بعت النذل واشتريتك ،،،للكاتبه ام رحيل ...ع م

💔 بعت النذل واشتريتك بارت 11

للكاتبه ام رحيل ...ع م

-هله..يعمه ام خالد هله تفضلي يعمه
-شلونچ يمريم انشاله زينه
-ابخير يعمه ومعروفچ القدمتي الي ما انساه طول عمري...
-چا يامعروف تحچين عنه يمريم
-يعمه يام خالد اني سمعتچ انتي وجاسم وهوه يگلچ
على الوعد الوعتيه اله هو انچ اتزوچيه خيريه واولاده يصرون اولاده وخيريه صديچتي واچت گالتلي
واني گلتله اقبلي واشرطي عليه يطلگني...
-صدگ يمريم واني اضن روحي فاهمه طلعتي افهم
مني يمريم....
-لا يعمه اني صابره وكل يوم انخه ربي يسويلي فرج
الحياتي اليابسه لا ام ولا ابو عندي ولا اخت ولا اخو
ماخلفتلي امي واني هم اموت وينگطع ذچري وذچر اهلي وما يضل ابداري لا بت ولا ولد يذكرني ويترحم عليه هذه عقاب چبير چنت انخه ربي يرفعه عني
ويطعمني مثل ما طعم الناس....
-شوفي يمريم العده مالتچ صارله اسبوع من خلصت
وابني خالد رايدچ مو من اليوم من زمان من چان عمركم ارباطعش سنه انتي تزوچتي ابن عمچ وادري
ما رايدته وما گدرت اسوي شي لابني وسقط ابسنته
بلمدرسه وتمرض بس ما چان بيدي حيله لنه چان زغير وابن عمچ چبير وشاغول اويحگم عليچ حسب عوايدنه... بس اليوم انتي اصبحتي حره واني اريد افرح گلب ابني شتگولين..
-يعمه الايام مرت وحال خالد گبل عشر اسنين مو خالد اليوم ويمكن تغيرت مشاعره اريد اسمع منه
-شوفي يمريم تدرين بيه اگول الشي مره وحده ما اثنيه واذا گتلچ خالد رايدچ يعني رايدچ وانتي تدرين ومن زمان وهو لسه ما تزوچ ليش... لن عنده رچه تتطلگين اوياخذچ ومن سمع ابطلاگچ الهور ما لمه من الفرح واليوم وداني عليچ واذا گلتي اي. ما يمر السبوع الا وانت مرته وبيته وتصيرين چنتي لن اني تعبت ماگدر على الشغل عچزت..
-ههههه. لا لا يعمه بعدچ شباب... زين يعمه اني موافگه ماطول انتي تعرفين راي خالد...
-گلللششششش. گللشششششش
-ياه فشله يعمتي الناس تسمع
-يع وخل الهور گله يسمع شنهي بايگين....
.... ...... ....
او ما مر السبوع الا وعرس خالد اومريم طاش بلهور
والنسوان هاي الفرحانه لريم وهاي التتعچب شلون صار. هيچ... وامهات الگالات فرصتهن حتى ايحچن وگلمن حاطه عينه على خالد صارت تبرم ابحلگه.
وتگول چبيره ومطلگه ومن يگول بيه بزر الصوچ منه
موش من جاسم... او گف الهور من الناس وخلصة الزفه.... وكلمن سد بابه وامهات الگاله ايسن ولفن راسهن ونامن.... وبقى بس اثنين والليل ثالثهم..
-ها يمريم فرحانه مثل ما اني فرحان اليوم احس الدنيه فتحتلي حظنه من جديد يمرمر
-هههه هههههه چا انت لسه ما نسيت مرمر وبعدك ذاكر اشلون چنت اصيحني وچنت احب گل الوادم اتصيحلي مرمر حتى امي وابوي واگلهم صديچاتي
يدلعني مرمر...صيحولي مرمر وتالي يخالد صار هذا الاسم مر وعلگم الحياتي کله.....وما گدرت اكرهه الهل اسم لانك انت اختاريته ليه...
