كانت من القانتين

لعبة خطرة

طبعا عندي عتب كبير عليكم يامتابعيني الاعزاء .. تفاعلكم جدا يحبط المعنويات .. 

#كانت_من_القانتين

بقلمي السيدة العلوية

الجزء 5

.

قبس: رجعت واني مااعرف شنو الي احسـه .. كل شياطيني دخلت بحرب بداخل جسمي .. شيطان شهوتي وشيطان رغبتي وشيطان الغرور والعجرفـة الي اصلا موجود عندي .. كالعادة مالي علاقة بالبيت ولاامي واصلا نسيت اسأل عنها شلون صارت لحدما دخلت لغرفتي ابدل ملابس المدرسـة

روح : هلو قبوسة شخبارج

قبس: حلوة واخبـل فديتني

روح: من يحمد العروس !!

قبس: اصلا ماكو من عندي ولابجمالي

روح : يلة ياخبلة روحي غسلي الهدوم الي بالغسـالة

قبس: يابا طيري الواحد جاي من المدرسة تعبان وهاي تكول روحي اشتغلي

روح : لج ماما اليوم كلش متخبرطة وسكرها مرتفع ولازم احنه نخلص الشغل بعد بطلي هالاعتماد ..

قبس: اهوووووو صدك نسيت ومنو كاللكم ؟؟ رحتو للدكتور ؟؟

روح : اي بابا اخذنا للمستشفى وشافها الطبيب

قبس: رحت للمطبخ اهمشي الواحد يهتم بروحة وكملت ورحت لغرفة امي جانت نايمة عود من تكعد اطمئن عليها .. كملت الملابس ورحت لغرفتي كالعادة اتصفح المواقع ..

دخلت على الفيس اتصفح .. صفحتي بيها هواي ناس وصورتي كلش مال وحدة دلوعـة مثلي ههههههههه .. دخلت ادردش وية صديق عندي عالفيس جديد .. عادي بالبداية وبعدين هي تصفى ..

الصديق: هلو سوسو شلونج

قبس: هلو شخبارك ليش مختفي صارلك اسبوع

الصديق : جنت مسافر والصبح رجعت

قبس: اي بالخير وين جنت ..

الصديق: رحت لتركيا اجيب بضاعة

قبس: حلووووووووو وشجبتلي وياك اكيد نسيتني

الصديق : هههه واني وين شايفج حتى اجيبلج يمعودة سهلة فتحي كام وخلينا نسولف يجوز اكون جايبلج هدية