بعت النذل واشتريتك ،،،للكاتبه ام رحيل ...ع م

💕💖بعت النذل واشتريتك بارت 19

للكاتبه ام رحيل ...ع م
-هااااا ام ليلى شبيكم شو مخبوصين بيبيتي بيه شي
لو ريم...
-لا يمهندس ماكو شي.. بس ريم تولد وخابرنه الدكتور سمير... وهو جاب الممرضه اسماء والحبوبه
-حبوبه شنو. لازم ناخذه للمستشفى...
-لا مو هاي الحبوبه متعلمه مو من امهات گبل وهاي اتصير امه للممرضه اسماء....
-ها. لعد زين وين سمير...
-گاعد يم الحجيه.. لنه فضحتنه بس اتصفگ وتهلهل لمن عرفت ريم چاي اتجيب...
-زين ديري بالك عليه ام ليلى... واني رايح لم سمير وبيبيتي...
-هله... هله... يشاهين هله... طگ... طگ👌👌👌
شهوني بيبي لنك فرعون وگادر.. واني وعيوني الوسيعه هاي وماشفته حبله اتصدگ... اشلون ضميته
عليه كل هل الوکت...

-بيبي .. اسمله على اعيونچ الوسيعه... هنه ايشوفن غير... ريسان ..
-ولك اشوهين ريحة ريسان راح اتخلف.... اليه الاصل او الك الفرع.. شتگول
-هله.. او... هله. ادگ اصبعتين بيبي.. الچ العروس
والي الواق.. واق... هنيالك يشاهين... ولك سمير اني قبلت
-بيمن قبلت شاهين
-اخنگ بيبيتي وخلصني ..
-هههههههه. چذاب.
-ولك شاهين وين رايح.. وين عفتني... ريحة ريسان الي والواق... واق الك وانگطعت السالفه...
-ها ام ليلى بشري...
-عل خير جابت ابنيه مثل الگمر..
-وريم شلونه
-ابخير. يمهندس شاهين وين ابشارتي
-اي.. اي انطيه ابشاره ام العيعو تستاهل... الواق واق صار الك... واني ما انطيه فلس، احمر.. لن ريحة ريسان انگصت ما زادت... اخذتو وذرة لحم منه
-،لعد اذا ما تطيني ابشاره.. راح اخلي ريحة ريسان
تاخذ الواق واق وتمشي...
-يايمه گلبي.. چتلتني ام العيعو... يشاهين
-ام ليلى شلج ابهلحجايه...
-هااااا خاله شاهين اتشاقه وياه... اشوفك اغتثيت
من كلامي
-ها لالا شوفي... اگدر اشوفه الريم...
-اي خاله هسه...
-ها ست اسماء شلونج تعبناج انتي والحجيه...
-لا ماكو تعب عل خير صارت عدكم ابنيتين من الهور وحده احلى من وحده.. شسميه...
- امه اتصير زينه واتسميه..
-،امه زينه والحمد لله.. روح شوفه هي والحلوه..
وذهب شاهين الى غرفة ريم...
-شلونچ ريم.. زينه.. خفت عليچ اهواي..
-،ليش خفت يشاهين چا اني اول وحده تخلف
-لا انتي اول وحده تدخل گلبي واخاف عليه
-يااا لاتسمعك ست اسماء عيب... وبيبيتي شيخلصك منه...
-خل تسمع... هي گسمت الگسمه وخلصت السالفه
-ياگسمه هاي
-گالتلي الك ريحة ريسان اخذه ما ريده وانطيني البنيه الي..
-يايمه. الحگيلي اروحلك فدوه يشاهين لا تطيه ابنيتي.. تره بيبيتك تگطمه نصين وتگول ما ادري...
-هههههه... هههههه. لعد اتگلي، انطيني ريحة ريسان واخذ انت الواق واق..
-اي ميخالف، اخذ انت الواق واق. واني خل تاخذني
عاد اني اتحمل اديه من اتجعصني بس الطفله ما تستحمل.يشاهين.. عفيه ...
-اني اريدچ انتي والواق واق سوه ما اعيف وحده واخذ وحده سوه يريم سوه..
-الله يخليك النه اثنينه
-اتلاثه... بيبيتي... لا تنسين...
-اي... اي... اتلاثه... يشاهين... يله سميه ابسرعه گبل مااتسميه بيبيتك،...
-زين انتي شتحبين اتسميه... گليلي اسم واني اگلچ اسم
-چنت احب اسميه رحيل بس راح تتحمل سوالف نوماس وتسئل ليش رحيل .. اسمي
-لالا ريم انسميه .💕غدير 💕غادرت الهور امه واچتني البغداد. ودخلتي انتي وياه الحياتي...
-غدير.... غدير.. اي حلو وهم علجرح يدگ
-لا مايدگ. غدير يعني نهر الماي يعني الهوره الگيتچ بيه يريم وبس...
