريمتك طفرت لخوك او ماجده
المگلگه صارت الك...خبيث يطيه ربي خبيثه.او ريمه حلالك يصيهود ....وتستاهله وافگس عينه
صيهود الهور افلح بيها
ريمه يحبه وفايز بيها
وافلح صيهود ابطاريها
وهي... وهي. وهو.. وهي.. وهي.....وهو
ما ان سمع نوماس كلام حمادي ادار المشحوف وعاد الى حمادي والشرار يتطاير من عيونه....
-ولك انت شتكول يااغبر اليوم اگتلك واذبك بهاي البرديه اذا ما تگلي الصدگ... گمز نوماس وحط اديه
برگبة حمادي يريد يخنگه..
-چا ولك ينوماس اني شلي شغل ما تگل للشيخه امك انت حبيبها ينوماس هيه الگالت لخوي سلمان اتريد تخطبلك ماجده بت اخته المگلگله واخوي سلمان گالها بكيفچ ياشيخه...
-او.. ريمه موش الي لصيهود وباجر العرس واني ما ادري ابهل الحچي.... وي وي.. اليوم اشعل الشيخه وابو الشيخه بالنار ..واحرگ الهوره والبرديه و اگتل
امك وصيهود وحتى سلمان....
عاد نوماس بلمشحوف الى البيت وكان وجهه كانه شيطان جاء وجلب معه الدمار
-يمه؛... يمه.... يمه
-ها... ها.. ينوماس شبيك يمه. ولك اصار اخذت گلبي
شبيك يمه وچهك بي موت ييمه
-ذهب نوماس واخذ التفگه.. اليوم لو اگتل روحي لو اگتل صيهود
-امسكت بلتفگه... ولك يمه شكو اصار ولك يمه فدوه الوچهك. يمه گلي اصار...
-شلون اتضحگين عليه تخطبين ريمه الصيهود واني
احبه واريده... شلون ام انتي ما تعرف المن ابنه يحب ويريد... لو حبچ لختچ اوبته عماچ وما خلاچ
اشوفين... اليوم اسويها دمايه ولا اخلي احد يتهنه
ابعرس..... اليوم اسطرها توابيت واجفانه..... ورگض
نوماس طالع من البيت وامه مچلبه بلتفگه... وبديعه
ترگض وراهم.... ولك خويه تهده بلرحمان... يخوي
ينوماس...
-وخري عني لا اگتلچ انت اول وحده گل الفتل الچ
ولمچ.. ما تدرين اني اريده الريمه وهي تريدني
شلون تخطبنه لصيهود.... شلون يلحيايه
-يمه ولك اگعد خليني افهمك يمه انعل الشيطان
واني اسويلك کل الي تريده لا تورچ الوادم علينه
-شسويلي اوباچر العرس... يبو يربي.. واخذ يضرب
راسه بلتفگه والدم ينزل من راسه على وچه...
-يمه ولك ليش هيچ اسوي بيه ولك يمه... وحطت شيلته على الجرح وگامت تنحب وتبچي وبديعه تنحب اوياه...
يمه نوماس انه ماادري ابهاي السالفه وصيهود گال لخوه عليه گبلك وانت ما گتلي لا عليه ولا على غيره
گلت ابني نوماس على شوري الي اختاره يرضه بيه
-اوبتچ بديعه ما تدري اني احب ريمه..
-يخوي چا اني شمدريني البت ما اله راي والرچال
يغير رايه كل يوم او عبالي غيرت عن ريمه وتريد ماجده...
-ولچ اخخخخخخخ وخرن عني هدني اني اويامن احچي... وگت الحچي راح خل اگتل صيهود واگتل روحي
واخلص من هاي الدنيا. وخرن... اخخخخخخ
-يمه تهده يمه اتريد ريمه؟ الك ريمه ما ياخذه صيهود على اچنازتي بس انت اگعد واطيني هاي التفگه واسمعني وانه امك ينوماس وخلينا انعرف شنسوي ما طول نسوان اخوتك راحن للخياطه والبيت فارغ...
-گولي واذا تهاوديني چذب تره ما تسمعين غير اخبار الموت تچيج من كل صوب
-اي... اي.. مايخالف منهو يعرف بلسالفه غيرك
-اخوي حمادي..
