كانت من القانتين

قال لها وانزعجت !!

القصيدة الاولـى كانما لسان حال {روح مع والدتهـا وقبس}

كانت_من_القانتين

بقلمي السيدة العلوية

الجزء 17

رجعتلكم .. من يوم الرجعت من الزيارة واحس نفسي بديت انسانه جديدة وغير روح القديمة صح بية شي من الماضي وهو اني لكن اكو هواي اشياء جديدة انضافت لشخصيتي وشلون لعد .. اني اختنكت وطلعت روحي وطلعت من الموت .. مو شرط الموت يكون الجسد يتوسد التراب لااااااااااا مرات الروح تموت وتموت ومحد يحس بيهة .. تكبر ويطلع بيهة الشيب والغيض والحزن يكبر بداخلها ويكبرها الف عام ..يمكن الي جان ولازال يشوفني حسبالة بنت ال20 ههههههه كمت وكامو يصيحوني حجية !! قصدهم وقاري وقصدي اعرفه واعرف عيونهم التشوفني وتكول معقول انت بنت ال20 لاااااااااااا اكيد انتي اكبر .. لاو الله ها اني .. بس على الفرح الدنيا حاصرتني وكرهتني بعمري .. هم راحو من حياتي {امي ,,قبس..بسام الي دخل لعالمي بغمضة عين } وبقالي من عدهم بس اطلال .. انغام حزينة تذكرني بكعدتي وية امي وضحكتها بوجهي .. اني يومي صار مقسم بين ذكرياتي وبين التعب الي اتعب نفسي بي بشغل البيت حتى انام واني مهدودة حيل ومااتذكر لان بديت اخاف .اخاف ابجي دموعي كامت تخنكني .. بس من اريد اشتم الهوى ارجع رجوع لايامي وية امي وقبس ..عودليش ماترجع الايام والله ولا اضيع لحظة وياهم .. ولااالتفت لحظة واخلي عيوني تنحرم من شوفتها .. بس جسد هزيل بقيت وضعيف بوجه اي مرض واي تعب كادر يخترقني ويهدني ويموتني .. استسلمت لاوجاعي ..الجزء الغض الطري بحياتي بقت {امي وقبس} جزء ضميته بروحي بمكان سري ماخلي احد يدري بي ..

.. مابقالي من روح غير بس الايمان .. وهو شعندي غير الايمان اهم شي ولازم يكون عندي سلاح وسلاحي دعائـي اضل ادعي بالفرح والفرج يومية مااخلي الحزن يهزمني ويرجعني للبجي .. كافي اخذت حصتي من التعب ولازم انطي روحي حصتها من الصبر

احلى تغير بحياتي صار هو لبسي للعباءة مااعرف احسها درع يحمني ويمسح دموعي من اتعب .. من اشتريتها رجعت مسحت بيها شباك الاضرحة المقدسة وكتلة

ماحجيت اي شي ولاكلت اي شي بزحام الناس واللي يدعون .. بس احس انفتح باب لمخيلتي حتى تطلب .. تخيلت نفسي هناااااااااااااااااك اشوفها وهي تهرول تلم هذا وتريد هذا اي اي هاي هيبة علي اي هناك والمح جيوش من سواد حاوطتها ..وااسمع صوتها يتردد بأذني وهي تكول ..{ان كان يرضيك يارب .. فخذ حتى ترضى } ضليت اغمض عيوني وارجع حتى امنع نفسي من شوفة ألمهـا لان الألم مميت وقاسي .. أسأل شلون الله اكبر شلون من بقت حارس تحرس .. اشوفها جانت جبل بس احس بالجبل مكسور ومجروح قلبه ...