بعت النذل واشتريتك ،،،للكاتبه ام رحيل ...ع م

💔بعت النذل واشتريتك بارت 10

للكاتبه ام رحيل ...ع م

-ها دكتور شو ساكت
-اسمك نوماس ال رداد شگد صارلك من ازوجت
-صار. ثمن تشهر دكتور. وزوجتك اسمه. ماجده عوده
وهاي تحاليله ....
-اي دكتور....
-هاي التحاليل صار من ماخذه اربع ايام يعني جديده
كلش زين.. تحاليل زوجتك.... ما بيه شي وزينه وهي
قادره على الانجاب ....بس...
-بس شنو دكتور
-اني اسف ابني انت ما ممكن تنجب لا اليوم ولا بالسنين القادمه وحالتك ما الها اي علاج لان جايه نتيجة لمرض من الطفوله...... اني اسف واذا تحب
تاخذ التحاليل وتستشير اي طبيب غيري حتى تتاكد
-اشكرك دكتور.... خرج نوماس من عند الطبيب والارض تدور بيه من كل جهه والارض يتمناها ان تنشگ وتبلعه.... الله چاي يعاقبني لن ظحكت على بت عمي وتزوجته مثل النهيبه وحرمته من امه واخواته وسودت سمعتها وخليتها بحلوگ النسوان والزلم... واخوي صيهود.. الصارله اثمن تشهر ما لفه
للهور والبيت الا ايام قليله.. وهو يدور ابغداد وبكل مكان بلچي يلگيها... وحالته صارت حال المريض ابمرض ما اله شفه.... وهاي ربي چاي ايشربني من نفس الشربوه صيهود وريمه وام ريمه واخواته
-ها... هاااا... هيوووو نوماس شبيك خويه اشگالك
الدكتور شبيك شارد....
-هااا خالد شبيك اني كلشي ما بيه شبيك اتصيح فضحتنه فشله صوچي سمعت كلامك وكلام امي
واچيت للدكتور...
-ليش يخوي ينوماس شكو بيه
-ما كو شي لهيچ اكلك لو ماچاين ولا هاي الخساير ابلاش. ...يگلي مابيك شي ازلمه من ضهر ازلمه
وهاي رزق يم ربك ....
-ها چا. كون هيج السالفه خوش يخويه يله خلينه نمشي
-هايخوي يخالد لا اني عندي شغله يم الحچي ابو السمچ... روح انت واني اخلص شغلي واشوف
-ها ماتريد اتانيك لمن تخلص
-لا يخوي اذا لگيت الحچي عنده سمچ اضل وياه
انت روح يخوي يخالد...
-خوش ينوماس اني رايح..
-الله وياك وگلهم بلبيت خاف اتوخر...
-زين يخوي... الله وياك... 🖐🖐
......... ....... ..........
-ها يمه ياخالد اچيتو انت ونوماس...
-لا يمه رديت وحدي ونوماس راح الهذا ابو السمچ اليشتغل عنده
-وشگال الطبيب
-هااا
-شبيك خالد متگول.... شنهي هاااا
-يمه ماادري شگول
-گول الصار اوسمعته...(يايمه يماچده بس لا نست اتبدل اوراق التحاليل بلاوراق الي انطيتهيا مالة جاسم ومريم الله يستر کانت ام خالد تتكلم ويه روحه وخايفه ينفضح الملعوب)
-يمه من رحنه اني ونوماس واخذنه التحاليل الي جبته من ابو التحليل البارحه شاف مالة نوماس اوماچده او ماحچه شي وگال هسه الطبيب يفهمك...من تاخذوه اله واليوم لمن اخذناه.. ونوماس
فات للطبيب وحده گال فشله تفوت وياي اني ازلمه واکبر منك... وضليت بره بلباب..
-اي وبعدين شصار...
-بعدين لمن شافني ابو التحليل ما رضه يدخلني وياه نوماس حتي لا اعرف شگاله الطبيب گال راح اگلك بس لا تگله اني گتلك اذا هو ما گلك... الصدگ...
-زين وشگالك ابو التحليل...
-گال نوماس مايگد يخلف طول عمره وماينفع وياه لاطب ولا دوه... وماجده زينه وکلشي ما بيها وتگدر تخلف... ولمن طلع نوماس چان وچهه اصفر چنه يريد يموت... ولمن سئلته... گال يگول الطبيب كلشي
مابيه وزين ويگدر يخلف... بس هذا رزق من الله...
-يمه خالد لا تگول هذا الحچي لاي واحد حتى النوماس واختك هاي قسمته شسوي..
-لا ييمه هذا مايصير لازم اگل الماچده هذا حقها
وهي تختار تظل لو تتطلگ منه
-شوف يمه خالد انت موش بحال ماجده انت حب مريم لسه ابگلبك ولمن اخذه جاسم ابن عمه انت تمرضت عليه... وبعدين من عرفنه ابجاسم ما بيه افروخ تمنيته تتطلگ بس هيه ما رضت وگالت
هاي قسمتي..وهسه انته چنك تريد اتطلگ ماجده
علمود مريم تحس على روحها وتتطلگ.. مو هيچ
-يمه انتي شتگولين اني اريد اختي تعرف الصدگ
وما تعيش مثل العميه هاي حياته او لازم تختار
-ابكيفك يخالد بس احب اگلك شي... اسمعت مريم
راح تتطلگ من جاسم... هاااا شنهو رايك...
