كانت من القانتين

لذة بمعصية

طبعـا اعتذر على الغياب .. عدة اسباب اولهـا المرض وثانيها الدراسـة ... ارجوا المعذرة 

#كانت_من_القانتين

بقلمي السيدة العلوية

الجزء 7

{الاحداث التـي ستذكـر خلال اشهـر وليس يوم واحد }

ثاني يوم الصبـح كعدت على دوامي بالمدرسـة عادي .. ماانتبهت للتلفـون خليته بالجنطة ومشيت عادي اكمل البس ملابسي

روح : قبس حبابة حضريلي لفة وياج

قبس: وانتي ليش ماتسوين لنفسج اني اريد اتريك ماالحك اني

الام : ولج كومي هي صمون وحطي بيها الاكل .. شكد عجوزيـة لخاطر ربج ..

قبس: اهوووو ماما مابية حيل والله

الام: وشعندج جنتي وين اشو بس نايمة مامحصلة منج بس نوم وياريت فالحة بالدراسـة

قبس: اهوووو كل هذا علمود ست روح .. عمي هنيالج خاتونه .. هاي لو اني جان مالكيت احد يدافعلي .. المشكلة اسوي الشيء لكن لازم ادردم ماادري هي تعويد عندي .. لازم اضل اسولف واشمر بالكلام .. كعدت اكل وكملت ووكفت بالباب اصيح على روح لان اول مرة تأخرني .

يلـة كافي تأخرنـا عاد

روح : هاي اول مرة يمعودة ؟

قبس: وشعندج جاي تعدلين لو تلبخين مكياج

روح : لا بس جنت اغسل المواعين حتى لاتتعب ماما ..

قبس: هلو ياب .. اخيرا كمتي تحطين كحل

روح : وينة ؟؟

قبس: وين يعني قابل بعيوني !!

روح :اهووووووووووو غير تكولين حتى امسحة قبل مااطلع ..

قبس: اسكتي قابل هو اني انتبهتلج لو الا هسة .. يلة امشي روحي راح اشتري جبس وارجع

روح : شكد تشترين لخاطر الله ..

قبس: بكيفي !! فلوسي ومصرفي ..

مشيت واني اتمايل واحس طبول تهز بداخلي ولوما العيب اكعد ادندن بصوت عالـي .. اني الك ياابو البنات .. وامشي واحس نضراته تراقبني ومنتبه الف بالمية الي .. واحسه يبتسملي ويغمز بعيونه .. اووووووووف ياعيونه تجنن .. ماخلالي عقل براسي .. عود ردت اصير ثكيلة اثاري .. ولك ولك وكعت والله .. وينج يارفـل .. سويت نفسي اطلع شي من جنطتي واريد الارتباك يروح من عندي ..