بعت النذل واشتريتك ،،،للكاتبه ام رحيل ...ع م

💕بعت النذل واشتريتك بارت 18

للكاتبه ام رحيل ...ع م

عاد المهندس شاهين والدكتور سمير الى بغداد
بعد ان عرفوا كل الاخبار عن ريم وسبب الذي حدث لها وعن شاهين وجده ريسان.واخوته رداد.. وهداد وحمدان واولاد رداد . سلمان وسوادي وصيهود ونوماس. وحمادي وانه يقرب لهم بانه ابن ابن عمهم
......
-ام ليلى... ريم... بيبي اني اجيت ياجماعه
-هله يمهندس ضل بالنه عدك وين رحت شو تأخرت
-لا يريم ما تاخرت لازم اشتاقيتيلي..
-هاااا واحمرت ريم من الخجل... وتعجب شاهين من الذي قاله..
-(هاي شبيه انتقلت الي العدوه من سمير وگمت هيچ احچي ويه ريم )راح شاهين يحاجي روحه وريم احمرت من المستحه
-الحجيه نايمه وام ليلى ابن. بته شويه مريض وراحة
اتشوفه واتبات يمه...
-زين ريم انتي شلونچ وهذا لبطل النايم ومرتاح شلونه
-ها... زينه يمهندس تسلم ربي يخليك
-ريم. تعاي اسولفلج وين چنت اليوم اني والدكتور سمير
-وين چنت يمهندس شاهين
-ريم رحنه اني وسمير للهور .......واخذ شاهين يحچيله شعرف من الهور وعن نسبه وقرابته منهه
وعن نوماس او. زواجه منهه ومن ماجده ابنفس الوگت.. كل هذا وريم تسمع والدموع تنزل من عيونه
-ريم لاتبچين ادري انتي هسه اتحسين بلالم من غدر خالتچ اونوماس بيچ... بس هذا لازم ايقويچ مو ايخليچ تبچين
-اني اعرف كلامك صحيح بس مو بديه اني حزنانه
على روحي وعلى امي.............. لو چان ابوي عايش لو عندي اخو
چان لا خالتي ولا نوماس سوو هيچ بيه..
-ريم اني ابن عم ابوچ يعني ابن عمچ وراح اوگف
وياچ وما اخلي احد ايئذيچ. بعد اليوم..
-چا صدگ يمهندس شاهين انت طلعت تگرب الي
-اي والله مو سولفتلچ الي عرفته عن جدي ريسان
من سلمان ابن عمچ رداد..
-چا هسه اگدر ارچع لامي وصيهود ونوماس ما يسولي شي...
-شوفي يريم انتي اعز عليه من روحي
-هااا تسلم يمهندس
-ريم اني ابن عمچ گبل ما اصير مهندس وانتي تهميني....تهميني يريم اريدچ تگليلي شاهين لا مهندس ولا غير شي شاهين وبس
-بس مايصير يمهندس شاهين شتگول عليه ام ليلى
لو بيبيتك...
-ريم گلبي راح ايطگ
-اسمله على گلبك يا...... شاهين...
-الله.. هههههه... عيدي بله عيدي
-شنوه. ....
-اسمي حلو ارد اسمعه مره ثانيه
-ههه... شاهين.. هههه
-ريم انتي کلشي بلنسبه الي... واني شنو عدچ يريم
-يمهندس....اگصد يشاهين يبن عمي... گمت اخاف من الحب وبلخصوص من اولاد عمي... بس انت عزيز
عليه مثل ما روحي عزيزه عليه... واني ماعندي غيرك
اامن بيه واحط روحي بديه... واني مغمضه..
-لا يريم فتحي عيونچ وعقلچ ولا تأمنين باي واحد
الا تعرفين نواياه وين ايريد بيچ...
-وانت يشاهين وين اتريد بيه يبن عمي الماعرفته الا من اشهور... واني ابهل الحال وبهل الوضع ...ضعيفه
ومكسوره والموت يركض وراي...
-اريد ابيض وجههچ بين اهلچ وعشيرتچ واتصيرين زوجتي وابنچ ابني واضمچ ابين اضلوعي طول العمر
-هاااايشاهين كلامك حلم چبير عليه وگمت اخاف من الاحلام الچبيره...
-ريم شاهين حقيقه الچ مو حلم لا تخافين... وشوفي شلون اخذ حقچ وحق ابنچ من نوماس وكل الاذاچ.. اني منتظر منا لمن اتجيبين الطفل حته نوماس ماعده كل عذر ومايكدر ايرجعچ ..
-چا هو بعد السواه :وياي اله عين ايرجعني
-اي ماطول انتي حامل، الطلاگ ما يصير ويحق اله يرجعچ ابكل ساعه الا من اتجيبين ياله تصيرين امطلگه من نوماس وبعد ما يگدر يرجعچ الا ابرضاتچ
-ها. صدگ يشاهين چا انجوم السمه اگربله مني
بعد ما طلع متزوج ماجده ويضحك عليه... والله اكتل روحي وما ارجعله...
-شوفي ريم.. ورقة الطلاق لا اتضيعيه
-لالا ضامته ما اضيعه..
