بعت النذل واشتريتك ،،،للكاتبه ام رحيل ...ع م

💔بعت النذل واشتريتك بارت 12

للكاتبه ام رحيل ...ع م

-ها ينوماس اشگالك ابو التحليل اسمعه يگلك خلها
تراجع طبيبه... ها گلك اني حامل.. موش صحيح
-امشي يريمه. ابسرعه لن اليوم بلليل راح نرد للهور
بعد ماگو سبب نبقه اهنا..
-صدگ ينوماس.. واشوف امي وخواتي يمه اشكبرهه
فرحتي اليوم اشوفچ ييمه وابوس اديج ورجليچ واستسمحچ.... يافرحه ما لامتني ابودي اهلهل ابنص الشارع...
-امشي يريمه وستري وچهچ لا توگعين البوشي
مثل ما وگعتي برگع المستحه
-يع.. ينوماس انت شتگول.. شني هذه الحچي.. اني
ماعندي مستحه..خلف الله عليك..
-وصلنه فوتي للبيت لمي اهدومچ رايح اخلص شغل
واجي اخذچ وره العشه انرد للهور
-حاضر ينوماس ميخالف راح افوتلك هذا الحچي منا لمن اعرف اشبيك وشصارلك...
-ها يريمه اشبيچ شو وچهج مكدر ليش طلعتي موش حبله...
-لا يحچيه حبله بس احس نوماس مو فرحان ابهذه
الفرخ وچنه ما يريده
-لا ييمه بس خاف عنده مشاكل ويه اهله.. والزلمه
يفرغ قهره ابمرته وهي لازم تتحمل...
-بس يحچيه امره غريب اليوم وياي ساعه هادي وساكت وساعه يهين ويغلط... وساعه يگلي راح نرجع للهور ويفرحني لن راح اشوف امي وخواتي وديرتي..
-صدگ يريم راح ترجعين للهور بس ام نوماس گالت ما تردين الا هي تگول وهيه لسه ما گالتلي...
-ما ادري يحچيه گال تحضري نرجع ابنص الليل..
وچيبي غراضچ کله وياچ لا تعيفين شي وراچ
-هو گالچ هچي زين ليش ترحين ابنص الليل اذا هو ماخذچ لهلچ......ترحين... او تردين لو تضلين اهناك
على طول...
-لا گال على طول نبگه وما نرجع بعد
-شوفي يريمه يخاله ورقة الزواج عندچ
-اي عندي ظامته
-روحي جيبيها گبل ما يجي نوماس.......السالفه بيه سر يريم..
-زين يخاله رايحه......... هاي الورقه
- يريم شوفي هاي الطابوگه الخضره.
-اي يحجيه شايفته...
- راح اشلعه والف العقد ابنايلون واحطه بهذه الجزدان واحطه تحت هاي الطابوگه وابنيه بلجص وشوگت ما ردتيه تعاي ...اخذيه
خاف ماتلگيني لو اموت تشلعين الطابوگه وتلگيه ولا تگلين لاحد عن مكانه حتى لنوماس لان بيه بياض
وجهچ وبياض وجه الطفل الي ابطنچ...
-ليش يحجيه شو خوفتيني...
-لا يريم يكول المثل حرص من صاحبك ولا تخونه
وهذا حرص ما تعرفين شيصير واذا گلچ چبتيه
گليله چبته ويمكن من شدهتي وگعت مني... فهمتي يريم
-فهمت يحجيه...
-صيري سبعه انتي صحيح بت هور بس متعلمه وتعرفين ادافعين عن روحچ
-ههههه يحجيه چنج ما تعرفين نوماس شگد يحبني
ويفديني ابروحه شلون وهسه احنه اثنين وابنه ابطني....
دق.... دق..... دق.....
-اي.... اي..... چايه... ها خاله نوماس اچيت. چا شنهو
هذا الخبر السمعته من ريم تردون تردون للهور...
-اي حجيه لشوكت انضل شاردين نرجع وعلى الله..
