للكاتبه ام رحيل ...ع م
وفي الطريق الى الهور جلس في السياره صيهود وريم واسماء وكانت ريم واسماء يحچن الصيهود كل ما صار ويه ريم ونوماس الى هاي الساعه...
-والله يريم ان طلع الحجيتيه صدگ لفرغ الفشگ ابراسه النوماس وهاي الشيخه ام نوماس ما جذب سلمان
من گال مرت الابو شما چانت عاقله وحكيمه يجيه وگت وترد اصير مرت ابو... بس يريم لازم تتواجهين ويه نوماس.. ولو بعد هذا العقد مال الزواج... وعقد الطلاگ صار کلشي واضح چدام عيني والاعمى فتح..
موتك على اديه ينوماس..
-لالا .. صيهود شراح اتحصل من موته هو يموت وانت تروح للسجن وترجع المصيبه عليكم من جديد
اكو شرطه هي الي تحاسبه...
-اگلچ انتي منين طلعتيلي اتگولين وتامرين... شو اشوفچ اتمشيني على كيفچ...
-لا امشيك على كيفي ولا اليه دخل بيك ايحبسوك
ما يحبسوك شيهمني...
-ها اسماء... خانم ما تهتمين... صحيح صيهود مكروه
كله اتريد تخلص منه...
-لا يخوي يصيهود ليش اتگول هيچ انت ابن عمي.. صدگ انخاف منك بس هم نتنومس بيك ونشد ظهرنه...
-لا يريم اثاريني مو خوش ابن عم لن ماعرفت مكيدة نوماس ومرت ابوي الا اليوم وحتى من سولفلي حمادي وگالي اشك نوماس چاتل ريم هم ما صدگته...
-لعد شتگول اذا عرفت اخوك كاتل حجيه حبابه وخيره وما اله دخل ابكلشي... شتگول...
-يالله دخلك.. انتي شتگولين. اسماء احچي، غيره
-اي هو هذه الحجي الصدگ... ريم جانت ضامه العقد يم الحجيه واخوك راح ياخده منه وره ماضن ان ريم ماتت بلهور واكلته وحوش الهور.. ولمن ما رضت تنطيه اله رگع راسه بلحايط وموته.. والحجي قدم شكوته عليه قبل يومين لن چان منتظر ريم اتجيب واتصير زينه ....خاف الشرطه اتريده هي والمهندس شاهين للشهاده.. ومن يگول ما الشرطه كمشته لخوك نوماس وهسه بلسجن. ..
-صحيح هذا الحچي يريم...
-،اي يخوي يصيهود كل الگالته اسماء صدگ...
-وانتي شو السالفه كله عندچ يااسماء خاتون..
-اي عندي ولتتهزه شنو اسماء خاتون.. شنو ما عاجبتك...
-اوشنهي المناسبه. وتعجبيني..
-اشو صدگت.. اصلا اني مخطوبه......
-چذابه....
-ليش عيني چذابه شبيه ..حلوه..وبيضه وعيوني زرگ.. ومتعلمه... وعندي راتب...
-اي... اي... واني شبيه مو رجال...
-لا رجال بس شو ماگلت شهم عده غيره وسيم وسمرة الهور مزيدته وسامه ...ما يحب الظلم...
-هااااا... هاي كله شفتيه بي... ام عيون الزرگه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-زين غيرت احسن من اسماء خاتون.. احس روحي چني عجوزه..من اتگوله...
-ها.. ابن عمي صيهود، اشوفك هسه صرت زين ...
-شقصدچ يريم... چي ضميت السچينه... ها اطلعه
-لالا يصيهود... خليه مضمومه... لان بعد ما انخاف منه...هههههه هههههه
-ليش ام عيون الزرگه بعد ما اخوف.
-اصلا اني من البدايه ما خفت منك... ولمن كمشتني وحطيت السچينه على رگبتي سمعت دگات گلبك
گامت تركض... تركض.....دوم......دوم..... اوجهك صار احمر واديك گامت ترعش... گلت هذا ميگتلني.... بس خفت على ريم... تکتله...
