فتاة قرويه تعيش في الاهوار ،تحب ابن عمها الصغير ويحبها ابن عمها الكبير يريد الكبير الزواج
بها فلا تستطيع الرفض ويخطفها ابن عمها الصغير. ،،،فتضطر الى،،،،،
الهرب معه في ليلة عرسها ،،،،وتبدء معاناتها مع النذل
للكاتبه ام رحيل ...ع م
للكاتبه ام رحيل ...ع م خرجت الممرضه اسماء لتنادي المهندس شاهين وبعد ان سئل ريم عن قصتها ....روت له ريم كل ماحصل لها من طلعت وي نوماس وخالته وملچته عد شيخ اكريم الى ان اخذها للهور وربطها وذهب الى ان وجدها المهندس على تلك الحاله -زين ريم هسه انتي ما تكدرين ترحين ال اهلچ قبل ما نعرف شنو الصار وشيگلون عنچ... خاف اذا رحتي يكتلوچ ابدون مايسمعون كلامچ... -عندچ اقارب اتروحين يمهم بعيدين عن اهلچ وعن الهور -لا...كل گرايبي بلهور... اني اريد ابقى وياكم واشتغل كلشي وما اريد اروح لهلي... ولا اريد اشوف نوماس بعد هذا اليوم -ريم هذي حمله موقته اچينه نرسم خرايط للهور ولممرات الماي الي تصب بلهور ومهمتنه خلصت وبعدلنه اسبوع واحد ونرجع... موقعنا الرائيسي ابغداد وكلمن ايروح ال اهله ويصير دوامنه للموقع ابغداد كل يوم... -ميخالف اروح وياكم البغداد ارجوك اذا بقيت ايكتلوني لو نوماس لو صيهود... واني ما امسويه ذنب... ارجوك... لا تتركني ارجوك ساعدني -ريم... اني اتمنه اساعدچ بس بغداد چبيره وانتي ما تندلين شراح اسوين ... (كان المهندس يقول هذا الكلام امام الممرضه اسماء وقلبه يقول غير ذلك فهو على استعداد، لمساعدتها الى ابعد الحدود... ولكنه خاف ان وافق على مساعدتها بسرعه دون تحذيرها ان يثير تسائلات عند اسماء).... -استاذ شاهين خل انساعده ونبعده من الخطر.. -انسه اسماء شلون انساعده ايچوز حتى شهاده ما عده ولا مستمسكات.. -لا اااني مخلصه ثالث متوسط.. -زين ريم عفيه شعچب بنات الهور مايخلوهن يكملن ها استاذ مخلصه ثالث.. تگدر تشتغل ويانه باجور يوميه.. -وين تنام اسماء - وياي الى ان تلگيله غرفه اتأجره... وجنسيته ابوعبد، لگاه ويه اهدومه واخذه.. وموجوده عندي مو اسمچ ريم ال هداد. -اي هذا اسمي... -زين ماطول احنه راح نتحمل مسؤوليته ...راح اتروح اتعيش ويه بيبيتي ما عده احد وعايشه وحدها ابيت چبير وتريد احد يعتني بيه وراح تشتغل ممرضه البيبيتي.. وتعيش وياه وراتبه عليه -هااا هذا هو الحل استاذ شاهين انت صانع المعجزات بلمشاريع وبحيات الناس.. -لا تبالغين. بس ريم تستاهل واحد يساعده لان هي قويه وراح اتحارب علمود حياته ومستقبله..مو صحيح ريم -صحيح استاد شاهين راح ارفع راسك وما افشلك مر الاسبوع بسرعه وكانت ريم كل يوم احسن من الاول وكل يوم اجمل من اليوم الذي قبله... واصبحت نظرات المهندس شاهين واضحه امام صديقه دكتور سمير والممرضه اسماء... الى ان غادر الجميع موقع المشروع الى منازلهم وكانت ريم الى جانب المهندس شاهين في السياره الى بغداد....الى منزل جدته العجوز
