بعت النذل واشتريتك ،،،للكاتبه ام رحيل ...ع م

💔بعت النذل واشتريتك بارت 3

للكاتبه ام رحيل ...ع م

_ها.يخوي يصيهود ما حسيت عليك الصبح من طلعت للمدينه..ها.نشاله خوش بيع
-اي يخوي يسلمان الحمد لله خوش رزق هاي الفلوس
-لا يخوي خليها عندك انطيها لام نوماس يوه يا خوي ما ترضى تريد ام الشيخ سلمان لو الشيخه اليوم زعلت من گتلها ام نوماس
- ايه يا خوي ما ادري ليش انت ما تگلله يمه
-يخوي يصيهود الاربعين سنه العشته من عمري والتجارب المريت بيها يخوي اتگلي مرت الابو شما چانت خوش وعاقله وحكيمه يجيها يوم وترد اصير
مرت ابو
-وهاي شوكت هذا اليوم يخوي
-ها يخوي هذا اليوم تدري شوگت لمن اولاده يصيرون بچفه واولاد شريچته بلچفه الثانيه ذاك الوگت ترد واصير مرت ابو.. وتختار چفة اولاده،،،
-لا لا يشيخ تره مرت ابونه خوش وانه احبه چنه امي الله يرحمه...
-اي يخوي لنك چنت زغير ما فطنت على امنه بس انا واخوك سوادي چنه كبار ونذكر اميمتنه
وگلوبنه والسانه ما يطاوعنه نگل الغيره يمه،،،
-اي يخوي،،، يسلم راسك ويخليك النه ذخر،،،
-يخوي يصيهود عمرك يخوي صار ثلاثين سنه يخوي وانت بلايه عرس چا يخوي شوكت اتخلف شوكت اشوف جهالك،،، وهاي بنات عمك هداد صارن
اكبار بس ها يخوي ارد اگلك ،،ترى حمادي يريد ريحانه،، وگتله ولك هاي اكبر منك بس هو رايده
مابگت من بنات عمي هداد غير ريمه وهاي يخوي
زغيره وصاحبة مدريسه،،
-اي يخوي چا يخوي هي مو كلش زغيره عمرها سطعش سنه وازغر منه وياخذن اكبر مني،،
-ها يصيهود چنك رايده يبن ابوي
-والله يخوي بت عمي ومتعلمه مالگه احسن منها تربيلي چهالي،،
-اي،، اي،، تدلل وانه اخوك هل الايام انعرسك وراه ادور نعرس نوماس وحمادي سوه..
-چا يشيخ حمادي اكل راسي يريد يعرس اوياي،، فد يوم
-لا ياخوي مايصير انت وحمادي تعرسون ونوماس اكبر منه يضل،، لا يخوي انت تعرس لوحدك وبعدين نوماس وحمادي سوه
-الي تشوفه يشيخ بس خلي نحچي لحمادي على ريحانه وبعدين يعرس ويه نوماس
-الله كريم يصير خير انشاله،، بس انت لا تحچي خليه سكته لن حمادي اذا سمع مانخلص من السانه ولا من هوساته،، وينصبلنه مناحه اگبال الچواميس
گل لختك بديعه تصيح امه وتچيني حتى يروحن ايگلن المرت عمنه هداد الله يرحمه والبناته ريم وريحانه،، بلعرس،،،
-حاضر يخوي
-يمه،، يمه. بديعه، وين صرتن،،،
-ها يخوي خير
-وين امچ شو اصيح وماكو،
-ها يخوي راحت تعلف الچواميس
-چا حمادي شيسوي،،
-حمادي اخذ الهايشه الدبسه للبيطره يلگحه يخوي
-چا خوش گلي لامي تروح لاخوي سلمان وانت هم وياها عنده سالفه وياچن،،
