بعت النذل واشتريتك ،،،للكاتبه ام رحيل ...ع م

💕بعت النذل واشتريتك بارت 16

للكاتبه ام رحيل ...ع م

   وصل المهندس شاهين والدكتور سمير الى منطقة الهور  وكانت حجة المهندس هو السؤال عن ماحصل لجده جواد محمد وابنه ريسان
-السلام عليكم
-عليكم السلام
-منو چبير هذا الهور
-اني چبير هذا الهور.. بس مو كله شايفين هذا الماي الداير مداير المشحوف مالتي ....
-اي شايفينه..
-اي اني چبير هذا الماي وهذا المشحوف وهاي الچواميس التسبح يم المشحوف
-زين ياچبير المشحوف..  اني المهندس شاهين وهذا الدكتور سمير....
-يابويه... الشغله بيهه مهندس ودكتور چا صار بيه حكومه..  بويه موش اني جبير الهور.. هاي الچاموسه
اكبر مني اربع مرات ...چا احنه يمهندس يدكتور چا ما عدنه افراريه شلكم بلچبير...
-اكلك انت شنو اسمك شو ما كلتنه
-اعوينت ابوك يحمادي... رحت فطيس وراح.. اتخيس بلسجن ويصيحون لابنك فارس   يبن حمادي الخايس بلسجن...
-ها اسمك حمادي... اگلك حمادي ..اني مهندس او صاحبي دكتور... چا قابل گايليلك احنه امن لو شرطه
-اي چا همه الامن ايگولون احنه امن ....ايكولون اني
مهندس اني دكتور... وبعدين تطلع. المسدسات  ويطلعون. امن. ايدورون افراريه... ويجرون الوادم بلحبال..
-هسه ماعلينه حمادي لا اتجرنه ابدرابين وضيع الحچي.. احنه انريد الچبير ابهذا الهور عدنه شوية
اسئله انريد نستفسر عنه...
-عود چا شنهي هاي نسفسر.. چاني ماعرف.  ..حچياتك يمهندس..
-حمادي.. اريد اسئل عن اهل ابوي چانو عايشين ابهذا الهور..
-احلف بس هيچ ...انت موش أمن
-حمادي والله مو آمن ...لو بله احنه آمن مو چا هسه
شبعناك راجديات وسحلناك.  للحبس..
-اي والله صدگ يمهندس. ويدكتور تعال اوياي المضيف اخوي سلمان ال رداد
-اشلون اخوك الچبير    وما تگول النه  والله يحمادي تستاهل الامن ايجرجروك للحبس
-هه انه اخوك يسلمان چنهم صدگ امن اوضحكو عليه... اشلع يحمادي.   اشلع.  ..
-حمادي تعال ولك مو امن ساعة السوده عليك حمادي.... ولك. چنك بيبيتي  اتگول الچذبه وتصدگه... بيهه
-هذا انهزم اشلون نندل
-شاهين شو امشي ماگو غير هذا القرقوز بلهور تعال نسئل غيره..
-تعال اني اسئل هل مره راح اسئل هاي البنيه الجايه
-ولك سمير احنه وينه اوينك ولك عبالك مثل بنات
بغداد... اگعد راحه واسئل زلم مو بنات....
-دروح خواف  هو سوأل. قابل راح ننهبه.. ..  وكانت ساميه تقترب من الطريق الذي يقف فيه سمير. وشاهين. ...
-صباح الخير خيتي..
-صباح النور.. نعم شتامر يخوي
-انريد نعرف وين مضيف الشيخ سلمان
-وشنو غرضكم من الشيخ سلمان..
-والله مسئله عائليه انريد نسئله عليه
-والمسئله اله علاقه ابريم..
-ريم منو ....شتقصدين..لا اني مهندس شاهين وهذا دكتور سمير احنه لا امن ولا شرطه هو عدکم طفله تايهه واتدورون عليه.اسمه ريم....
-شوف يمهندس اني طالبه سادس اعدادي واني مو مثل بنات الهور مايهمني اعگول العايشين بلهور وتفكيرهم الهذا السبب اني واگفه واحچي وياکم ابدون خوف.. راح اگلگم شي اذا تردون اتعرفون شي عن ريم... بيتنه خامس بيت من هاي الجهه بيت ام ساميه... واذا سوألكم على غير، شي.. بيت الشيخ سلمان  ذاك المضيف العالي... مع السلامه..
-وانتي وين رايحه
-ها يدكتور شنهي نسيت وگت المدرسه... مع السلامه
-مع السلامه. ساميه
-هي. هي سمير يله ورانه شغل مو وکت غرامياتك
-زين وين هسه انروح البيت ساميه لو للشيخ سلمان
-لا يخويه ما انروح البيت ساميه لانها بلمدرسه
راحت.. ماشفته من مشت گدامك انروح البيت الشيخ سلمان عم ريم.. بس نسأل على جدي ريسان وما انجيب طاري ريم لا تغلط تره ذوله اهله.  ..
-اي ادري لا تخاف شاهين   ان شاله ما يصير شي
وذهب الاثنان الى مضيف سلمان ال رداد
-هله هله بلضيوف تفضلوا
-الله يخليك ياشيخ سلمان اني مهندس شاهين وهذا صديقي دكتور سمير
-اهلا وسهلا بيكم تفضلوا خليهم يحضرون الزاد ينوماس لضيوفنه.. هذا اخوي نوماس وهذا اخوي صيهود...
