روح : اني ماتوقعت هو الفراق والله ماتوقعت ولا دريت ولا ابد ابد خطر على بالي .. جنت عايشة بكهف اي كهف امي حضن امي ريحة امي وحياتي وية امي .. هي الحياة جانت وردية اللون .. روحتي للمدرسة وحياة المدرسة وحلمها وحلمي والضحكات والسوالف .. يعني ماعرفت بيوم شي اسمة الموت .. اسمع بي بس مااقتربت منه هلكد مسافة .. المسافة قربت قربت وحيل اختارت حبيبتي ..
عمي كاعد يم السايق وابوية واني بالخانه الثانية ورى السايق وبحظني امي .. الي حظنها جان ملجأي واماني وامني وايماني .. ركضت بية للملاعيب .. ركضت بية للمحل تشتريلي .. ركضت بية للمدرسة توديني بيوم الجنت صغيرة .. ركضت بيه وهي تباوع ملامحي التشبهها .. ركضت بية للمستشفى للتلقيح وحتى اطيب واصير زينه .. عمري صفـر وهي بحبها بقى يصير الف ونقطة وصارت وصار اسمي .. جنت بيت للحياة .. وهسة هسة اني الي اخذ امي للمستشفى .. هسة امي بحظني !! صدك لو جنت احلم لااااااااااااااااا هو الفراق .. اني المشكلة مااكدر احجي اي كلمة ولااكدر اودع ولااريد اودع لااااااااااااااااا اكيد جاي اتخيل .. شبيج روح يمعودة لاتكبرين السالفة يمعودة هي متخربطة اكيد اكيد .. اي صح