-زين يخوي اني رايحه اگلله،،،
-يمه،، يمه،، ما خلصتي لسه
-ها چا شتردين من امچ موش امچ ابتلت ابنسوان اخوتچ تخدمهن،،
-يمه اخوي سلمان يريدنه انا وياچ
-خير نشاله ماگو شر؟
-سمعتهم يحچون على عرس اخوي صيهود لريمه وريحانه لخوي حمادي
-يع چا ليش عود ريحانه اكبر من حمادي خو ريمه لحمادي وريحانه لصيهود
-لا ييمه اني سمعت اخوي سلمان يقنع بحمادي ذاك اليوم الي رفسته الچاموسه وحمادي گام يصيح،،،
-اي وشگاله
-گاله ريمه زغيره ومثل عمرك وريحانه اكبر منك اخذ
ريمه بس حمادي ما رضه وگاله ريمه مدرسچيه وما تفيدني وريحانه بنت الهور وتساعد امي وتريحها
-صدگ ،،،عفيه وليدي حمادي اي والله خلي ريمه المدرسجيه لصيهود،،،
-زين يله امشي چدامي لخوچ سلمان
-بس يمه اسمعت اخوي سلمان يگول لخوي صيهود لازم حمادي مايدري منا لمن يعرس صيهود وبعدين اخوي سلمان يوديچ تخطبين بت خالتي سومه لنوماس ويعرسهم سوه،
-صدگ ولچ لوچذبين عليه منهو من بنات خالتچ سومه
-يا شبيچ يمه چا غير خالده الي وي ريمه بلمدريسه
هي الچبيره
-اي،، اي، صدگ ،،بس شعجب سلمان ما يفكر غير ابنات عمه وما يحب اختي سومه يگول عليه مگلگله
اتچيب فتن وترد فتن ،،
-چا يمه بنات عمنه خلصن هنه ثلاثه فرحه عد سوادي وريحانه راح ياخذه حمادي وريمه لصيهود
وعمي حمدان ما عده غير جميله مرت اخوي سلمان
وحميد،، چا شنهي يخطبله حميد ههههههه.. ههههه
-اسكتي مابيچ حظ خلي حميد لگليبچ اليرفرف عبالچ ما ادي بيچ دمشي گدامي امشي،،،،،
-يا يمه شجاچ انگلبتي عليه واني اچيبلچ كل السوالف وهاي تاليه تردين اخوي سلمان يگتلني
اچماله امي لو مرت ابوي چا شلون
***
-هله،، هله يشيخه هله اگعدي عندي سالفه.وياچ وانت يبديعه هم اگعدي،،،
-خير يمه خو ماكو شر؟
-لا .لا ماكو غير كل الخير... باچر تروحين انت وبديعه والنسوان المرت عمي هداد وتگليلها رايدين البنات ريمه وريحانه للولد وتوديلهن الفلوس حتى يجهزن روحن اول ريمه وبعدين ريحانه حتى نعرس نوماس وحمادي سوه.. سولفتلچ مو هيچ بديعه
-لا لا يخوي ما گلت شي
-ادري بيچ تحبين تصنتين بس گلبچ ابيض وتردين
اخوتچ يعرسون بس هذا الطبع يخوي بطليه لن اذا
صرتي عد عيال طبعچ يخوي يجبلچ المشاكل
-لاوالله يخوي انا سمعتكم صدفه واني ماره من يمكم
-زين. زين صيحيلي جميله شسوي
-مادري يخوي هسه اصيحها
-يم هويدي،، يم هادي،، يع وين صرتي
-اهنا يبديعه.
-شسوين کارصه انت وهويدي شسولفون
-تعاي اسمعي هويدي يگلي ارد اعرس چا بس عمي حمادي
-اي يعمتي موش اني اكبر من حمادي بشهر چا ليش
هو يعرس گبلي..