وقفت السياره ونزل المهندس شاهين وريم تمشي وراه تتعثر وخايفه. ..وشاهين ينظر اليها ويبتسم لارتباكها... وخوفها... -ريم... -ها يمهندس شاهين -،هههه. ريم انتي ليش خايفه بيبيتي كلش حبابه هي صحيح عجوز كلش بس حبابه واريحيه.. -يا. يمه. چا شنهي اريحيه.. مااعرفه.. شنهي مرض بيهه.. لو شنهي.. -ههههههه ههههه - لاتضحك عليه يمهندس شاهين والله ما اعرف شنهي اريحيه غير لازم اعرف حتى ااعرف اشلون اساعده... -ريم اريحيه يعني تضحك وتنكت مومتكبره وتخوف اليحچي وياه... اتعرفين شنو اتنكت مو... ريم.. لو -لا يمهندس چا اني موكلش چاهله اعرف اتنكت.. تكول شي يضحك... -،صحيح يريم... رن.... رن... رن.... اني عندي مفتاح بس دگيت الباب على مودچ ريم -هله يمهندس هله. تفظلوا... -ها شلونچ ام ليلى شلونه الحجيه.. خو ما معذبتچ بطلبات اكله... -لا يخاله هي وين تاكل بس سويلي دولمه ام ليلى وتاكل شويه وتعيفه سويلي كبه وتطلع اتوزعه لجهال المدارس المارين.من يم الباب .. -هاي ويامن تحچين ام الولو. ام العيعو .ام ليلى العشاكه... وين رحتي.. صابچ خرس... -ها حجيه هذا مهندس شاهين ابن المرحوم ابنچ -ولج شاهين راح للهوره يصيد حوريه هو گلي يچذابه.. ام العيعو عبالچ خرفت.. -شلونه بيبيتي الاميره النائمه. -مثل ما اتشوف وتسمع -لاتزعلين منه ام ليلى بيبيتي حجيه چبيره طخت التسعين وعقله هم كبر وياه بس هيه طيبه... ها ريم اشو وجهچ صار اصفر.. انت تعبانه... اتحسين ابشي -ها لا ممااا بيه شي بس ...خاييييفه... بيبيتك وكحه يمهندس شاهين.... -ههههههه... هههههههه...ههههههه. ريم هي بس السان وگوه اتگوم.. من الكرسي وتمشي على الحچله... بس لا تخافين منه واگلچ شي هيه اصله هم من الهور يعني انت وياه گرايب... -لا يمهندس العفو اشجابني للحچيه بيبيتك... چا اني وين وهي وين... -شوفي ريم اجتني فكره احسن من فكرة الممرضه -چا شنهي انت غيرت رايك يمهندس والله اني اداريه بعيوني.. واحسن من الطبيبه والممرضه -لا ريم ....لايضل گلبچ ضعيف وخايف احبچ شجاعه... -حاضر يمهندس شاهين. (يا يمه يگلي احبچ.. ولچ شتحچين ريم هذا عقلچ شلون يفكر هو مو قصده) -ريم... ريم.. وين سرحتي.. -لا وياك يمهندس.. ما سرحت. -ادري بيچ تعبانه.. خل انخلص هل سالفه حتى ترحين ترتاحين ابغرفتچ... اسمعي ريم اني ما اريدچ تشتغلين شي.راح انگول. انتي گرايب بيبيتي من الهور وانتي يتيمه ومتزوجه وزوچج غرگ بلهوره... واهله يردون ايزوجوج الاخوه وانت ما ترضين واجيتي البيبيتي لانه گرايبچ وتردين اتعيشين وياه... زين. ..وام ليلى هم لازم تعرف هذا الحچي مو غيره زين ريم -چا يمهندس واذا اسألتني بيبيتك عن عشيرتي عن ابوي شاگول اله... -گليله على عشيرتچ واسم ابوچ... ريم بيبيتي عمره تسعين سنه ساعه تعرفني وساعه عباله چدي ريسان -،چا صدگ يمهندس شاهين هو انت شنو اسمك. -ها ريم شبيچ صخنتي.. -لالا ادري اسمك شاهين اقصد اسم ابوك چدك چا ما طول طلعنه گرايب لازم اعرف.. صحيح -صحيح يريم بديتي اتفكرين... اسمي شاهين عبادي ريسان جواد محمد -لالا يمهندس ههههه. ههههه اسم ابوك وچدك الصحيح موش البچنسيتي.. -جنسيتج اني ما قريته اسماء گالت اسمچ ريم وبعد ما قريت الجنسيه وانطيته الچ اضميه.. شنو قصدچ هو هذا اسمي الصحيح... -بس اسمي ريم ال هداد جواد محمد.. -ههههههه لا هذا مجرد تشابه باسم الجد قابل انتي بت عم ابويه... هههههه.. خوش هذا التشابه يخدم قصتنا... -يشاهين. چا هو الصگر غير يرد