كانت من القانتين

وبدأت مشواري معك

باقي للقصـة ان شاء الله 3 اجزاء وتكتمل بعون ربي ..

#كانت_من_القانتين

بقلمي السيدة العلوية

الجزء 22

أصف: شايف من تصير بانقسامات بداخلك وتحس روحك هناك وهنا وهنا .. شايف من تكت روحك بجي غريب وتحس روحك تحن بس المن ماتعرف .. شايف من تمل وتريد تستريح وتهود لحظة من الوجع .. هالمخلوق الجديد ماااعرفه ولا اريد اعرفه ولااريد اذكره صفيت بلا اي عقل ولا اي وعي حسرة بداخلي جبيرة ومااعرف احلها ولااعرف أأجلها ومااخلي روحي تحس بيهة .. شمدريني بهذا طبع الناس .. شمدريني هيج !! مجبود ومالي اي واهس بكل شي حياتي صارت شغل والتهي بكثرته واروح للشرب الشي الجديد البديت اتعودله وخايف احبه .. وهذاك يكلي افرح وانسى وليش ماتفرح شبيك .. اني ترى جاي ادور على الفرح والنسيان اني حتى الموت جاي ادور بي بس ماجاي الكاه اني مامتندم على معرفتي بريهام بس متندم على طبعي الغبي .. اروح المنو والمن اكول وهالحنين المن ماجاي اعرف .. صار يومي كلش عادي يمر مثل قبلة وقبلة اعرف هاي واتونس من هاي وانسى هاي وادري بيهن مثل العلقة يريدن يمصن دمي .. كلهن غايتهن وحدة وغرضهن واحد فلوس وونسـة ..

{في المكتبة .. عند روح}

روح : عمو هذا الركن بعدني مامرتبته لاتخلي الاغراض بي

ابوسمير: عمو مو هذا الجهاز لازم نسويلة صيانه تعالي ساعديني خلي نحركة بصف الباب حتى يجي محمود يشوفه

روح : حاضر .. مشيت اساعد ابوسمير وادفع بالجهاز مال الاستنساخ ياربي شكد ثكيلة

ابوسمير: ههههههه مو ثكيلة بس انتي جنج بنتي مابيجن خير بنات هالوكت مومثل نسوان قبل

روح : صارت هيج عمو .. لعد وخر شوية .. وفعلا دفعتها من جهة الباب واشوف فد شي جواها واكع .. نزلت اخذها حسبالي فد ورقة قديمة .. اقلب بيها واشوفها هوية مال دوام .. عمو هاي هوية ماادري مالمن

ابوسمير: شمدريني باباتي اقريها ..

روح : مكتوب ولد اسمة أصف سلوان ... ضليت مركزة بالصورة وبعد شوية بديت اتذكره ياااااااااا هذا الولد الي نسى غراضة يمنا تذكر عمو