-زين ييمه يريم امودعه بالله هاچ هذه القران يحميچ
اويحمي ابنچ
-يله ريم مع السلامه حجيه سلمينه على حجي صافي...
-مع السلامه يريم دير بالك عليه ينوماس.
-ادري ريمه نگعت ابگلبچ يحچيه لا تخافين راح اطلعه من گلبي واحطه بعيوني... مع السلامه
-مع السلامه يحجيه اشوفچ بلخير
-مع السلامه يريمه امودعه بالله يبنيتي... الحليوه..
-ههههه. ضحكت ريم وقبلت الحجيه وخرجت مع نوماس في منتصف الليل... اتجهت ويه نوماس الى جهة الهور وركبت المشحوف وبقچة اهدومه وياهه
او نوماس كل ساعه يسئله ....
-البارحه من اجيت شفت رجال طلع والحجيه ودعته
وسدت الباب وراه منهو هذه الرچال يريمه گولي الصدگ
-هاااا هاااا.
-گولي يريمه تره حياتچ ابهاي الساعه على شعره گولي الصدگ...
-ينوماس والله موش بيدي الحجيه هي الي اجبرتني
واهي صاحته واني چنت ما ادري ابروحي مغمي علي..
-بسچ يريمه.... بسچ امنت بيچ وعفت اهلي واخذتچ
من اخوي بليلة عرسه وخليته مثل المجنون يدور بل الولايات عليچ..... اخخخخ. يوسفه عليك نوماس ما يلام حمادي من يگلي نوماس النذل.
-والله موش بيدي ينوماس حتى من فات للغرفه غطيت گل روحي بلعبايه والحجيه گالت لا تغطين روحچ هذا موش عيب... ولا حرام..
-والفرخ الي ابطنچ منه..
-يع ينوماس شنو هذه الحچي.... دخيلك ربي انت تخبلت....
-اي يريمه تخبلت... من تزوچتج
-ليش ينوماس شمسويه ....نوماس انت وين ماخذني هاي الهوره البعيده کله عجبان وحيايه
حتى الزلم ماتفوتله بلليل... وين تريد بيه ينوماس
فهمني شنهي السالفه....
-اريد اخذ حيفي منچ اريد اموتچ مثل ما موتيني واني عدل... وين الصره.....وين الورقه...وين حاطته... ارد اشگك الورقه الربطتني بيچ... وينه... وينه...
ها ظامته يم العجوز الوسخه الخايسه... خليه اله
وانتي اهنا موتچ ابهاي البرديه لايوصلله ان ولا ودان
وتموتين من البرد والجوع والعطش... لو.... لو.. تاکلچ
عجبان... وسباع الهور... واني.. من عفتچ رحت الشيخ اكريم او. طلگتج ماريدچ اتموتين وانتي على
ذمتي روحي اخذي عارج وامشي..
وگف نوماس ابنص برديه داچه بلگصب وسحل التفگه من المشحوف وجر ريمه الى نص البرديه
-نوماس اشبيك وين اتريد بيه گلي شسويت لاتكتلني والله ما مسويه ذنب اني بت عمك ينوماس
نوماس.... اخخ... نوماس اخخخخ الكصب ملخ رجليه ينوماس
-اسكتي... ولچ اسكتي اكلچ اسکتي.... واخذ نوماس يربط ريمه على حزمه من گصب البردي بحبل من الليف ويسحبه بقوه... اخخخخ. ينوماس اخخ ينوماس والله ما مسويه شي اخخ والله الحچيه
هي الصاحت الطبيب لمن ماعت روحي واني مارضيت وگلتله نوماس يگتلني اذا عرف... اخخ...
نوماس الحبل خنگني.... رچليه ينوماس الگصب فات ابرجلي ينوماس اني شمسويه دگلي گبل ماتكتلني
ينوماس... اخخخ.... ييمه... اخخخ الحگيلي ييمه
-انت تردين تعرفين ليش.... لنچ فاچره او. وصخه
انتي وهاي الحجيه.... گليلي الفرخ منو ابوه... حچي صافي لو هذا الرجال الطلع منكم بلليل...