ال اهله. موش يلوف على حدايه... ويعيف امه وابوه... -ها بيبي حبيبتي شلونه الاميره الفاتنه. شلون صحتچ.. -موش زينه يريسان ام العيعو مجوعتني وتحسب عليه الكبايات... چا هنه کبايات برغل وعجين.. وتكلي لا تطين الزمايلچ الطلبه.. صدک... ي... شاهين چا وين ريسان توه اهنا -بيبي راح عده شغل -وين راح للهوره وما اخذني وياه.. -راح يخلص شغل ويرجع ابسرعه -ولك شوهين. چا تضحك عليه موش ريسان مات وشبع موت. وانت مسوي روحك ريسان چا اني احبك يشوهين حتى لو مو ريسان انت اعز لعد مو اعز الولد ولد الولد .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-هب هببب اوگفي يمچ بيبي بعد لا ترحين هيج ولا ترحين هيج ... شوفي هاي ريم گرايبچ -يع ولك نهبته من الهوره وجبته اني مو بيبيتك يشوهين..وما اعرفك..اتنطر التفاگه.. جايينك من الهوره... يكتلوك. -،يايمه دخيلك ربي هاي بيبيتك تعلم بلغيب. لو سحاره.. -بيبي ما نهبته شوفيه گرايبچ اشتميه بيه ريحة ريسان... حبيب گلبچ ... شوفيه حلوه مثل چدي ريسان حبيبچ شوفيها. اعيونه شوفي شهل مثل جدي شوفي خشمه وجهه كله جدي ريسان.حتى شعرهه. -ام الولو. جيبي المناظر خل اشوف ريسان ابيا كتر من هاي الناهبه شاهين -هاي المناظر.. البسي. اي هاي هيه عدله.. -تعالي... يمي اگربي لعد عيني شلون اشتم ريحة ريسان.... بلدربيل. -ادني ريم لا تخافين ما تاكلچ بيبيتي بس تشتمج ههههههههه. هههه .. -ها... هاا.. يمهندس لا تزعل بيبيتك مثل سعلوة الهور اتخوف....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-هههههههههه.. هاههههععع.. راح اختنگ من الضحك شمي بيبي شمي واذا خلصت انهبلچ غيره من الهور.. -واو. واوووووووو. اني خايفه راح اموت ووووواووو -بس بيبي بس راح تاكليه عيفيه بيبي الايام اهواي گدامج -صدك يشاهين هاي ولك صدگ مو چذب ريحة ريسان كله بيه.. ولك شاهين ابيش اشتريته اني اطيك اكثر وعيفه اشتم بيه. -بيبي قابل هي ورده... الهنا وبس راح اتهججيه ام ليلى اخذيه الغرفته الي بجهة الحديقه... خليه ترتاح وبلكي اشوفيله شي اتلبسه لان نسينه هواي غراض بلموقع واهدومه وياهن.. دبريه اليوم على ما انجيبهن. اله.. ههههههه. هههههه بيبي اني رايح انام اصبحين على ريسان قصدي خير.. خير.. -😎😎😎😎😎هاي المناضر موزينه چني اشوفه احلى شويه من ريسان... لالا المناظر مو زينه ريسان احلى... بس بيه ريحة ريسان.... ولك شاهين هاي خوش شروه..ريحته ما مغشوشه..اصليه بط وخضيري وحذاف.... اممممممم اشوهين...اضنه ناهبه الروحه.. ما يطيه الي.. غير اتفلگح واموت اذا ما اطانياه..... والك اشوهين يمهندس الهوره لو الي هاي النهيبه... لو هم الي... لو اهججك. واخذه گوه منك... يم العيعو.. يم العيعو اريد انام -اي.. اي جايه بس الطريق اعوج مااكدر امشي ابسرعه -تتمقلجين عليه مايخالف الصباح رباح انكسر رجليج ونطردچ.. وريحة ريسان انحطه امچانچ.... -مايخالف يحجيه الصباح يصبح علينه مو عليچ -يا شاهين ياحبوبه.. ولك ام ليلى العشاگه تدعي عليه اتريدني اموت.... يشاهين. يحبوبه .... -يله نامي واني الصبح ابوگلچ ريحة ريسان وانطيجياه... ها رضيتي... -اي رضيت ام الولو. 🤣🤣🤣🤣🤣🤣🤣🤣🤣🤣