-،وبس يشاهين...
-،الله.. الله شنو هذا الجمال غدير... غدير عيونچ زرگ
لو اتقشمرين على بابا... صدقه هاي حقه بيبتي
اذا اكلته... عيونه زرگ چنهن عيون بزونه وشعره اصفر مثل الذهب او وجه مثل القطن ابيض وناعم ودافي. .يا سبحان الله... راح ازعل اذا ما اتجيبيلنه
وحده ابحلاته من نتزوج... ها ريم
-الله كريم يشاهين... وربك هو اليخلق مو احنه يشاهين...
-اتشاقه وياچ اني يكفيني بس انتي وغدير..
-او بيبيتي. تره اسمعك...
-ههههه... ههههه ضمي غدير عن بيبيتي تره تگرطه
-ياااا صدگ... شاهين... وين اضمه... شاهين..
-،وخرج شاهين من الغرفه وهو يضحك... ههههههه
ههههه.
..... ... .......
-هي... هي... انت ماتسمع... تعال
-اوشتريد مني هي... هي... چاموسة ابوك التايه اني
وتصيحلي هيچ... اني حمادي اخو الشيخ سلمان گول وفعل...
-اي تعال يگول وفعل.. خل انشوفك
-ها ..ها.. شتردون..
-وين بيت نوماس ال رداد...
-انه اخوك يسلمان ذوله صدگ شرطه وامن لا مهندس ولا دكتور... اشلع يحمادي... اشلع
-ولك اگف ولك اگف لا نصلخ چلدك....
-اي... اي... عرفتگم خل اشرد چا. شطلعت كله تطلع اولاد عمنه..... عمي شنهي.... ماكو غيرنه. شنهي جدي جواد تارس الديره افروخ..
انتم صدگ شرطه... ويامن بلشت ينوماس. شيطلعك من هل الورطه.... يبو... يبو... يبو..
وركضو وره حمادي... وحمادي مثل الفراره محد يگدرله ....وصل للمضيف گبلهم...
-،يخوي يسلمان الشرطه تسئل على نوماس....
-ليش.. ولك يحمادي... نوماس شمسوي...
-ماادري يخوي.... بس ذوله شرطه صدگ.... لا مهندس ولا دكتور ولا اولاد عمنه...
-ولك شنهي شتخربط انت يحمادي...
-السلام عليكم يشيخ سلمان...
-ياهلا بيكم خير انشاله يگول حمادي انكم تسئلون على نوماس خير انشاله...
-اي يشيخ هذا استدعاء جاي باسم نوماس ولازم يچي ويانه
-چا ليش شنهي تهمته... شمسوي..
-،ولك حمادي، وين راح صيهود خل يجي ايشوف شنهي السالفه.... و يروح ويه اخوه...
-صيهود گالي رايح يچيب ريمه ويچي...
-،ولك امين ايجيبه.. دهر دهرك يحمادي... امش صيح نوماس وصيح سوادي...
-اي... اي... ينوماس يهو ينوماس چاك يوم الحساب ينوماس ...
-ولك اشبيك تسكت لو اخنگك...
-،يي.. يي. يي.. اخنگك...اخضريه وتخنگني... روح چاك الموت ياتارك القبله... سلمان يصيحك...
-تارك القبله مخبل يعراف زمانك... اسمه تارك الصلاه..
-چا هنه سوه اليترك الصلاه يترك القبله واليترك القبله يترك الصلاه.... روح.. روح.. اتحوص.. اتنوص.. چتك اخنيزيرة الهوره....
-ول... ول... يغراب الخرايب... ول... ها. يخوي. يسلمان ...شرايد
-يخوي هاي شرطه چايه عليك انته شمسوي گلي
-انت نوماس... يله امش ويانه رايديك بلمركز... يله
-يخوي يسلمان شكو شصار
-ما ادري يخوي روح واحنه چايين وراك اني واسوادي...
-يخوي يسلمان لاتعوفني
-چايين وراك.... چايين
-ولك يمه نوماس وين ماخذينك.... ولك يمه....
-ولك خويه نوماس اهااا.. هااا..
-ردن لاتفظحنه اخذي امچ يبديعه فوتيه لچوه وسدي الباب... احنه رايحين وراه...
..... ...... ......
-اي هو هذا الگصر الجبير وهو نفس العنوان الكتبو الي بلموقع مال المهندس... اليمنه بلهوره... گلتلهم ابن عمي... وطلعله ورث عدنه وانريد ننطيه ورثه...
وانطوني العنوان... ورد اشوف صحيح چيته النه چي يريد يعرف گرايبه.. توه.. واليوم.. لمن ريم اختفت ..طلعلنه ابن عم
... اي.. اي المهندس متعلم اوحلو اخير مني اذا تريد ريم تنهزم وياه... چا صيهود وين والمهندس وين واذا ما لگيته عد المهندس اروح الدور العنوان الدكتور.. واشوفه... عنده لو لا... چان صيهود خاتل وره اشجار حديقة بيت شاهين ويسولف ويه روحه..... گاعد ومتنطر.. ابمكانه
طلعت اسماء اوياه ريم اتوصله للباب.... اسماء اجتي اتلقح غدير لقاحه للشهر الثالث...
