كانت من القانتين

وكان طيبـاً

#كانت_من_القانتين

بقلمي السيدة العلوية

الجزء 16

جان ازعج شي بحياتي نومتي بالمستشفى احس القيود مربطتني ومااعرف شنو جاي يصير وابوية كلما اسأله او احاول احجي وياه يغير الموضوع او مرات يصير عصبي ويكول انتبهي لصحتج محد يفيدج .. مرة من المرات انتضرت ابوية يروح للبيت كالعادة هو يجي يبقى يمي من الصبح لليل .. انتضرت الليل وراودتني فكرة الاتصال: . بس شأكول وشاحجي هو مو المفروض يجي ؟؟ هو مو المفروض اني زوجته !! يعني صدك هنت عليه .. بعدين صفنت كلت شبيج روح هو شوكت عرفج حتى تكونين او ماتكونين بحياته ؟ انتي مجرد وحدة عابرة مرت .. وبديت بدوامة من الاسئلة والاجوبة اني ودماغي اخر شي كلت اكطع هالتسؤلات واتصل ... دكيت مرة .. مرتين محد جاوبني ..

بسام : جنت ماخذ حبوب مهدئة ومنعزل من جو البيت الي كله يسألني ويريد جواب .. عزلت نفسي بغرفتي وحتى امي ماخليتها تدخل لغرفتي ولا تحجي وياي باي موضوع ردت وقت استرد بي صحتي ونفسي من بعد ماعرفت شلون اذيت روح .. المشكلة امي كانما مو هي بالاصل امراءة .. ليش هالقسوة على وحدة مثلها بنت يعني من جنس واحد .. ليش احسها هيج كويـة وماتهتم للمشاعر ولا للاخلاق اليهمها بس مصلحتي ومصلحتها .. ادري امي تطبق مبدأ الغايبة تبرر الوسيلة .. غايتها تسعدني اذن مومهم اي احد بعد ..

جنتم خلي الاضاءة جدا هادئة بالغرفة واحس تلفوني دك .. مرة ومرتين مااهتميت .. بعدين كلت يجوز صاحبي لان ماعندي احد يتصل غيره .. عالمي محدود .. قررت اشيلة

بسام بصوت متعب {وبدون ماينتبه للاسم } : شتريد رعد

روح ببحة صوت وخجل واضح : اني .. مو .. مو رعد

بسام {وكانما عرف صاحبة الصوت المتعب منو }: روح

روح : اي اني روح .. وينك بسام ليش متسألون علية .. اني شنو السويته الك حتى هيج تضربني !!

بسام وكانما تجاهل كل اسئلتها بقلب مجروح : روح شنو الجبرج تقبلين تتزوجين ولد مثلي مريض !!

روح: شبيك مريض لاتفاول على نفسك يمعود .. اني المريضة كسرت رجلي وضلعي والله العالم اطيب لو لا