اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#كانت_من_القانتين
بقلمي السيدة العلوية
الجزء 12
الايام تمر مختلفة وكئيبة كلش .. امير حيل حس بالألم لان بعده طفل وفقد امي .. مااكول اني احسن من عنده لا .. اني اتعس والوحدة من تفترسني بالليل مااعرف انطي وجهي وين .. واكثر اوقات ليلي تمر ذكرياتي مثل شريط فلم واعيش وياه .. يجوز ردت اعيش بهالعالم واتخيل انه بعدها امي وقبس موجوديـن بحياتنا .. ابوية .. العزة بس هي الي صالبته ومخليته يوكف كدامنا .. بس جان عاشق وفقد اعز شريكة بحياتة .. مجروح ومتألم وبين دوامتين ..
الاولى لازم يمثل دور الجلاد الصلب الي ماانهـزم وماخسـر .. جنت اشوفه من نكعد يمثل ويضحك ويلعب وية امير .. بس من نروح من عنده يتوضح الدور الثاني الحقيقي .. دور الفاقد المفجوع .. جنت اشوف كميات السكائر الي يخلصها باقل من يوم ..
تمر ايامي روتينه .. بيت كئيب وموحش بين شغل البيت وبين الاهتمام باخوية الصغير .. جان سلوتي من اكمل الشغل واعتكف واروح بحلمي وعالـمي الي بنيته بداخلي وبيوم وليلة كبر هالعالم .. بس الغريب عالمي بي رمز سري ممنوع الدخول اله .. الرمز صعب حيل .. يحتاج شخص ابسط من البساطة حتى يدخل ويشوفه .. عالمي خيالي بدماغي المجروح والباكي .. من بعد شهر من وفاة امي .. قررت اصير قوية .. اي قوية .. قبل اشهر جنت ارض وجانت السنابل المزروعة بية هي قبس .. عمري مااتنازلت ولا ضحيت بشي يخصني الا علمودج ياقبس ..
يشهد علية الدرب الجنت امشي بي قبلج وبعدج حتى احافظ عليج .. يشهد علية دموعي واني مااكدر اكل من الجوع وانطيج .. يشهد علية الدولاب اللي جمع ملابسي وملابسك وجنت افرح من اشوفها عليج .. يشهد عليه الصداع الجان يوجعني بيوم الي رسبتي بي .. يشهد علية كل ركن من بيتنا واني اشتغل بدالج حتى لاتتعبين وحتى لايروح دلالج ..
يشهد علية كلمات سهى الجانت تكول والله اني مامرتاحة من صديقات اختج !! يشهد علية دعائي الج .. وهسة ياقبس شصار !!!!!!!!!!!!!!!
بس كرهتج !! كرهتج وبكثر رعشتي ورجفتي وخوفي .. اني الي عفتيني بنص الدرب وخليتيني بمشوار حياتي امشي وحيدة .. اني روح ياقبس اي اني الروح الماتت .. بس حسبالج تكسريني !! بيمن بغيابج ؟؟ بطريقة موتج !! انتي ماسويتي شي بس خنتي الاخوة ياقبس !! خيانه من حبيتي حرامي وسلمتيه الشرف !! خيانه من كتبتي اخر سطر بالنهاية .. خيانه بيوم اللي خليتيني اشوف دموع ابوية لاول مرة !! كرهتج والف مرة كرهتج ..
