بعت النذل واشتريتك ،،،للكاتبه ام رحيل ...ع م

💕بعت النذل واشتريتك بارت 17

للكاتبه ام رحيل ...ع م
- شاهين ها انروح هسه صار العصر والمدارس حلت من زمان ...وقميصي لزگ عليه من العرگ وبوخة الگصب والهور.
- لعد شنو اتريد ساميه تغسله الك
-اي شكو بيه مو احنه اضيوف عليهم..
-اويلي عليك سمير شبيك متصرگع على شوفته اليشوفك ويسمعك ايگول هذا حب من اول نظره
-يو... شاهين احنه مو جايين نعرف اخبار ريم وهاي
مو نفس اسم البنيه صاحبة ريم..... واكيد هي هاي لأن تعرف ريم... شفته شلون ذکيه گالت اذا اتسئلون على ريم بيتنه خامس بيت واذا مو عليه بيت الشيخ
سلمان ذاك العالي.. شفت اشلون ذكيه..
-اني اعترفلك هي ذكيه وعرفت اتوجهنه للمكان النسئل بي عن ريم... يله انروح البيت ام ساميه
-يله يشاهين دوختني وياك شكد صعب تقتنع
-لا مو صعب بس ما انريد احد ايحس بينه من اروح البيت ساميه لان روحتنه الهه غريبه وخاف احد يراقبنه...
-لا انشاله ماكو احد يله يشاهين..
دق.. دق.... دق...
-منو
-المهندس شاهين والدكتور سمير
-اهلا تفضل يمهندس شاهين
-ها اخت ساميه بس شاهين يتفضل
-لا العفو دكتور وانت همات اتفضل
يمه. ...يمه...
-هله خاله اتفظلوا هله بيكم هله ومرحبه بيكم..
-وبيج اكثر خاله...
وجلس سمير وشاهين في بيت ساميه وام ساميه....
وقصت ساميه جميع ماتعرفه من حچاية ريم وخطبتها لنوماس.. وتفاجئها من زواجه لماجده ابدال ريم الي اختفت قبل عرسها لاسباب مانعرفه
-بس انتم اتعرفون ريم شنو اخباره .....
-لا.. لا. ما نعرفه بس احنه قبل فتره چنت اشتغل بلهور ولگينا بقايه من ابنيه ميته بل الهور البعيد
مربوطه على گصب البردي.. وبلغنه عنها الشرطه واخذته الشرطه ودفنت.. ما تبقى منه وماعرفو اسمه .... ..
ولمن سئلتي عن ريم توقعنا ان تكون هي نفس البنيه الي لگيناه من اشهور وصار عدنه فضول نعرف قصته...
-ااهاااا.. ااهاااااوزاد بكاء ساميه وامه.. وضل شاهين وسمير حايرين ما يعرفون شيگولن ....وما گدر سمير يتحمل اكثر وصاح...
-لاتبچين ساميه ريم كلشي ما بيه...
-شلون چا هذا الحچي السولفه المهندس شنو چذب..
شايفينه اثنين نسوان....... وانتو اتچذبون علينه
-لا ساميه هذا الحچي الي حچاه شاهين كله صدگ
بس شي واحد مو صحيح انو ريم گدر شاهين ينقذه
اباخر لحضه وچانت هي والموت على شعره...
-شوفي. اخت ساميه صحيح ريم عدله مثل ما گال سمير بس احنه ما انريد احد يدري وراح انسولفلچ سالفة ريم كله حتى اتسولفيه الام ريم لان احنه ما نگدر نوصل اله ابدون ما نوماس لو صيهود ايشكون بلسالفه... وسولف شاهين سالفة ريم كله من ساعة ما
طلعت ويه نوماس وامه وملچته الى ان اخذه وربطه
بلبرديه للعجبان ووحوش الهور ابذاك البرد والليل بين حيه وبين ميته...
-او هسه هي شلونه زينه
اي زينه وبامان وما انريد احد غير امه يدري منا لمن نكشف السالفه.. ونشوف شلون نوماس ما يخلف وشلون ريمه حامل...
-شلون نوماس ما يخلف. منو گال هيج
-التحاليل الي سواه نوماس اتگول هيچ. ليش اتسئلين يساميه هذا شي ايصير مو غريب
-ها بس اني اعرف غير شي
-شتعرفين گولي ساميه
-اي يدكتور سمير انت تعرف البنيه الما تجيه.... اممممم.... اممم
-اشبيچ ساميه انتي ابنيه مثقفه مو اتگولين عقلچ مو مثل عقول اهل الهور.. بعد عليمن المستحه
يابه عود انتي شتردين اتصيرن اذانجحتي من السادس
-هاااا.. اريد كلية قانون.. دكتور سمير
-اي..يعني محاميه.. والمحاميه بيده ارواح ناس لازم ما تستحي... وقضية ريم صديقتچ اول قضيه الچ تختبرين بيه نفسچ اتگدرين على المحاماه لو لا..
-صحيح كلامك دكتور سمير.. زين اسمع دكتور وهذا
الي اگوله يجوز انته تعرف بيه اكثر مني لنك دكتور
احنه بلمدرسه اسرارنه ابيناتنه وحده اتسولف الصديقته كل مشاكله وكل اسراره... وبيوم اجتي ماجده للمدرسه او چانت حزنانه ومقهوره وبس حاچيته وسئلته اشبيج ماجده... گامت تبچي وبحرگه.. وبعد ما هديته سولفتلي انو هي ما تجيه
الانسه مثل البنات.. تعرف شنو الانسه دكتور
-لا ما اعرف.. الانسه
