كانت من القانتين

خائنة

مبدائيا اعتذر عن خطورة الاحداث .. لكن الواقع طغى .. وحاولت تخفيف الكلمات لكن ..

#كانت_من_القانتين

بقلمي السيدة العلوية

الجزء 18

روح : عمو هذا الولد نسى محفظته مال الاوراق يمنا وراح

ابوسمير: اي غير تنتبهين ياعمو

روح : عمو هو استعجل كانما صار شي وطلع فجأة

ابو سمير: لعد لميهن وحطيهن بمكان امين يمج ..

روح : هو هم هيج راح اسوي .. ماكتلي عمو شنو رأيك بالكبة السويته اليوم

ابوسمير: والله ياباتي تذكريني بالمرحومة ام سمير عمايل ايدها جانت تخبل .. هسة اريد هاي بنتي تطبخ مثلها ماكو ..

روح : هههههههه عمو شسمها بنتك وشكبرها

ابوسمير: صف ثاني متوسط

روح : لا عمو ياطبخ هاي مال دراسة وتهتم بيها عود جيبها الي خاف تريد شي اقريها

ابوسمير: اي والله هي حشاج غبية وكلش شالعة قلبي بالدراسة

روح : عمو بأي وكت الله عليك جيبها ,,

{بيت أصف }

واكف واشوف مرتي وحبيبتي والله منطيها اسمي وسمعتي وبغرفتي رجال .. عمركم سمعتوا عن شي ابشع من هذا .. مثل النار الي اول ماتبدي لون اسود الجمر بعده ماملتهب وشوية شوية الجمر يتغير لونه ويصير مثل لون الدم احمر والنار تريد تطلع وتحرك كل شي .. اسمع صوتها وهي تقاطع ابوية وتدافع عن نفسها بس ..

الاب: بابا من طلعت جان كاعدين اني وامك بالمطبخ وبعدين طلعت رحت للدكان اشتريت غراض امك وصتني عليهن ..رجعت جنت جايب {ايس كريم } كلت خطية خلي اصعدهن لريهام تحبها .. وصعدت واسمع صوت زلمة بالغرفة .. ضليت متوهم كلت لعد شوكت رجع أصف من المعاملة وليش ماشفته من فات بالشارع

نوفل: ولج تعالي بس شوية قبل لايجي احد

ريهام : حبيبي اطلع منا خاف احد يجي فجأة .

الاب: فتحت الباب بقوة وركضت على الولد جتفته .. ام رياض ام رياض الحكي جيبي الحبل

نوفل: اليكول مو عجوز شبلاك بسرعة اريد الحك اطفر من البلكونه مال السطح ماكدرت الا وهو كامشي ومرجعني للغرفة .. اريد افلت نفسي من عنده مااكدر واريد هاي الغبية تساعدني ماكو واكفة مصفصفة بمكانها ومرعوبة ..

اني نوفـل جيران بيت ام رياض وكلشي احب البنات واحب اتعرف عليهم ..جنت حاطها هيج تسلية واخذ من عدها فلوس مرات بحجة الحب والغزل ومرات اطفر على بيتهم واخذ منها اللي اريده بسهولة ..اول ماتعرفت عليها جانو طالعين وتوهم راجعين للبيت واني جنت واكف باب بيته ..احس عيونها مو راحة تدور .. جذبتني وغمزتلها ... هي ضلت بس تباوع لحدما دخلو للبيت .. عفتها فترة واني مراقبهم واعرف كلشي عن زوجها .. مرة من المرات جان عندي طيور فوك مربيهن ..كاعد اطير بيهن ..