كانت من القانتين

مشاكسـة

#كانت_من_القانتين

بقلمي السيدة العلوية

الجزء 4

هاي .. اني قبوسه .. رجعتلكم .. معليكم بهاي العقد روح .. عايشة بافكار من زمن جدي .. اليكول من زمن البابلين قديمة وماتدري التطور وين والناس وين وهاي خابصتني بالدراسة وامشي عدل ولاتضحكين ولاتسولفين ولاتروحين ولاتجين .. اي اضل عقد واصير مثلج خبلة اسمع كلام ماما وبابا ....... اي عمي نسمعهم فوديتهم بس غير هم نتدلل واحنه البنات لعد هم شعدهم غيرنا .. وشوكت اتمتع بوقتي والعب واتمكيج واسولف .. من يصير عمري 70 والله بطرانه ......

الام: جنت مشغولة احضر الاكل مال الغدة وعايفة الطباخ مشتغل وملتهية اثرم بالفاصوليا الخضرة ابو امير يحبها حيل .. واشوف البنات دخلن اليكول معركة وصايرة اني اعرف وجوههم من تنعقج {تكون عابسة الوجه}

قبس: دخلت ادردم .. بعد اذا اطلع وياج للمدرسة اتسمى مخبلة وامشي لغرفتي وشمرت الجنطة على سريري

الام : يمة قبس شبيج ترعدين

روح : لايضل بالج يمة ماكو شي .. هسة اجي اساعدج .. بس ابدل واصلي واجيج بطوطة

الام بضحكة ووجه فرحان : هههههه ولج يابطة كولي يالله ..

روح : احلى بطة وحقه ابو امير يرجعلج من الصبح ..رحت للغرفـة افتحها وماتنفتح .. ادك بالباب

قبس : روح جاي ابدل ..

روح : واني هم اريد ابدل ملابسي خلصي بسرعة عاد

قبس : الواحد مايخلص منج .. جنج الفك المفترس ست شيماء

روح وهي تكتم ضحكتها : اي خلصتي تصنيف يلة عاد ..

قبس وهي تفتح الغرفة وتمد لسانها مثل الاطفال لروح : امشي اشبعي بالغرفة خلي اروح املي بطني احسن من وكفتي وياج ..

لازم اكمل بسرعة منتضرة معتز يخابرني .. وكفت يم الطباخ اريد اكل لان كلش جوعانه رجعت بس الجبس بمعدتي .. اكول شو ماسألتوني منو معتز !! اي عفية لاتصيرون محققين براسي وتكولون لاحد .. بعدين اكمل واسولفلكم بس خلي اشوف امي شطابخـة