بعت النذل واشتريتك ،،،للكاتبه ام رحيل ...ع م

💔 بعت النذل واشتريتك بارت.2

للكاتبه ام رحيل ...ع م
ارگص يحمادي ارگص راح تتزوج ريحانه واصير عريس. شحلاتك يحمادي بعباة ،، العرس، ،،چني اشوف الهور وردي،يصيهود،خويه صيهود شرايك نعرس فرد يوم انت تاخذ ريمه
واني اخذ ريحانه،،شدگول يخوي ،،،،،
-اسكت يحمادي،،الطير راح يچفل من
يسمع صوتك تره بعد ما چيبك وياي،،
اذا چفل الطير انظل الليل كله لابدين بلگصب ويچتلنه البرد،يحمادي لا تحچي
الطير يهج وبعد ما يرد. وليل الهور بارد
وخطر وحواوين الهور الخطره تطلع بالليل،،،،يحمادي هاي اول طلعه الك وياي لا. تمرمر ارياگي واسكت،،،،
-چا شمالك يخوي يصيهود موش اني احبك واگول اخوي سبع الهور او ما،
يخاف چا ليش تخوفني اني چاموسه واخاف منه ادور عليه سباع الهور، ،
-اذا ما تسكت اذبك بحلگه واخلص من
السانك، ،،،
-ياويلي، ،انا خوك يسلمان السالفه صاربيه چتل بحلوگ السباع والعرس
چنك ما تشوفه يحمادي،،،،،،
-يخوي يحمادي جر الشبچ بسرعه گبل ما يفلت الطير من الشبچ اخوي، ،اخوي
حمادي، ،اي،،اي،،منا، ،،من،ذاك الصوب
اي يحمادي، ،،عاشت. ايدك،،هسا احجي
وغني ودگ،اصبعتين،،،
-صدگ،يصيهود،،
-صدگ،يحمادي،،صدگ، ،،،
-اگلك خويه صيهود ماطول خلصنه من
الطير. اريد اسعلك سعال، ،
-ولك شنهي سعال حمادي.چا هي گحه
سئال، ،سئال،
-زين سئال، ،چا الحرمه عدنه ليش تحبل بسرعه وتبطي ياله اچيب الفرخ
-ولك چا شلون هو فرخ دچاچ ابعشرين
يوم ايفگس ،،،دگوم،گوم لبالي سؤال بي
خير،،يله الم الطير ونمشي گبل نص الليل، ،،
-اگلك خويه صيهود الطير اهوايه والبلم
ما يكفي شلون
-نگسمه نصين تاخذ البلم وتروح توصل
الطير وتردلي بسرعه، ،،
-اني اروح وحدي بلهور وبنص اسباع الهور وبليل المدلهم، ،يايمه الحگي لبنچ حمادي تفصخت ازروره بنص الهور وحتى ريحانه ما تلحگ عليه،،،،
-ولك چا شلون اتعرس اذا ما تمشي ابنص الهور وحدك ماتگدر اتعرس،ولا تفيدك عباة العرس ولك لازم اصير نچر
-صدگ ابروح ابوك رداد
-اي والله صدگ يحمادي،،،
-چا شسوي. ،،،،خوش انا رايح وصيتك يخوي ريحانه والچهال دير بالك عليهم
اودعك بالله يصيهود يخ،،،،،،وي. ،،،
،،وبرديه اطگ برديه واسباع الهور واويه
وحمادي يريد ايعرس اخضيري وبش مترس. ،،،طگ، ،،،طگ،،،،،طگ،،يمه شنهي
هذا طگ فشگ يمه زانه الحگي ابنچ تمرعد بلهور،،ولك خويه صيهود،،الحگلي
***** ******;
-ريم. يريمه،،،
-ها ينوماس مو گتلك بعد لا صيح وراي
بنات المدريسه يضلن يضحچن عليه،،،
-شعليچ منهن ريمه وانت احلاهن وابن
عمچ نوماس يحبچ ويغارن كلهن منچ،،،
-هاه چنك گمت اتغني مثل حمادي،
ينوماس
-چا هو اليشوف الغزال وابنص الهور وما
يغني شلون يبت عمي، ،دگولي مدرستچ
هاي شبعد منه تره صبري خلص وما اگدر بعد،،او حتى حمادي ايريد يعرس گبلي
-هي بس السنه واخذ شهادة المتوسطه
وبكيفك بعد ينوماس،،،
-ها يله، ،يله روحي ذاك صيهود مجبل علينه بايع الطير او راد من الولايه،،
-يله اني رايحه، ،،
-الله وياچ يريمه،،،،
،،،،،،
-هاخويه صيهود بعت الطير خوش بيعه
-اي ...اي ينوماس،،اگلك چا انت شسوي
اهنا وعايف شباچ السمچ. منصوبه بلهور
لوحدها. ،
-يخوي چا شعليها شنهي ايبوگون السمچات البشبچ، ،
-چا شنهي بعيده على حرامية الهور يچون على الحاضر يكفون الشبچ ويمشون يخوي الحلال السايب يعلم على السرگه،،،
-ها، ،صيهود چنهن جلمتين العلام الي تعلمتهن من المدريسه خلنك حكيم وتگول امثال، ،،
-لا حكم ولاامثال يخوي الله يهديك روح لشباچ السمچ روح گبل ما تلگيه
فارغه ترى اطين بيك الهور،،،،لا تضل تتختل بلزوايا،،
-رايح ،،،رايح، يفرعون الهور،،،،رايح،
ذهب نوماس ركب البلم وجدف بلمردي
الى داخل الهور، ،،بينما واصل صيهود بتجاه منازل الگصب، ،،اما ريم فقد التحقت ببنات الهور الذاهبات الى المدرسه معها،،،
-ها يريم شفتيه حبيب گليبچ نوماس رفعت راس مو هچي تگولين عليه، ،،
-ها ولچ ساميه شو صايره تلدغين مثل
الحيه چا هو موش ابن عمي حلالي ينزلني عن ظهر الفرس
-عود شنهي ينزلچ عن ظهر الفرس چاهو انت يمته تركبين فرس ،،،،
-ولچ لا شمالچ. حبوبتي عميشه الله يرحمه چانت اسولفنه اتگول ابن العم اذا رايد بت عمه ما يخلي زفة العرس تمشي والعروس ب البر يركبوها (بربل)
-ربل چا ولچ ريمه شنهو الربل انت مو گلتي من ظهر الفرس،،،ادور صار( ربل)
-دسمعي يساميه دومچ ملهوچه، ،الربل
يعني عربانه من خشب بس مو مثل هاي
الي نودي بيها الطير والسمچ للمدينه لا ذيچ مثل صندوگ الخشب مايفوتله لا شمس ولا مطر،،،،
والربل يجره فرس، ،،يعني حصان،،،وابن عمه ينزله من الفرس وياخذه بليلة عرسه اذا ما يرضه ويريده اله مريه
-يا ومحد يحاچيه وياخذه من العرس چا وين چان نايم
-يوه يساميه شمدريني چا غير حبوبتي
عميشه هچي اسولفه،يله امشي راح يدگ الچرص،،،
*******