-اهلا وسهلا واضن بعد حمادي هم اخوك..
-ها. يمهندس امين تعرف حمادي
-اكيد من غناويه الفاضحتنه بلهور..
-اسكت ينوماس. مو وگت كلامك الماصخ
-لالا يشيخ مو مثل ما يگول الاخ بس احنه اتلاگينه
ويه حمادي بلطريق وهو الدلانه على المضيف وچلب يچي ايوصلنه بس احنه مارضينه ايعيف الحلال... لالا حمادي خوش ازلمه
وبهل الوگت دخل حمادي وسمع حچي المهندس
والدكتور عليه وسمع حچي نوماس ونفخ روحه على نوماس وصار چنهم حبايبه علمود يقهر نوماس
-يا هله بلمهندس  ضل بالي يمكم گلت خاف تيهتم
واچيت اتفگدكم... هله.. هله...
-هله بيك يحمادي... ههههه... شلون عفت المشحوف والچواميس لوحدهن..
-ما عليهن شي. تفضلو. تفضلو. 
-يشيخ سلمان اجينه الك عدنه سوأل عن جدي چان من اهل هاي الهور.. اسمه ريسان جواد محمد عاف الهور من چان عمره خمس طعش سنه..
-اهو. هاي من ايام ابهاتنه واجدودنه.
-اي يشيخ تعرف شي عن جدي ريسان محمد
-شوف يمهندس انته چاي اتدور ورث لو تدور نسب
لزمن اعرف الاول الغايه من سوألك..
-يشيخ شنهي من ورث الأدور عليه بعد ميه وتلاثين
سنه چا يشيخ همه اهل الهور شيملكون غير چواميس......  ضلت يشيخ اني عندي حلال من جدي
 ابو بيبيتي واني وريثهم الوحيد وچنت مدير مشروع الري عدكم وتونه خلصنه المشروع او رجعنه البغداد
وحبيت اعرف عندي گرايب واهل من جدي ابو ابوي
هاي كل السالفه..
-زين يمهندس اسولفلك النوب.. اسمعت من ابوي رداد انو عندي بعد عم لاشافه ابوي ولا يعرفه بس سمع عنه من جدي جواد محمد..
-اي يشيخ هذا جدي ريسان جواد محمد الي يصير عمك.. صحيح.. او. طلع شاهين الاوراق والجناسي مالته ومالة ابوه  اوجده  ريسان ..
-اي يمهندس صحيح  بس تدري جدي ما ورث شي
يادوب چاموستين ثلاث.. وماي الهور لزمات كل مساحه من الهور لازمته عشيره من عشاير الهور ابا عن چد  يصيدون  بيه السمچ والطير غير هذا ماگو شي يملكوه...
-يشيخ سلمان اني اريد اعرف اشصار بعد ما عاف جدي الهور.. اذا تعرف.
-زين ابوي گلي.  انو.  جدي جواد چان عنده
ولد واحد امه ما جابت غيره لنها چانت مريضه وماتگدر على الخلفه.. حالته ماتساعده
ولما ماتت  راد جدي يتزوج لچن عمي ريسان مارضه وتعارك ويه جدي وعاف الهور ويگولون راح لبغداد وانگطعت اخباره.. جدي محمد تزوج حبوبتي ام هداد.  خلفت اله عمي هداد الچبير وابوي رداد وعمي حمدان. وتوفه وهيه هم ماتت وتدري يمهندس السنين مرت من زمان واحنه من اچينه للدنيا لاشفنه جدك ريسان الي هوه عمنه اخو ابونه من غير ام.. وانت تكول انت ابن ابنه.. واحنه انگلك هله ومرحبه بيك وبكل وكت..  
-يشيخ سلمان.. صدگ جيتي مو على ورث لو شي ثاني غير معرفتي الاهلي واولاد عمي.. وبيبيتي. الي هيه مرت عمك ريسان لسه عايشه وتكول معرفة الاهل عزوه وسند... هذا الي رايده مو اكثر.. ورايد من الاگيكم تگولون هله بابن عمنه...
-نهض شيخ سلمان وحضن المهندس شاهين وهو يضحك ويقول هله هله ببن عمنه ريسان هله.. ومرحبه
بعد ان اكل شاهين وسمير وشربو الچاي ويه الشيخ سلمان واخوته كان شاهين يباوع النوماس من جوه لجوه ويفكر بلسواه ابريم ويباوع الصيهود ابحذر
لن شاف ابوچه حزن وغضب يخوف اليوگف اگصاده
وخاف على ريم منه ازيد من خوفه من نوماس عليه
سلم شاهين وسمير عليهم کلهم وودعوهم وخرجو
والشيخ سلمان يصيح وراهم الله واياك يبن عمي
ترافگك السلامه. ..اذا طابلك ردلنه الزياره يمهندس شاهين
-انشاله يبن عمي اودعناك.. بلخير يشيخ سلمان... نشوفك بلخير يحمادي
-الله وياكم
-الله وياك يبن عمي المهندس. الله وياكم.. ....... وهله... وهله ببن العم الچاي من اسنين ايسلم
المهندس شاهين ابنه ويزود الفخر  لهلنه. 
الله وياكم... الله وياكم....
-تسلم... تسلم يحمادي... يبن عمي  ريت اولاد العمام
كله وجه يضحك مثلك... مع السلامه
-مع السلامه.. 

*******     *********