-مودرسة الاسلاميه ااااا. امممم........ اااا اتسمي الدوره الشهريه. (الانسه)...گالت الكلمه او وجه صار احمر من الخجل...
-هههههه هههههه ...اخذ سمير يضحك بقوه وهو ينضر الى ساميه وحمرة الخجل تترس وجهها الابيض الجميل باعجاب وحب كبير...
-اشششش سمير خليه تحچي
-تفضلو الچاي يمه...
-شكرا خاله تعبناچ ويانه...
-لا يدكتور شسونالكم هو چاي...
-ها ساميه شبيچ يمه شو حمره خير خو ما. ريم بيه شي... كلولچ شي..
-لا خاله ماكو شي بس ساميه شويه تستحي تعاي اگعدي خاله...
-اي گعدت يخاله.. يمه ساميه احچي التعرفينه ابدون
مستحه حتى اتساعدينه... ريمه مكروده ويتيمه. .....
-،ها... اي.. يمه.. گالتلي ماجده ان الدوره ماتچيه الا كل سنه مره وتختفي من عمره اهدعش سنه. واليوم عمره اثمنطعش سنه وراحت للدكتوره وگالت اله انتي ما تخلفين اطفال رحمچ زغير.. ومن انخطبت گلنه ابن عمه ويحبه ويريد يستره ويجوز بعدين يتزوج عليه حتى يخلف...
-ها يعني ماجده هي الما تخلف مو نوماس
-اي غير هيچ يدكتور الا اذا چان نوماس هم يابس مايخلف همين مثل ماجده.
-لا يساميه نوماس ايخلف لن ريم حامل منه بس ليش نوماس يعتقد انو مايخلف مثل ما گال الريم
گبل مايربطه بلبرديه ويعيفه للموت
-غير هو هم حلل مثل ما گال الريم ولگه روحه ما يخلف بس شاهين مو اتشوفه مصادفه غريبه نوماس او ماجده ما يخلفون... اثنينهم
-لا اني متاكد نوماس يخلف لن ريم حامل وهي صادگه انو هي ما مسويه شي غلط.اني مصدگه سمير...
-احححححح شاهين
-اشبيك سمير لا احححح ولا شي غير احنه امصدگين بيه.. لعد اشعدنه چايين. .. بس اكو سر
ولازم انعرفه...
-اكو؛... شي بس خاف اتضحكون عليه وتگولون فلم هندي
-لا ساميه گولي حتى لو فلم هندي
-دكتور انت من هسه ما مصدگ وتتهزه
-لا لا ساميه صدگي يعجبني اعرف افكارچ
-زين يدكتور سمير اسمع... افكاري اتگول نوماس اتقشمر عليه ابسالفة التحليل.. وخروا تحليله وحطو بداله تحليل واحد عاگر مايخلف...
-هاااااااا
-اي ااااا
-ها شبيكم عجبكم الفلم الهندي لو لا
-تصفيق شاهين تصفيق
👏👏👏👏👏👏👏👍👍👍👍👍👍👋
-صدگ عجبتكم الفكره لو تتهزون عليه
-لا احنه شلون ما فكرنه هيج... ماكو. غير هذا الحل
ومنو يبدل التحليل غير مرته ماجده وبسهوله
-بس سمير امين جابو تحليل واحد عاگر وبنفس وقت تحليل نوماس..
-اني اكمللكم الفلم الهندي
-كملي ساميه راح اتصيرين محاميه ناجحه..
-شكرا دكتور.. اسمع.... ابن عمته الماجده متزوج من عشر سنين وماخلف ويگولون الصوچ من مرته مريم
وبعدين طلگ مريم واخذ وحده اسمه خيريه ارمله وعده جهال اثنين ازغار..
-اي ساميه وهاي ابيش ايفيدنه الحچي.
-اسمعني للاخير يمهندس..
-زين كملي
-مريم مرته الجاسم اتطلگت واتزوجت منو...
-منو ساميه الفلم الهندي صار مشوق
-شكرا دكتور على تشجيعك الي... مريم من خلصت العده اتزوجت خالد اخو ماجده...
-اي ااااا اي ااااابله كملي صار التشويق اكثر
-اشو بس دكتور سمير ايشجعني وانت يمهندس شو ساكت وصافن..
-لا ساميه اني ادير حچيج افكري واصفن اله بس سمير
مهرج وجاي ايشوف صوره گدامه عاجبته
-،شنو گصدك يمهندس..
-لالا لااديرين بال كملي.. كملي
-زين والمفاجئه الازود هي... مريم حامل وهذا شهره الثالث..
-هبا.. هبا... هبا... قمبله... ساميه ذبيتي قمبله
-اي هيج شجعني يمهندس شاهين
-مو بس انشجعچ لا ننطيج شهادة محماة فخريه
-چا شنهي فخريه.. هذا شهاده لو اسم.. ابنيه
-لا ساميه هاي شهاده ينطوه للعباقره ابدون ما يدرسون..
-اشكرك دكتور الله يخليك..
-وهسه كملت شغلة التحليل شلون اجه...
-،وهسه شنسوي شاهين
-ساميه ما انريد هذه الحچي يبين وحتى ام ريم لازم ما تگول لاحد حتى البناته لان بي خطر على حياة ريم
-واشوکت اتكول يمهندس شاهين..
-ساميه... ريم حامل وعليه هسه ست اشهر وبعدله اثلث تشهر وتجيب حتى الطلاگ ايصير نهائي ومايكدر نوماس ايرجعه وتصير حرة نفسه وهي التختار حياته ويامن تكمله. وبعد ما اتجيب ريم
ذيچ الساعه نفصح نوماس وكلمن ساعده....

💕💕💕💕💕💕💕💕💕💕💕💕💕💕