-ورقة الزواج لمن اتجيبن ابسلامه واروح للحجيه مرت حجي صافي واجيبه من عده وتضميه وي ورقة الطلاگ
-زين يشاهين
-الله شمحلات اسمي من اتگوليه ...
-چا موش اطلعت ابن ..ابن.. عم ابوي ..شو اشوفه
طويله...
-هههه.. گصريه وگولي ابن عمي..
-زين ابن عمي اريد اروح اشوف بيبيتي گبل ما انام وانت مارايد شي
-لا ما رايد شي روحي نامي وبيبيتي اني راح اشوفه
خاف رايده شي گبل ما انام
-زين رايحه..
-اممم تصبحين على خير
-وانت ابخير يشاهين..
-اويلي.. شاهين... شاهين.. اثاري اسمك حلو يشاهين وانت ما تدري. هااااها..
.... ... .....
-نوماس انت لازم اتروح اتشوف ريمه اشصار بيه بعد هذا الوگت الطويل وشبقى منه لگته الوادم لو بعده مربوطه ... اي لازم ... لالا.. لاولك ماشافوك من ربطته وماتت اتريدهم ايشوفوك لمن ترجع للمكان
ويكمشوك...
-ها يخوي ينوماس شو تحجي وي روحك شبيك
-لا يخوي يصيهود ما بيه شي بس انته امحزم ولابس وين اتريد...
-ليش ما تدري وين اريد اتشوفني الفي للهور اشويه علمود ارتاح وابدل اهدومي عبالكم نسيت العار الحگني من بت عمي ريم... لا ما نسيت.. وراجع ادور عليه ولازم الگيه حتى لو يبقه يوم من عمري
-يخوي راح يصير سنه على السالفه انساهه يخوي هاي الخايسه انساهه وبعد لا ادور وتعب روحك..
-لا ينوماس انت تكول هيچ لن الجرح مو جرحك لوكان.. ماجده الله لايكوله هي الي شردت چا گعدت وسكتت..
-اي والله يخوي ولا ابحاله....
-ول طاح حظك ينوماس شنهو ما عدك غيره
اني من ادور عليه موش علمود انتقم النفسي منه لا
بس علمود اعرف ليش وافقت من الاول اذا هي ما رايدتني اني ما اغصب اي وحده عليه حتى لو بيه روحي...
-لا ينوماس ليش ما عندي غيره بس خو ما اتظل كل عمرك ادور.. وتاليه كلشي ما تلگي..
-شنو قصدك ينوماس اشمدريك ما راح الگيه.. انت تعرف شي اني ماعرفه.. گول ينوماس...
-لا يخوي ما عرف شي وعلى، راحتك يصيهود روح دور عليه شگد ما تريد... واني شعليه... اني رايح الشغلي....
-هذه نوماس وراه سالفه وحجيه وراه شي ولازم اعرفه... اذكر ايام اختفت ريم هو چان يشتغل ويه سماج بلولايه وكل يومين كل ثلث تيام ايروحله وبعدين گال مات السماج وبعد ما يروح...
-ها يخوي يصيهود اشو صافن چا ابيش تفكر
-لايحمادي ماافكر لن بعد ماعدي فكر يخوي ...وچني راح اتخبل ....
-لا وانه اخوك يصيهود ليش يخوي اشبيك گلي وانه ابعون الله اريحك اني حمادي حتى اسرار السمچ عدي...
-زين يحمادي ارد اسئلك سوال
-اسئل يصيهود. واني اچاوبك اسرع من الحذاف
-زين... تعرف ليش ريم انهزمت ليلة العرس
-هااااهااااا
-حمادي اسرع من الحذاف ..ها يحمادي شوسكتت
-لا بس خايف من الطلايب وخايف. منك لا تسوي شي اندم عليه اني.. واذا سكتت گلبي يطگ من القهر
-هه يحمادي شتدري بيه ارعن وما اميز الامور
اني اليوم اذا لگيت ريمه اخليه تگعد چدام اولاد عمه وامهاته وتگول شنهو عذره وانهزمت وسودت اوجوهنه... والشيوخ هي الي تقرر مصيره اذا كانت خاطيه..
-زين يصيهود اني ما اضن ريم انهزمت اني اضنه انچتلت والچتله نوماس... هه. هاي اني گلت وخلصت
ضميري گدام الله..
-وشلون عرفت وليش كتله نوماس..
-لن نوماس چان رايد ريمه وامي والشيخ سلمان خطبوهه الك ولمن دره راد يخنگني ابنص الهوره لمن گتله ريمه لصيهود موش الك وماجده الك ينوماس چا يخوي الزباد، گام يطلع من حلگه... وتخبل وهچ وبعد ما ادري. ولن ثاني يوم بلعرس لنه ماخذ ماجده
وريمه ما هيه.ونوماس يضحك وفرحان...
--چا يحمادي ليش ما گلت هذا الحچي من زمان.
-يخوي اني زغيرکم وضعيف يخوي اني حايط انصيص لو حاچي چلمه چا ام نوماس ما زوچتني ريحانه..
