للكاتبه ام رحيل ...ع م
البارت..الاخير......
-ها يخوي يسوادي شنهو الحكم الصدر على نوماس
-هاااا يخوي عشرين سنه ولو ريم هم رافعه عليه دعوه چان انحكم ثلاثين سنه....
-ايه يخوي شنسوي هذا عمل نسوان ابليس الي لا يحللن ولا عدهن مخافة الله... وتاليه هاي النتيجه
-يخوي يسلمان چا اني، الفرح امحرم عليه...
-ليش يخوي يصيهود انته وبس التستاهل الفرح
-يخوي صيهود لا تخاف اني حمادي اخوك كول وفعل
چبت احبال الشبچ كله وشددت البيبان بلاحبال. ارد اشوف عروسك امين تطلع.. بعد..
-ولك.. يحمادي ولك انت ما تبطل من هل سوالف
امش فك البيبان ولك خل النسوان تطلع..
-شوف يشيخ لا تكول اشچايبلي من بليه اذا چيتك اشواي ارکض واصيح... الحك... الحك.. يشيخ العرايس هچت من الهور.. انه العليه سويته والباقي
عليكم... واني مالي شغل شما سوت امي.. اني بري
-ياشيخ. ..يشيخ
-ها... اها... چبنه طاري امك واچتي تركض.. خير اشعدچ ليش ترديني.. اكسر رچليچ حتى بعد ما توصلين..
-انه چايه اخذ بتي بديعه.. تگعد وياي لن حمادي وريحانه ما يرضون يگعدون عندي...
-هذه شي ابكيفه وكيف مرته وبديعه موش بتچ بديعه عرضنه ونخاف عليه منچ.. واني وديت على ابن عمه حميد ونشاله زفته ويه ريم واسماء بعد ثلث تيام...
-وانه ما ارضه.. ابهذا الزواج..
-روحي... روحي انستري ابيتج مو زين ابن عمه رضه ياخذه بعد التعلوم العلمتي اله... امشي خذه يحمادي
خذه لا اكسره... ابهاي التوثيه.
-،اي.. حاضر يشيخ.. امشي يمه. امشي صلي واستغفري ربچ.. تره دم الوادم ابرگبتچ مو بس ابرگبة نوماس... امشي يمه امشي..
-ولي.. وخر.. عني راح الزين وظل الخايس المهبول وخر...
-ابكيفچ يام نوماس روحي.. خاف گلبي يرچف هچي 👋👋👋اعليچ اظربه بتوثية الچاموسه واگله موت ولا ترچف...
........ .........
-ها يخوي يصيهود شتامر علي گول..
-لا يخوي، سلامتك انت التامر واحنه ننفذ... بس يخوي مانكدر نطول بلسالفه لازم نخطب اسماء من امه ماطوله اچتي ويه ام ليلى من چابت بت ريم واجت.. ونخلص.... ورانا سالفة العرس لن الثلث تيام ابسرعه يخلصن....،
-هههههه... هههه
-ها يخوي ليش تضحك...
-،اي لن الخطبه صارت والنسوان گامن يجهزن
-اشلون يخوي ما گتلي..
-اي اني گلت لام فرحه وجميله يحاچن امه لاسماء
وهي اقبلت ما تشوفه طلعت ويه حمادي بلمشحوف
اتشوف الهور...
-انه اخوك يسلمان هسه حمادي ايذبه ابنص الهور
ويچينه ايصيح الحگو وگعت ام اسماء ابنص الهور ويخرب العرس يسلمان يخوي...
-ههههه. هههههه. لا لا يصيهود لا اتخاف حمادي خوش اخو ويحبك ولو ايطيح بديه يربط ام اسماء بلمشحوف وما يخليه توگع... هههه. هههه لا تخاف عليه...
-الله كريم يخوي... بس گلبي خايف
-ليش يخوي يصيهود الشر راح وکلشي رد المكانه واحسن من الاول... وعرسك راح ايصر احلى عرس بلهور كله...
او. وياك راح يعرسون مهندس ودكتور...ومعلم
- يخوي چاني اشبيه همين اني الهم زود ...لنهم راح يعرسون ويه صيهود سبع الهور. واخوته زافينه
واهله وگرايبه فرحانين بيه...
-اي والله يخوي فرحتنه بيك ما تنوصف يصيهود يخوي يحزام ظهري... (وتحاضن سلمان ويه صيهود والفرح چبير ابيناتهم وما يكبر عل الشيوخ)
.....
-،ديري بالچ يخاله تره صيهود يچتلني اذا وگعتي بلهور...
-لالا يحمادي لا تخاف عليه والله يحمادي گلبي حبك
يولدي... انته خوش حمادي..
-اي.. اي.. يخاله ادري تحبيني وادري اعيونچ زرگ مثل بتچ اسماء مرت اخوي صيهود ...بس انتي موش دگة ميزان. يخاله.. انتي (دگت گبان).لالا. انتي الگبان کله...
-ولك حمادي... اسوالفك حلوه مثلك... هههه.. هههه
-اي ضحکته هم حلوه وعيونه زرگه چا هو طمع يحمادي تزوج ام اسماء وصير عمه لصيهود..
وريحانه حبابه وفقيره ما تگول شي
-هااااهااا. دير بالك يحمادي لا تگع بلماي يخاله..
چب.... طشششش... ومو گتلك لا تگع بلماي يخاله
حمادي تعال.. اطيني ايدك اساعدك حتى تصعد بلمشحوف...
-چا يستاهل حمادي لن فكره سرح ونفسه صارت دنيه... يهرش بيك نوماس النذل.. هااا اها. اني صعدت يخاله ..لا تخافين على ابنچ حمادي...
خلينه نرد الهور لا يلحگنه صيهود بلتفگه...
...... ...
الهوره عاجه بلفرح والبيوت فارغه من نسوانه.. لن بيت الشيخ سلمان اربع عرايس ابيته ينزفن اليوم
لاربع زلم صارو سند الهاي الهوره...
-ها يريم ما خلصتي
- لا اشويه بعدلي يساميه...
-يمه شحلاتچ يريم صبرتي وصبرچ خير يريمه
انتي وشاهين راح اطلعون اشمحلاتكم
أنت تقرأ
بعت النذل واشتريتك ،،،للكاتبه ام رحيل ...ع م
أدب نسائيفتاة قرويه تعيش في الاهوار ،تحب ابن عمها الصغير ويحبها ابن عمها الكبير يريد الكبير الزواج بها فلا تستطيع الرفض ويخطفها ابن عمها الصغير. ،،،فتضطر الى،،،،، الهرب معه في ليلة عرسها ،،،،وتبدء معاناتها مع النذل للكاتبه ام رحيل ...ع م