-جاي انتعبچ كل مره... بس شسوي شاهين ما يرضه اطلعه ايخاف عليه..
-ويخاف عليج همين..يريم.
وبهاي اللحضه گمز صيهود على ريم وحط السچينه على رگبته.. يريد يذبحه... واسماء گمشت ايده ابكل قوته تسحب ايده والسچين بيه والدم سال على ايد اسماء وصيهود
-وخري عني مالچ شغل لا ترحين وياه بلرجلين وخري تره اتموتين مثله..
-ما اوخر يصيهود انت جبان وغدار مثل اخوك نوماس اكتلني وياه... اطيور ماي احنه ابين اديك اذبحنه واخلص... اخوك اتمتع.. وانت جاي تذبح
-شتقصدين.. نوماس شله شغل ابهاي الناهبه الوسخه
-وخر... اگلك وخر السچين عن رگبته ذبحته ماتشوف
الدم يسيل يااعمه
-اني مو اعمه هي العماه العشگ ونهبت ويه المهندس
والله العالم شلون عايشه وياه.... ابلحلال لو بلحرام...
-صيهود انت چاي علمود روحك ...لايهمك شرف ولايهمك اشلون عايشه..
-روحي اشبيه روحي شنهي راح اموت اذا ما خذته
لاوالله ماتهمني اي وحده... بس هذا شي هي حطتني بيه وما راح تنسه العشاير..فضيحة صيهود.
-ان چانك عاقل وحكيم هيچ هدهه وافهم قصته وحاسبه گدام اهله واخوك الشيخ سلمان... هو مو اخوك شيخ صدگ... لو انتم اشيوخ اكلاوات..
-ولچ انتي شنو وتحاچيني هيچ تره راح اهده واذبحچ الچ.... وهد صيهود وگمش اسماء وحط السچينه على رگبته....
-لا يخوي لا يصيهود عيفه واني اچي وياك وين ما تريد حتى لو تربطني بلهوره مثل اخوك نوماس
-،انتي شتكولين شنو هذا الحچي التحچنه انتي اوهاي العرمه الماتخاف..
-هدني ...وعيف ريم... واسمع الصدگ وبعدين شوف المن تكتل..
-لا ما اسمع اهنا اي شي... تمشي تركب ذيچ السياره
ونروح الهور وهناك تگول الي تگوله.
-اروح وياكم.. لن ...ما امن بيك انتم طبعكم الغدر
-انتي امين طلعتيلي اكلچ ..اهلچ.. مايردوچ لاتخليني
اکتلچ واصير مجرم...
-ياه هو انت لسه ما صرت مجرم انت واخوك وکلكم مجرمين ابحق ريم چي ما عده لا ابو ولا اخو يدافع عنه... بس اكو شرطه وحكومه توگف ابوجهكم..
-اگلچ محد جابرهه بس هي قبلت ولو رافضتني من البدايه چا گلشي ما صار...
-اگلك صيهود اني هواي اسمعت خوش حجي عليك من ريم... لا اتغير صورة الازلمه الشهم والشجاع الي يخاف منه كل واحد مو زين بلهور ويشرد، منه..
-انتي امين طلعتيلي كلامچ دار عقلي...
-زين يصيهود. اني وريم انروح وياك الهور.. بس خليه اتفوت اتچيب اوراق مهمه تثبتلك الحجي مالته صدگ لو چذب وبلدرب انسولفلك كل القصه..
-واذا انهزمت
-اني ابين اديك اذبحني امكانه..
-اذبحچ...ابياسبب تردين ربي يحاسبني ابدمچ هي اذبحه حتى اغسل العار الجابته النه
-واذا چنت غلطان وذبحته ظلم.. الله ما يحاسبك
-اذا ظلم يحاسبني..
-زين هي رايده ترجع وتكشف كلشي كدام اهله
والناس شنهو رايك وكتلك راح اتسولفلك كل الي صار بلدرب
-زين مايخالف يله اتروحين يريم ابسرعه اتجيبين الاوراق واذا توخرتي تره اذبحه وافوتلج للبيت
-لا يصيهود والله ما اتاخر
-يله گبل ما يچي المهندس من الشغل وخاف اكتله
هو همين....
-اي رايحه ابسرعه وركضت ريم الى الداخل واحضرت العقد وورقة الطلاق.. واخبرت ام ليلى ان تعتني بغدير... وان تخبر شاهين ان يچي وراه للهور
ولا يبلغ الشرطه....

😈. 🙆 😈. 🙍 😈. 🙆 😈. 🙎 😈. 🙎 😈