-ها خوش سالفه حمادي مگدور عليه ولو السانه فالت
بس مايهم... شوفي بديعه ترحين بسگوت لريمه وتخبريها تلبس زين وتتعدل اوتچي وياچ گليله امي تريد تملچكم عد الشيخ اكريم بلبر الثاني لانه تخاف
عليكم من السحر وما تريد احد من النسوان حاضره
بلملچه اوتدري بيها.. او روحي انت وياه عند الگنطره الغربيه.وحنه جايين وراچ
-زين يمه اوشگل الخالتي ولريحانه
خالتچ او ريحانه تلگني واني چايه من السوگ او هنه
راحن يردن يشترن غراض ناقصتهن.. يله روحي بسرعه... ولا تخلي احد يدري..
-زين يمه اني رايحه
-همي ابسرعه. يمه
-گوم ينوماس يلفاهي چا لو گايلي چا کل هذه ماصار
غسل وچهك وبدل اهدومك من الدم او يله نمشي گبل ما يچي حمادي او يفضحنه....
-وين اروح يمه
-ها اشوفك هيديت ...يله نملچلك ريمه
-والعرس باچر او صيهود شلون
-ها هسه گمت اتفكر شلون... يله گوم انت اتشگ واني اخيط... يله... وخرج نوماس يستر وجهه بلشماغ حتى لا يعرفه احد من الهور مثلما اوصته امه...
-بديعه ردي للبيت ولا تحچي شي
-اي يمه
-ها شلونچ يريمه
-هله يخاله انتي اشلونچ. شلونك نوماس اشوف اكو چرح ابراسك..
-لا. لا هاي گصبة بردي انطخيت بيها واني راكب المشحوف ،،،
-يله... يله احنه مستعجلين يله يمه يله يريمه چبتي الچنسيه مالتج ومالت ابوچ هداد
-اي چبته مثل ما گالتلي بديعه...
ركب نوماس وام نوماس بلمشحوف للبر الثاني حيث يعيش الشيخ اكريم الذي يقوم بامور عقد الزواج
لاهل الهور.والمدينه......
وصل نوماس اوريم وام نوماس.. دخلو الى دار شيخ اكريم الذي بني من الطابوق والجص كسائر منازل البر الثاني البعيد عن الهور. وكانت ريمه وهي جالسه في المضيف تنظر الى الحيطان والصور التي علقت عليها يتوسط الحائط صوره كبير للشيخ كتب عليها
اكريم ال مصيلح ال حسن. وكانت ريم تقراء وتنظر بتعجب فهذه اول مره تخرج من الهور الى ابنية المدينه وتترك منازل القصب والبردي....
-يشيخ هاي ابنيتي... اگصد مثل ابنيتي وهذه ابني
نوماس ولد عمها وهي يتيمه ابوها هداد الله يرحمه
وايريد ابن عمه يتزوجه... وانريدك تعقد الهم... يشيخ
-چايبه چنسيه
-اي يشيخ هاي چنسيته وهاي مالت ابوها الله يرحمه
وهاي جنسية نوماس
-امممم اي زين البنيه بالغه عمره ثمنطعش سنه كاملات والولد عمره خمسه وعشرين زين
-چا ابوه ميت گلتي.. اخو چبير ماعده
-لا يشيخ.. لا چبير... ولا زغير بس بنات.. قالت ذلك مع تنهيده... وحصره..
-زين هي بالغه امره بيده او هو ابن عمه او. ولي امره
وبعد ان عقد لهما وسجل الاسماء في دفتر عقود الزواج ونادى على ولديه منصور ومهدي شهدا
على العقد لتسهيل الامور ...اخذ الشيخ ورقة
الزواج. وانطاها ل ريم
-بويه هاي الورقه ضميها عندچ ولا ضيعيها تره بيهه
انتي متزوجه من ابن عمچ نوماس واذا ضاعت ردي
الي واني اسويلچ غيره بس لا اضيعيها...لان الدنيا فوت موت... محد ضامن عمره ومحد يحزر غيره
-لا. لا يشيخ ماضيعها واخذت ريم الورقه وطوتها. وخبئتها بين طيات ثيابها...
وخرج الجميع من منزل الشيخ ...