كانت من القانتين

عفة مسلوبة

#كانت_من_القانتين

بقلمي السيدة العلوية

الجزء 8

روح .. اسمع اسمع .. او خلي اكول اقرأ يلي راح تشوف سطوري وكلماتي .. شنو اصعب من الفراق .. واي فراق .. من تفارق روحك وعزيزك ودمك اليجري بجسمك ... لاتلموني والله ماجان على بالي الي صار .. ياألهي اني صدك بعت اختي !! اني صدك مالحكتها .. اني اني .. عمت عيني وياعين الج ياروح ..

اني عاهدت روحي على الحق .. وشبيدي الي سويته هو الحق !! ردت انقذها بس !!

{لاحظو انه الاحداث متقدمة وان روح سوف تذكرلكم الاحداث بالذروة وبعدها تعيد الذكريات كي تفهمو ماحصل معها }

روح : وين جنتي قبس ؟؟ ليش ماشفتج اليوم بالمدرسـة .. شبيج شو مخربطة احوالج

قبس بصوت مبحوح : مابية شي بس راسي يوجعني

روح : ليش مااجيتيني للصف ..

قبس: مو .. مو .. امشي خلي نرجع للبيت تعبانه حيل

سهى : قبوسة شبيج عيوني

قبس وهي تلوذ بروح : عفية روح خلي نمشي لوحدنا ماريد سهى تمشي ويانه

روح : {هنا احد وضربني على راسي وبدأت مخاوفي .. شكل اختي مختلف !! واول مرة هاي العنيدة الماتخاف تزعل وتريد العزلـة ليش ,}اي عمري حاضر هسة راح نمشي ..

صح ايدي بأيد اختي .. بس الروحين مو سويـة .. احس جاي اركض وراى سراب ومدينة بقت بس اطلالهـا .. اريد امشي واندل اريد اشوف اختي .. بس الغريب ماجاي المحها .. جاي المح وحدة خايفة ومستحية .. بقت الكلمات تصرخ بداخلي وتكول .. خيتي حاجيني .. سولفيلي .. لاتعوفيني بافكاري .. افكاري سودة وبديت احس فقدتج .. بس ليش هالاحساس قوي ..لا لا .. لاترفين ياعيوني .. لاتدك ياقلبي .. اسكت دخيلك لاتكولها .. اكيد اختي مريضة .. تعبانه .. شنو معقوله محد يتمرض .. .. اخاف اصرخ .. شبيج روح .. اصبري .. اكيد اكيد انتي غلطانه .. زين اذا غلطانه .. وينها اختي ؟؟ وين كلامها وين روحها .. لسانها الجان يلذعني بكلماته ومزاحة .. هم عود مريضة .. لو مريضي مات !! تعاركت ويامن ؟؟ ليش ملابسها مو طبيعية ؟؟ ليش احس احد لازمها .. هالاحساس قوي عندي ..الملابس مرتبة بس احس والله جاي احس احد غريب لزم ملابس اختي وشافها ..