-والله ينوماس انت ابوه چا اشسامع... اشايف مني
ينوماس... والله ابنك ينوماس.. اخخخ....يبويه..... اخخخ... الحگلي.... يبويه
-ابوچ چان گتلچ گدام الناس كلهه وغسل عارچ
يخاطيه... الولد موش ابني... تدرين ليش لن ربچ يريد يفضحچ لن اني گالي الحكيم.... گالي.؛... اني ما اخلف يابس... عاگر... مااخلف طول عمري ....
-چا اني حبله امنين ينوماس ومحد غيرك يبن عمي
لمسني... اذا انت ما تخلف چا هذا الفرخ امنين .....
يبو... عليچ يريمه.... اصخام وچهج يريمه..... اخخخ الوجع گتلني ينوماس..... ينوماس.... لاتعيفني...
-راح اعيفچ للوحوش تاگلچ وهاچ فگي حلگچ اخذيه
وياچ هاي ورگة طلاگچ انتي موش مرتي بعد اليوم
موتي ما اريد اتلاگه وياچ يوم القيامه رچال ومرته
اني طلگتچ.... يخاطيه....
-اممممم.......امممممم... وترگها نوماس مربطه بلاحبال والدم يجري من ايده ورجله والگصب چنه سچاچين اتشكك اهدومه وتوصل للحم.... والدم يجري وصبغ لون ثوبه الابيض... لبسته عباله رايحه عروس البيت اهله... اثاريه چفن لف جسمه.. للموت... بچت ...ونت ونين المذبوح... من الوريد للوريد
اشتهت شوفة.... امه..... واخواته... صارن گدام عينه وغابت ريمه عن الدنيا وبعد ما تدري بلوگت....
ونوماس حرك المشحوف بعيد عن ريمه عايفه نص حيه اونص ميته... وملامح وچه نوماس خلت من
كل رحمه..... رد للهور... ابحظن ماجده... واتوالم الخبيث ويه الخبيثه..
...ضلت ريمه والليل والبرد ابذيچ الهوره المگطوعه عن طريق البلامه من اهل الاهوار البعيده والجريبه لنه
خطره ومكان حرب وقنابل ورصاص يثور بين گل دقيقه، ودقيقه... واليوصله لو يموت.. لو يموت ماكو حل ثاني....
ضلت ريمه فاقده الوعي وغايبه عن الدنيا ماتدري
شگد من الوگت مر عليه... وهناك من بعيد مشحوف يمشي بلهور يقترب الجهة ريمه وسط ظلام الليل بي ثلاث زلم
******* ********

-يمهندس شاهين تره احنه غمچنه بلغريچ وهاي الاهوار خطره وحدودنا الهنا... مانگدر نروح ابعد
يمهندس هاي الهوره بعيده عن مشاريع الري الي انت
تخطط خرايطهاوتمسح ارض الهور علموده... خلينا نرجع لا تجينا رشگة رصاص تچتلنه بلمكان لو صاروخ يشيلنه احنه والمشحوف... اني وعبد بلامه
فقره وعدنه اعيال انريد انردله يمهندس شاهين..
-اي يبو عبد ادري حقك تخاف على روحك وعلى ابنك عبد.. بس يبو عبد صدگني لمحت من بعيد لمضه وي ضوه الگمر كل ما يهب الهوه اشوف لمضه
-چا يمهندس خاف اچنود العدو متسللين علينه وخاتلين بلگصب وحنه ماعدنه غير اتفگة طير لاتهش
ولا تنش. وچتلنه عدهم ايصير اسهل من الحذاف والخضيري.
-يعبد شچاك انت ابن الهور وتخاف احنه مو مسلحين
ولا جنود ما ضن يتعرضولنا حتى لو هم جنود اعداء
-اي... اي.. يمهندس شاهين صدگ شفته المضه چنه
اشاره تروح.. تروح. وترد من ذيچ الجهه..