-ههههههه.. ههههههه. يع ..چا ...صيهود كل هذا ايصير بيه... هنيالچ... يااسماء... سبع الهور يرجف گدامچ....
-اني ساكت الچن علمود الطريق يخلص... ابسرعه وما نمل ويصير طويل علينه.... بس... اسماء اذا تردين انردچ خاف اهلچ يقلقون عليچ.... بعد ماکو داعي الخوفچ على ريم ...بعد العرفته... ريم اخيتي وافديه ابروحي. ...
-لا محد يقلق امي امسافر عد خالي واسبوع ياله ترجع و ريم من دخلت للبيت انطتهم خبر وهسه شاهين ورانه....
-اوخطيبچ مو ورانه ويه شاهين...
-يا خطيب... من گالك اني مخطوبه...
-،انتي گلتي مو ريم هيه گالت مخطوبه...
-اي ياسماء انتي گلتيه مخطوبه... بس اني ادري چذب انتي ما مخطوبه...
-ها اتفقتي عليه ويه ابن عمچ. ...صدگ لا گالو اني وابن عمي علغريب....
-لا يااسماء. انتي اخيتي والله يعلم...
-صدگ يريم لگيتي اخت مثل ما لگينه شاهين ابن عمنه
زين يريم چا.. اخذ.. اختچ ..امكانچ.ما طول انتي تزوجتي..اوخلفتي..
-امطلگه يخوي يصيهود
-اي ادري اني اگصد المهندس شاهين ..لو اني غلطان.
-لا يخوي الله يشهد لا ابزواج ولا ابغير زواج..
-امصدگچ يريمه... بس انتي هسه تردين لنوماس... لو.. اقصد اضن المهندس هم اله خاطر يمچ..
-اشو اني ما اعرف... حچيك الغاز... كله شاهين ايحبچ او وگف اوياچ ويريد يتزوجچ.. وتعال اگلك
اي اني اخته.... بس اني وکحه وما تگدر تاخذني الا
اقبل...
-زين وانتي ما تقبلين بي اسماء....
-اشو گبل ساعه چنت جاي تكتل... وهسه صرت رومانسي وتخطب.
- اي... چا سبحان مغير الاحوال من حال الى حال...
بس ما رديتي عليه..... حتى اذا ما قبلتي اذبح ريمه
واخلص.... ههههه.... . ههههه
-يااااا... اثاريك اصير احلى من تضحك...
-چنچ قبلتي يم عيون الزرگ...
-اي بس اني اشتغل ممرضه
-اي انحطچ بلمرگز الصحي اليمنه... عاد اتداوين الجهال بلهور...
-بس اني ما احب اكعد يوم العطله بلبيت...
-احطچ بلمشحوف ونجر الشبچ انتي جهه واني جه..
واذا طارت اخضريه منچ..
-اي شسويلي.. بله..
-اطير رچله واولاده وياه...
-ههههههه... هههههه... هههه.. يا...يصيهود لو ادري بيك هيچ ...چا رديت ابساعته من لكاني المهندس
بلهوره.. مربوطه... وچا ما خفت...
-بس انتي هم ما گلتيلي يريم نوماس لو شاهين
-يخوي يصيهود.. ولو انت ابن عمي وتامر عليه بس احنه يخوي عدنه چبير هو اليامر واحنه ننفذ...
-صدگتي يخيتي.. الله كريم يصير خير وصدگي بعد اليوم مايطيح عليچ ظلم...
-يصيهود.. واني وين صرت
-صرتي اسماء صيهود سبع الهور ...مثل الاجانب ههههه. ههههه... ههههههه
-صارت السعاده والهدوء تارسه وجه صيهود واسماء..
وچنهم واحد يعرف الاخر من زمان.. صدگ لا گالو الكراهيه ايريدله اسنين من تنزرع بس المحبه ما تحتاج غير لحضه وحده....
-،ها يريم شو صفنتي يبت عمي.. چي وصلنه الهور خفتي...