-ص صدگ يمه لو تچذبين عليه حتى ما اكل الماجده
-لا صدگ. وهاي ماچده اچتي وگله. ونگل حتى لام نوماس لچن بسكوت مو بلفضايح... فشله
-ها يمه شلونچ.... شلونك يخوي خالد چا شو نوماس
ما اچه بعده وانت اهنا....
-نوماس راح للحچي صاحب السمچ ويغيب چم يوم
واگو شي ارد اگلچ عليه.. التحليل طلع والصوچ ابنوماس.. بس هو گالي اني گلشي مابيه ويگدر يخلف وگلت لازم تعرفين الصدگ
-لا تگول يخوي کلشي اني راضيه اعيش وياه حتى من دون چهال...
-ماجده انتي اختي ولازم اخاف عليچ باچر السنين والايام ترکض او تناينچ كلهن يصير عدهن اولاد وبنات وانتي لوحدچ تضلين وبعدين ما ينفع الندم
-،يوههه ياخالد اگلك اني.. راضيه وما اريد جهال
ماريد چهال.. نوماس يكفيني وبعد لا تعيد هذا الحچي والناس تسمعك تره اصير موش اختك ولا اعرفك. افتهمت يخوي..
-ريت الله يخليچ ياماچده انتي بت اصل واني ما استاهلچ..
-،منهو..... نوماس اشچابك وراي
-اسئلت امي وگالتلي رحتي لهلچ تسئلين لمن تأخرنا
والدنيا ظلمت واچيت اچيبچ وسمعت حچيچ يبت خالتي ....واني اگلچ اذا ماتردين تبگين وياي
-اشششش ينوماس لا تصير ازود من خالد لو انته تريد عذر حتى تخلص مني...
-لا يبت خالتي انتي کبرتي ابعيني الف مره ازود من الاول... بس هذي السالفه لازم تضل ابيناتنه ياماجده
ويوم التطلع ايصير افراگ بيني وبينچ زين
-بس ينوماس لزمن خالتي تعرف حتى ما تلح على ماچده علمود الخلفه...
-،خالد امي صارت تدري اني گلتله اني ماضم على امي شي واحنه اربعه نعرف ومن نصير خمسه ذاك الوقت ينتهي گل شي ابيني وبينچ يماجده
-اشوفك تهدد ينوماس شسالفه...
-لا يخالد موش تهديد واني ما چابر اختك تضل وياي وماطول اختارت اتعيش وياي لازم تحفظ السر انت وامك واختك... اودعناكم
-ياه. يواش.. يواش. چايه وياك ينوماس..... وانت ياخالد حياتي لاتتدخل بيهه تره ماسامحك للموت
.....وركضت ماجده وره نوماس وكمشت ايده ومشت وياه للبيت وچنه اليوم فازت ابنوماس وملكته..... والليله بس زفته عليه .....
......
-ها يعمتي ام خالد شسويتيلي بلسالفه الوعدتيني بيها
-شوف خيريه قبلت تاخذك بس عده شرط واحد
-شنهو الشرط چا السالفه، صار بيها. اشروط مو مثل ما. كلتيلي ....
-شوف يجاسم اني گتلك اخليك تاخذ خيريه واولادها يصيرون اولادك بس ما كتلك تقبل بيك ابدون اي شرط
-،زين يعمتي شنهو شرطها....
-شرطها مريم ما تظل على ذمتك
-چا شنهي تريدني اطلچها وهي ما مسويه شي
واذا مريم ما رضت تتطلچ
-ولك اشبيك اثول چا هي الحرمه اله راي الرچال هو صاحب الراي بلطلاگ.. انت اذا اقبلت هذا الشرط وطلگته اني اعرسه بس تطلع العده...
-يوه. ...يعمه تردين تزوچين مرتي واقبل شلون
بهذه الحچي
-ابكيفك ياچاسم العندي گلته والنسوان تشرط واليريدها يگبل ابشرطها. ...وانت فكرك راح تظلم
مريم لمن تطلگها... انت راح ترحمها من العيشه طول
عمرها بدون چهال...
-زين زين. يعمتي.. موافگ. الشيخ. الي يطلگ مريم
يملچ خيريه. شكلتي
-بس يكون خلع بدون رچعه. شگولك
-على امرچ يعمه. شوگت الملچه والعرس
-بعد ثلث تيام من اليوم يجاسم
- اني رايحه المريم عندي كلام وياهه
-،خوش يعمتي راح تگليله على الطلاگ
-اي چا اني شعدي رايحه وانته روح للشيخ طلگ مريم وتواعد وياه على ملچة خيريه...
-زين ياعمتي رايح. للشيخ
...... ....... ......
-مريم..... يمريم
-ها يعمه هله تفضلي يام خالد تفضلي... هله.... هله
-اني اچيت احچي وياچ يمريم
-خير يعمه انشاله ماكو شي ...