-لوف... لوف المشحوف يعبد. بسرعه.... هناك... هناك. يعبد
-اي... اي.. يمهندس الله يستره ويانه چن اشوف روحنه راح نتشرشح بلهور يمهندس
-الله كريم يبو عبد خلي گلبك گوي... يمك. يمك يعبد
وگف المشحوف.. اي... اي.. ها... اها
-يالله دخلك... يالله دخلك.. هنا يمهندس اعبر... اعبر
اهنا ابنص هاي البرديه... تعال شوف....
-ها. يعبد شكو
-ولك عبد بويه شلگيت ابنص البرديه
-بويه تعال وشوف انت والمهندس ابسرعه
مهندس شاهين شوف يمكنه مچتوله... شوف الوميض من هذا الصندوگ عليه امرايات ازغيره هي التنطي ضوه من بعيد...
-تعال يبوعبد... تعال هاي لسه عدله بيه نفس... بس هذا شنو الي بحلگه... لحضه... عبد فك الحبل بين ماشوف شنو هذا.... هذي ورقه...
-ورقه.. ورقتيش يمهندس شاهين
-طلعته. هاي ورقة طلاگ.. هاك عبد حطه بلصندوگ
وجيبه يله شيل وياي لازم ناخذه للمستشفى ابسرعه
الظاهر ذبت دم اهواي من اجروحه...
وحمل المهندس شاهين والبلام عبد وابو عبد ريم الى داخل المشحوف بعد ان قام المهندس برش الماي على
وجه ريم ووضع القليل من الماي ابحلگه...
-يمهندس شاهين انصحك اذا ما تريد تتورط اتخليني اسوي شي گبل ما نمشي لن هاي البت اهله
رايدين موتته وخليهم اذا اچو الهذا المچان يضنون اوحوش الهور اكلته...
-شلون.. شسوي يبو عبد..
-الاول هذا الصندوگ يبقه اهنا امچانه وهاي الهدوم
وهذا الحبل نشده برخاوه على البرديه.. ناخذ القران
والورقه. وهاي شنهو ويه الهدوم. انه ابوك يعبد
چن اسم البنت موش غريب عليه... ريم ال رداد وي... وي...... ولك يعبد چبلي طيرتين ماي من المشحوف
ابسرعه انريد نمشي..
-،اي.. اي... هاك يبوي
-،ها يبو عبد شسوي مو وگت ذبح وصلخ طير... البت
حالته خطره..
-ادري. وال اسويه راح يزيل عنه الخطر
-ول ول ابوعبد شكيت اذيال ثوبه واخذت شاله عيب ونته رجال چبير اشبقيت الي ولبنك عبد
-وخر....وخر يمهندس وخر بعدين اگلك
-اني عرفت الي تقصده يبو عبد فهمت. اي. اي. توني فهمت.. تريد اهله يعتقدون اكلته وحوش الهور..
!!!!! !!!
ولف ابو عبد الشال على الگصب والحبل وگطع لحم الطير وملطخ الشال وقطعة الثوب بلدم وسيس الريش بماي الهور... يله يمهندس ابسرعه وين تريد ناخذه.
-للمستشفه طبعا...
-لا، لا المستشفه شرطه وبلوه اله والنه... وبيتنه ما نگدر .....بي نسوان احلوگهن ما تنسد ...
-اه... اه...
-چنه صحت يبو عبد
-اي... اي.. حالته زينه اني شفته اجروحه طفيفه
ماكو غير المچان الي تعيش بيه يمهندس امن اله
من كل مجان
-بس يبو عبد ما يصير
-ابكيفك يمهندس چا نعيفه اهنا هي ونصيبه هاي وراه چتل واهله رايدين موته
-يله ابسرعه... ابسرعه يبو عبد..
-حاضر يمهندس
شگ المشحوف الماي الى خارج الهور بتجاه البر وهناك حطو ريم السيارة المهندس الواگفه على البر الثاني وحركت السياره وريم وابو عبد في داخلها
اما عبد فقد عاد الى البيت ليطمن النسوان ويگول عده شغل ويه المهندس....