-لا ليش اتخاف... مو انت وياه.. واني همين ..وفنه اليحاچيه
-اي يوگحه هاچ هذا الشماغ حطيه على راسچ..بس خاف ريحته ما تعجبچ...
-ها اي چيبه خاف ياگلني البگ...
-ياكلچ البگ... لو عيون اهل الهور... ولا تفكين اعيونچ حيل.. تره عدنه اعيونهن يخلنچ ما تعرفين اهلچ وين
-زين يصيهود اگو اوامر بعد...
-لا.. مايامر عليچ ظالم...
-اي خل انشوف...
-شنو گصدچ اني ظالم
-لعد انت شعليك.. خطيبي.... رجلي..وتامر عليه.
-اي انشاله اصير رجلچ واذا ماتقبلين تره..
-شنو تذبح ريم.. لو تذبحني
-لا اردچ اليوم الهلچ...
-واذا قبلت... ما تردني لاهلي اليوم....
-لا انخليج منا لمن انخطبچ من امچ واتصير زفتنه اني وياچ ....وشاهين او ريم... ها شتگولين ...
-ها ابگيفك يصيهود سبع الهور...
-كللشششششش. گللشششششش... يا ياسماء راح اتصيرين مرت صيهود سبع الهور...
-اي واني ما اصير اسماء سبعة الهور..
-ليش عود.. چي راح نتزوج..
-اي وراح اطلع اوياك واصيد بط واخضيري..
-يااسماء خليچ سبعه على صيهود شلچ باهل الهور..
-ها يريم گمتي، اتعضين ابلحم ابن عمچ...
-لا والله يخوي يصيهود اني كلش فرحانه بيك بس انت چنت ماتسولف ويانه وچنه نخاف منك ولون ادري بيك هيچ... چا ما طاوعت خالتي ونوماس چان رديت للديره بس همه خوفوني، بيك واني من الاول اخاف منك...
-زين.... زين يله وصلنه للبيت انزلن ....
-حيهم ياجماعه صيهود رجع او. وياه ريم عدله مو ميته... وانطوه حوريه اچماله... حيهم حمادي ايسمع الحاظر ايگل للغايب ياهل الهور ريمه عدله......
-ولك حمادي فضحتنه... هاي شبيك
-اشبيه يصيهود شفتكم وشفت اوجوهكم تضحك وشر ماكو بيه گلت خل الهور يشوف ويسمع....
-زين اخوي سلمان او نوماس چوه...
-سلمان چوه بس نوماس اچت الامن البارحه واخذوه
بس هذا موش اشماغك يخوي يصيهود لابسته هاي الحوريه...
-اسكت يحمادي مو وكتك .. فوتي ريم انتي واسماء
-اسماء... چنك رحت يصيهود اترد وحده.. ادور انطوك دگة ميزان...بس يصيهود هاي موش دگة ميزان هاي الميزان كله...
-حمادي گتلك مو وكته...
-اي يخوي اشوكت چا... اگلك اذا اخذ ريحانه ما يطوني وياه دگة ميزان ولو بس العيون الزرگ..
-،اششششششش... اسشش حمادي... شلونك يخوي
يسلمان..
-هله يصيهود يخوي وين صرت چنه ابعازتك يخوي
..هاااااا ريم وين چنتي... وين لگيته يخوي
-السالفه طويله يخوي يسلمان نگعد واسولفلك...
....💔....💖......💖
....💖.....💕......💕
أنت تقرأ
بعت النذل واشتريتك ،،،للكاتبه ام رحيل ...ع م
Chick-Litفتاة قرويه تعيش في الاهوار ،تحب ابن عمها الصغير ويحبها ابن عمها الكبير يريد الكبير الزواج بها فلا تستطيع الرفض ويخطفها ابن عمها الصغير. ،،،فتضطر الى،،،،، الهرب معه في ليلة عرسها ،،،،وتبدء معاناتها مع النذل للكاتبه ام رحيل ...ع م
