اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
{بارت صغير هدية لكم }
#كانت_من_القانتين
بقلمي السيدة العلوية
الجزء 20
روح : همزين اجة خطية بسام .. ضليت حيل فشلانه من عنده مااعرف شلون اشكـر فضلة علية ..فتح الباب وطلعت همزين ماغربت الدنيا علية واني هنا ..
بسام : الحمدلله على السلامة اي اغير تنتبهين ياروح
روح : والله مااعرف انسد الباب الهوى جان كلش عالي
بسام : ماشاء الله لبستي العباية من شوكت !!
روح : من فترة وراح استمر بيهـة .. مااعرف شلون اشكر معروفك ربي يوفقك وينطيك الصحة
بسام : يلة رايدة شي بعد هم الحك للمحل .. هسة اكيد العامل مسويها هوسة مااوصيج على روحج خيتي
روح : الله وياك والف مرة شكرا الك
اصف : يعني خلصت الاماكن الا بالمحل !! استغفرك ربي واتوب اليك .. هاي بغرفتي والثانية هنا بالمحل .. والله عجبة هذن البنات ماينعرف زينهن من شينهن كلهن مو راحة يعني هو هذا شريكج بالغلط هم معتبرته رجال .. اهوووووووو اصف انته شعليك بيهة عوفها حالها حال ريهام ..
وصلت للمكتبة واشوفها كاعد تعزل بالاغراض .. وترتب بي دخلت للمكتبة وسمعت صوت شجي اخذ روحي لكان بعيد واحس مثل العطر الغريب الي اجتاح انفاسـي وكلمات خلتني بالكوة استجمع روحي واكول
اصف: السلام عليكم
روح : جنت مخبوصة ارجع ارتب بالاغراض والمكتبة ومامنتبهـة.. جنت فاتحة الحاسبة على مقطع لزيارة السيدة زينب واسمع واحد دخل ويسلم .. وعليكم السلام .. نعـم تفضل
أصف: جنت توني اريد احجي
روح : اهااا اهلا اخي .. تفضل خلصت الطباعة مالتك
أصف:نسيت اوراق بلكت تلكيهن يمكم
روح : اي موجودات تفضل اكعد هسة اطلعهن الك .. ومشيت اطلعهن وجنت حاطتهن بيهن بمحفظة بس من الهوسة انخبصت
أصف : ها اختي !! كلتها واني ماعجبتني الكلمة لان جنت بعالـم من سواد ..
روح : بس دقايق انتضر بلا زحمة عليك ولو جاي اثقل عليك