-لا اكو شي... رچلج جاسم طلگچ يمريم
-لاه يعمه شتگولين ههههه هاي موش معگوله ليش يطلگني
-لنه يريد اولاد
-ههههه. هههه يعمه. يعمه خلي ال بگلبي... ابگلبي لاتهيچين چروحي. يعمه هذا الحچي السامعته مو صدگ يعمه وچاسم ما يخلف يعمه الصوچ منه موش مني ... شلون بعد ايريد چهال امنين ايچيبهم ...
-من خيريه.مرت امزاحم.
-يع خيريه اگلچ يعمه ما يخلف تگليلي من خيريه شلون....
-،اني اگلچ شلون... خيريه عده اثنين ويلاد واحد سنتين والثاني اربعه لايوعون على ابو ولا يعرفونه
وجاسم راح يصير. الهم ابو وهمه اولاد اله... ها. شرايچ
- چليل الاصل لا تبعديها عنه وان باعني بغالي ابيعه
بلرخيص. يعمه بيت ابوي وامي لسه موچود حتى لو همه ميتين. اگعد بيه لوحدي
-،چا يخاله انت من هاي الساعه محرمه عليه وما لاازم تبگين ابداره...
-يعمه صحيح اني عمري اربعه وعشرين ولسه ما صرت بتچربتچ بس مايصير اعيف بيت رچلي هيچ
من دون ما اسمع الحچي منه...
-والله يمريم لانچ عاقله وتعرفين بس ارد اسئلت
شتقصدين بكلامچ ان باعني غالي ابيعه بلرخيص...
-يعمه اگصدت باعني لاجل اثنين ويلاد والضنه مايتقدر بثمن واني من اتطلگ واعيفله البيت والغراض وامشي لبيت ابوي وهذا كله البيت والغراض رخيص الثمن اگبال ثمن الاولاد....هو باعني باولاد واني بعته ابيت وغراض
-لنچ فاهمه وعاقله يمريم وهنياله التصيرين اله
زين يعمه هسه يچي چاسم وتعرفين الصدگ
-هاه اضن چاسم وصل يعمه..
-عمه بعدچ مارحتي خوش چا انتي گلتيله المريم
-چن الحچي صدگ يچاسم اني چنت اسوي اباصلي وياك لانك ابن عمي وقبلت اعيش اوياك ابدون خلفه
چانت نفسي مچبوره عليك من اخذتني يبن عمي
وجرعت المر وقبلت وسلمت امري الحمد لله هاي اخر صبري وايماني بحكمك العادل حشه تظلم بس العبد ظالم ورحمتك على ساعه وچانت حبوبتي
من تصلي وتخلص تدعي واني احفض منهه چانت تگول (ربي لاتحط حملي على عبدك حط حملي على ارضك... وصخيلي الگلوب الچاسيه والعبيد العاصيه)
ياله يعمه وصليني لبيت ابوي اصبحت امحرمه عليه
وما لاازم اضل ابيته.... يله... يله
-يبت عمي انت خوش بت عم والله يطعمچ ازلمه اخير مني
-يله يعمه باتي عدنه اليوم وباچر ترحين لبيت اهلچ
-لا يعمه بيت اهلي يلمني اخير اني حرمه مطلگه
وعيب عليه انام ابغير بيت اهلي بس وصليني للبيت جزاچ الله خير.....
-يله يعمه. يله.....
..... ....... ....
-ها يخيه يخيريه ملچتي انتي وچاسم
-اي يخيه البارحه واليوم اچيتچ ارچعچ عن الي ابراسچ وانعيش اخيات.. تره اني اشوف روحي بعيون الوادم موش زينه
-،يخيه يخيريه انتي شعليج موش اني الچيتج وطلبت منچ تقبلين ابجاسم. بعد ما سولفتلچ السمعته
من ام خالد وگتلچ اشرطي عليه هذا الشرط
-اي يخيه صحيح بس اني چان ضني انچ تريدين تعرفين معزتچ عد جاسم
-اي يخيه صحيح لو اني امچانه اسوي مثله لن البزر ماگو اغلى منه ابهاي الدنيا ولا تشيلين روحچ ذنب انتي ما مسويته.. اني لسه زغيره اربعه وعشرين موش چبيره كلش وبلكي احصل ابن حلال والله يرزچني منه ولد.. ابنيه كلشي الچان...اني اكدر اخلف
يخيريه..... والحكيمه هيچ گالتلي بس جاسم مايگدر واولادچ الله رحمه بيهم ورحمچ ابجاسم لانه خوش ازلمه وراح يربي اولادچ زين...
-چا انتي موش زعلانه ومقهوره يمريم وراس چهالي
اذا مقهوره اخليه يطلگني ابهلساع...
-لاتصيرين امخبله صارلچ يومين من مالچه وتردين تتطلگين
حتى نسوان الهور يئلفن اعليچ سوالف وقصص
روحي يخيه لاولادچ ورچلچ.... روحي امودعه بالله
ونشاله تنسعدي بايامچ
-مع السلامه يخيتي يمريم...
-الله وياچ
....... ........ ........ ........