كانت من القانتين

ذئب مفترس

#كانت_من_القانتين

بقلمي السيدة العلوية

الجزء 6

{لازلــــــــنا بالذكريـات }

معتـز : صدك ازعجني كلام ورود ورغم هي عزيزة عندي بس انغثيت من الصبح .. اهوووووووو يعني الواحد شايل لحيته والناس مبتلية بيهة .. واذا مااهتم لمستقبلي ؟؟ وليش اكو مستقبل بالعراق .. اشو الوضع خربان والدنيا مكلوبة .. وهاي بطرانه تريد استقر واهتم بروحي .. خلي اكل لكمة واطلع احسن من هالمغثـة .. واني جنت اتريك .. واشوف تلفوني يدك ..

معتز: شكو لخاطر ربك

حيدر{صديق } : شبيك من الصبح تتلاطم ... اكول هاي السيارة الي كلت تعرف صاحبه ويريد يبيعها

معتز: اي والمطلوب

حيدر: احجي عدل لااجي ادفرك على وجهك ابو صماخ .. فوك ماافيدك

معتز: بس اكمل ريوك تعال للمحل ونتفاهم

حيدر: لا اني هسة طالع بشغلة مهمة من ارجع العصر اجيك ..

معتز: لعد اطفـر يلة خليني اتريك عدل ..{ كملت وبدلت ملابسـي .. واخذت مفاتيح المحل .. جانت الساعة 9 الصـبح } ورود اني طالع بالمحل .. من تريدين شي دكي تلفون .. خاف مااسمع ..

روح: جان بيومهـا عندي امتحان وكلش مشغولـة واجتني سهى بسـالفـة خلتني احتار واخاف واقلق كلش على قبـس ..

{الوقـت الحال .. روح وهي بغرفتها والوقت منتصف الليـل }

جنا سويـة ياقبـس .. روحي وردة وذبلهـا فراقج .. ليش ماكلتيلي .. اني مواختـج .. يعني صدكتـي بغيري وعفتيني واخذتي روحي وياج ..والله ياقبس لو ترجعين ونرجـع ..ااااااااااااااااااااه ياوريدي الكطعو منـي .. جنا نسولف هواي ونحجي وين صرنا هسـة ياعمري .. هم تذكريني !! هم تحتاجيني .. هم فكرتي بيـة ؟؟ مشتاقتلج بكثر الاوقات الغريبة البعدتج عني .. مخنوكة صدكيني ..

وبديت اتخيلج وياي .. {روح تتخيل قبـس تكلمها }

روح : مشتاقتلج حيل تعـالـي

قبس: موبيدي ياعمري والله

روح : خليني اجيج لعد

قبس: لااااااااااااا .. ابقي هنا بمكانج .. وسامحيني خاف زعلتج