-مرمرتي گلب خالد، گبل ما تتمرمر حياتچ يمريم
ونسيت الفرح واليوم توه رچعلي .....يمر وحلو ابحلگي يمرمر
وكانت ساعات جمعت اگلوب صافيه ما تعرف الغش
ابوسط هذا الهور العذبهم اسنين واخذ منهم حب ربيع العمر وحنت الدنيا وعادت الايام تضحك الهم
من جديد.... ويا حلات العشگ من يضيع منك وترجع الايام وترده من. جديد....
..... .... .. ........
فوت يوليدي اشو البنيه ماله خلگ صار هاي ثالث مره توگع.... واحنه ييمه چاي نزحم عليك اهواي ذيچ
المره هم اجيت بلليل اوشفته ونطيته دوه وصارت زينه واليوم هم ردت مثل ذاك اليوم...
-ها حجيه ماتزحمون عليه ولا شي هذا واجبي واني
دكتور ولازم كل مريض اعالجه وانتي حجيه وحجي صافي جيران العمر من چنه ازغار ونلعب بلشارع والطوبه تتعدى على بيتكم وادگ الباب وننهزم انخاف من حجي صافي... ويطلع ايصيح علينه وبعدين ياخذنه وياخذ الطوبه للساحه ويلعب ويانه
لمن نشبع لعب ويگلنه اهنا اللعب احلى اواحسن من الشارع... الله ينطي الصحه والعافيه الحجي صافي
-والله يدكتور هو هم كبر وتعب بس شيسوي مايگدر ايعيف الشغل والسمچ وهاي البنيه يتيمه وتگرب النه
ورجله يشتغل ويه الحجي.. وما ادري شبيه هل ايام
-ها شلونچ شتحسين شدعوه هيچ لافه روحچ حجيه
اني ششوف منها سواده وگاعده ....حاجيهه لا تخاف -يمه ريم لاتخافين هذا دكتور يمه خل يكشف عليچ انتي مريضه وتردين دوه
-اي عفيه.. اي... احسنت ها... اها خلصنه بس حجيه
لازم اله تحليل حتى نتأكد ولو الاعراض واضحه
-دكتور شبيه شو خوفتني يمه هاي امانه شيخلصني
من اهله
-ههههه. لا حجيه ما بيهه غير كل خير.. ولو هاي امور
تقطع بيهه الطبيبه النسائيه بس اگدر اگلچ ريم حامل
بالشهر الثالث. لو اقل هذا بعد يم الطبيبه.. هاي كتبتله مقويات وخليه تاكل زين لانه بعدهه صغيره
بلعمر وجسمها ضعيف...
-ها يمه خير.. خير
-يله حجيه مع السلامه
-مع السلامه يادكتور
.....عندما خرج الدكتور من باب المنزل ودعته الحجيه
عادت الى ريمه
-ها يريمه عل خير يخاله راح تصيرين ام ونوماس ابو انتي فرحانه يريم...
-ههه چا شلون ما فرحانه يخاله اصلن اني چنت اكل
ابروحي اكل اشلون ما حبلت كل هل الوكت... بس يخاله لا تگلين النوماس چبتي الطبيب وفحصني
اهناك بلهور ما عدنه هيچ الحرمه اتروح للحكيمه
ما تروح الحكيم.. لو.ماتت من الوچع.. ونوماس يموتني لو عرف لا تگليله يخاله...
-زين يريم ما اگله.جبنه الطبيب اگله نسوان واحنه انعرف ابهاي الامور...
كان نوماس قريب من الدار اجه حتى ايشوف ريمه لن سالفة التحليل وعرس خالد ما صارتله فرصه
حتى يگدر يجي الريمه وضلت مدة اسبوعين ما شايفته النوماس.....
-،هذا منو الطلع من البيت والحجيه سدت الباب وراه
وذيج النوبه هم شفته طالع من عدهم والوگت متأخر مو مال زياره.... او فات ابذاك البيت.. شنو شلقصه..