-ولك حمادي على مود العرس تبيع اخوتك وشرفهم
صدگ يحمادي..
-لا يخوي موش علمود العرس لا يخوي، بس يصيهود
فگر يخوي... ريم اصبحت وامست ماهيه ويگولون
انهزمت.. ومن اكلك هذا الحچي ..امي تعاند وياي
وما تاخذلي ريحانه.. شوف يخوي اشكبره المصيبه
الي راح توگع على راس ام فرحه مرت عمي هداد وبناته.وحده يگولون انهزمت او ..وحده تضل ابثوب عرسه وما تعرس.. عاد يخوي خلي البليه وحده موش اثنين
وتاليه بس ماجده المكلكله هي التعرس ها يخوي
كلامي عدل لو لا...
-كلامك عدل يحمادي وانت چبير يحمادي چبير ابعقلك وبگلبك الطيب الي يفكر بلوادم... روح يخوي،
-يصيهود يخوي لاتهيج الرماد تره الچمر چواه..
-لا تخاف وانه اخوك.. الله وياك روح لمريتك وابنك يخوي...
******* ******
-دق.... دق..... دق...
-اي.. اي.. جاي.. جاي
-سلام عليكم حجي صافي.. مو صحيح
-صحيح يوليدي منو انت اني ما شايفك گبل..
-صحيح حجي بس اني ريم اهواي حجتلي عنك
وعن الحجيه
-الله يرحمه..
-لا لا الحجيه اشبيه ماتت.
-اي يوليدي ماتت... بس تفضل.. تفضل
-البقيه ابحياتك حجي والله ريم راح تتاذه لمن تسمع هذا الخبر مع الاسف عليه روح طيبه الله يرحمه..
-اي يوليدي ماگتلي انت شلون تعرفنه وما نعرفك
-واخبر شاهين الحجي صافي كل سالفة ريم ونوماس من ساعة الطلعت وياه ابنص الليل الى هاي الساعه واني اجيت على العقد مال الزواج لان ريم قربت ولادته... وتحتاج العقد علمود الطفل...
-بس يمهندس العقد عد الحجيه. واني ماادري عنه وين ضامته
-ريم دلتني عليه لان هي والحجيه دفننه سوه اكو طابوگه بلبيت لونه احمر اذا شلعناه نلگي العقد
جواهه..
-،زين يمهندس. هذا البيت وينه الطابوگه الحمره ...اي هاي يمهندس شاهين... هاي... اهناه بلزاويه البعيده عن الطريج...
-اي هاي... بس هاي مشلوعه يحجي... ماكو.. هذا الجزدان فارغ.. وين العقد منو اخذه. ..
-شتگول يمهندس ماهوه. چا منو اخذه اذا مو عد ريم ...چا منو الياخذه
-حچي صافي... ياالله. ..دخيلك....
-ها يمهندس شبيك
-الحجيه گلت شلون ماتت وشوكت
-وره ما راحت ريم باسبوع.. چانت الحجيه على طول عده دوخه وما اخليه تفتر اهواي وتتعب بس بعد ما راحت ريم ظلت وحده وبيوم گعدت بلليل ما لگيته وانتظرت ما ردت لفراشه.. گمت اشوفه ليش تاخرت.... لگيته واگعه وراسه مرگوع بلحايط والدم يجري وتارس البيت ونايمه على هاي الگاشيه...
وتدگ عليه بديه... نقلته للمستشفى ابسرعه بس ما تحملت وماتت بلطريق... صار اله ست اشهر من ماتت.. واني نسيت الكاشيه وهسه انت ذكرتني وتگول جواهه عقد زواج ريم ونوماس ..چا منو ايريده اوياخذه.. غير الي ربط ريم بلگصب حتى اتموت... وما يريد ينفضح امر الزواج... چنت شاك ابموتت الحجيه مو طبيعيه وهسه عرفت چتاله ولازم ابلغ الشرطه عليه
حتى الحجيه ترتاح ابگبره...
-يحجي انت تقصد منو
-نوماس يمهندس ماكو غيره اول چنت ما اعرف الصار بس بعد الحجيته الي والسواه ابريم اضن انو رجع ياخذ العقد من الحجيه حتى ايشگگه بس هيه ما انطته العقد فكتله.. وبموتته وموت ريم العقد محد يندله ويضيع اثره...
-بس يحجي العقد ماهوه يعني نوماس مااخذه بعد ليش يكتل الحجيه...
-گام حجي صافي وفتح صندوگ اهدوم چبير طلع من جوه الهدوم ورقه ملفوفه ابنايلون.... هذا العقد
يمهندس...لمن رجعت من المستشفى حفرت واخذت العقد ورجعت الطابوگه المكانه.. وانتضرت هاي الاشهر كله احد يجي او يسئل عليه حتى اعرف موتت الحجيه حادث لو احد كتله ابسبب هذا العقد
اوهسه نوماس حل عليه الموت لو السجن ...
يمهندس شاهين...
-يحجي صافي هذا الشي يمك انت واني او ريم نشهد وياك ابكل الي صار... وهسه يحجي لازم اخذ العقد وارجع البغداد لن ريم.. ولادته قريبه...