-يا چا موش هو عمك وانت تدرس وهو يشتغل
-هي. هي چا هي الچواميس هم شغل چا اني موش هم اساعده بيهن چا موش احلبهن وهو بس واگف وكامش التوثيه
-چا هو يحلب الهوايش اويسرح بلحلال من انت عندك الصبح مدريسه
-هي بهي يحلب الهوايش ويخاف من الچواميس نيال العروس التاخذك يعمي يحمادي هي... بهي
-دسكت اسكت ما تحاچين ابنچ يجميله شو ماخذ راحته ويحچي على عمه حمادي ذاك ابوه سلمان ويروح ويگله ارد اتزوج...
-ولك اسكت يهادي واطلع اول من الاعداديه الصارلك
سنتين نايم بلرابع،،، وبعدين عرس تره والله لو يسمعك ابوك يعوج حلگك.. هيچ😞😕
-اسكت يهادي... خلص حمادي اوطاحت براس هادي... خلي العمام اتعرس اول. واشوكت يجينه السره باجر ولن حبوبتي حبله اوهم لازم يكبر ويعرس ياله هادي يعرس
-يا ولك ياغبر چا امي مين ولك تحبل وابوي ميت صارله عشر سنين.
-ها چاني شمدريني نلگحه بلبيطره مثل الهايشه الدبسه. ..هههههه. هههه هه
-يا. ولك هويدي والله لگل لخوي سلمان على هذا حچيك... اگفلي
-هويدي اگفلي اني موش امك اذا ماطگيتك بهاي الخيزرانه اوگفلي ولك،،، ركض هويدي وجميله ترکض وراءه وتصيح اگف ولك اني موش مرت سلمان اذا
ماهزرتك بلخيزرانه.... اگف..... اگف... ثم رجعت الى بديعه... اگلچ بديعه لا تگلين العمتي الشيخه فشله
هذا هويدي مخبل،،، وما يفتهم.
-لا يجميله چاني يداده موش مگلگله شتدرين بيه
-ادري.... ادري. يبديعه انت خوش ابنيه وحبابه واني
ما ناسيه لا تخافين...
-يا .....شناسيه شتقصدين يمرت اخوي
-اقصد خطبتچ لخوي حميد... ها چنچ مانتي راضيه
اگل لحميد بديعه ما تريدك...
-ياه... اني يمته گلت اهو امده حلگي اذا يحچي هيچ چا هو موش ابن عمي يذبحني ويتعدى ومحد يحاچيه....
-لا.لا هو يذبحچ شلون چا هو گال لخوچ سلمان لا تطيها لاستاد حسن لمن خطبچ وگاله اني اريد بت عمي اذا هي رايدتني لان هو معلم وما يرضه البت تنجبر على الزواج بدون رضاها وضل استاذ حسن
شگد يوسط بيه وما بطل الا گاله ودي امك تسأله
واذا اقبلت اني اخلي ابن عمي سلمان ينطيكياها
-اي.. اي ولمن اچتي ام المعلم واسئلتني گلتله اني
رايده ابن عمي استاد حميد... وادور بطلت من المدرسه وحميد ما رضه ورجعني للمدريسه واخذت
شهادة الابتدائيه وادور بطلت،،،
-وامچ امئخره زواجچ لمن يتزوج نوماس وحمادي لان تگول مابيه اخدم اخوته وتريدچ اتعينيها..
-اي ادري يخيتي ادري ..صابرين ونشوف شوگت تخلص
-هانت يبديعه صيهود وحمادي مچربين علعرس وادور نوماس نشوف المن نخطبله وبعد ماگو عذر لامچ
-خايفه امي تأخر بلسالفه تريد تنطيني لابن اخته هويشم
-يع چا هو بكيفه حميد ابن عمچ ومايگدر اي واحد يتقدم عليچ الا اذا انت راضيه بي ذيچ الساعه اخوي
يوخر عن طريجچ لانه معلم وما يرضه بزواج الغصب
-يايمه چا غير اگتل روحي اني على موده بطلت من المدريسه حتى لا يزعل لمن يشوفني رايحه وراده
بلمدرسه گدام استاد حسن،،،
-ولچ بديعه.... وين صرتي
-اي. اي.. جايه يمه جايه....

****** *********