-دق.... دق..... دق....
-اي... اي... جايه. منهو
-اني نوماس حچيه...
-هله... هله... نوماس يمه فوت توخر الوگت ما عبالنه
تجي اليوم...
-چا شو چني لمحت احد طالع من البيت قبل ما اصل
-ها... ها.. لا هذه اجه للحجي عنده شغل وياه...
-ها... والحچي وينه
-داخ اشويه وراح نام...
-ريم وين هم نايمه
-اي يخاله نايمه ابغرفته شويه ماله خلگ...
ذهب نوماس الى غرفة ريمه
-ها يريمه خير شبيچ اشوفچ مالچ خلگ اخذچ باچر للحكيمه....
-لا ينوماس ما بيه شي بس انت ليش توخرت علي
تدري ينوماس اني من دونك تايهه وماعندي احد عيني تربي لعد الباب تتنطر فوتك عليه يبعد روحي
-تدرين صارت اهواي اشياء صيهود اچه من بغداد
وصار يفتر بلدواير بعد ما راح الساميه وامه وسئله
عليچ. وگالتله انچ موش ممكن ترحين لبغداد وما تفكرين بلهرب لنچ چنتي فرحانه ولابد حصل
مكروه هو الخفاهه او مو بعيده هي عن الهور او نواحيه او صار يفتر اهنا بلولايه. واخاف يلمحني
ويشك...
-چا ينوماس دير بالك احنه ابعازتك وبرگبتك يبن عمي
-چا شنهي شو احنه... وبعازتك... چا منهو انتو هو بس انتي يريمه.
-هاااا ههههه. هههه
-اشبيچ يريم ليش يحبيبه تضحكين گليلي خل اضحك وياچ.. تره گلبي محتام للفرح والضحك ومن اچي يمچ انسهَ اهموم الدنيا كله يريمه..
-چا اسمع هذا الخبر.. راح ينسيك حتى ريمه
-محد ينسيني ريمه ...
-حتى ابن ريمه....
-شتگصدين يريمه مافتهمت
-اشبيك ينوماس اني حامل ثلث تشهر.... وبعد ست تشهر اويچيك ولد... لالا يمكن، ابنيه.... هااا. لو انت تريد ولد ادري الزلمه يحب يچيه ولد اول مره وبعدين کلشي اچان يقبل..... بس لازم الاول ولد ينوماس ......شبيك شو وچهك غده اسود وچنك مو فرحان بلخبر. ....نوماس اشبيك ليش ساكت...
-انتي متوكده يريمه خاف غلطانه
-لا موش غلطانه لن الحجيه تعرف ابهاي الامور
موش لنه زغيره
-بس الحجيه ما خلفت شلون تعرف... باچر نروح للحكيمه ونسوي تحليل...
-زين ينوماس مثل ما تريد بس گلي انت تريد ولد لو بت...
-الكاتبه ربچ يصير اني تعبان ارد انام وباچر حتى نروح من وكت للحكيمه واني متوكد انچ غلطانه
-لا لا موش غلطانه اوهسه تشوف
-يچي باچر واشوف شضاملي الوكت بعد...
-کل الخير ينوماس... لا تهتم اني وياك للموت وحتى
من يچي الموت اگله عيف نوماس واخذني بس موش هسه لمن اچيب الولد.... هههههه.... هههه
-نامي... نامي يريمه وعسى الولد ما اچه... ولا شفته
بعيوني...
-يع ينوماس ليش تكول هيچ ما تريد مني ولد يحمل
اسمك
-لالا ماااااااريد اونامي ولاتحچين منا للصبح...
ونام نوماس بعد ان صرخ في وچه ريم والشرر يتطاير من عيونه... وضلت ريمه صاحيه امكانه. وما تتحرك صافنه وتفكر ابنوماس شلون انگلب ابسرعه اوتحول الواحد ماتعرفه.....