روح: هالمرة دموعي نزلت وحسيت فعلا بانكساري وبعد جان لازم افتح قلبي اله .. ماسألتني وماردت اصلا تعرف الموضوع .. الي همك اني مطلقة وعلى هذا بنيت وهمك وبديت تجرحني من يوم الخطوبة .. مستعر من عندي جنت وادريك حاير شلون تبرر لامك لو سألتك .. وحسيت بيك متحمل الموضوع بغضب وانزعاج
اصف: وليش قبلتي بكلامي !! ليش مادافعتي عن نفسج
روح : اني ماغلطانه حتى ادافع !! مطلقة هذا شي عادي وواقعي ومابي عيب .. شنو الغلط حتى ابررله .. بعدين اصف
اصف: عيونة
روح : ضليت مبهوته بالكلمة الي سمعتها
اصف: لاتستغربين روح بس انطيني وكت واكيد راح تعرفين الاسباب ..كافي عاااااااااااااااااد شكد تحبن تسولفن النسوان يلة امشي نامي {ردت اي وسيلة حتى اهرب من عيونها وفشلتي } كلشي جنت متوقع اشوفه بذيج الليلة الا الي صـار .. وحسيت شكد اني سطحي وتهمني امور غريبة وابني عليها احكامي .. الصبح كعدنا .. جنت فرحان واني اشوفها تلبس ملابسهـا جنت ادري راح تلبس عباءتها بس سويت نفسي متفاجيء { خوما تلبسين عباية }
روح : اي ليش {كلتها وجسمي يرجف بس لايطلع مايحبها ويريد انزعها }
اصف: اي عفية عليج ..
روح : اييييييييي فززتني يمعودة حسبالي مثل ذول الي يخلون زوجاتهم ينزعن العباية
اصف: اي والله شايف هيج نموذج ..
روح : ماكتلي شكد نبقى !!
اصف: امشي ولج اخرتينا ام المكتبة
روح : هههههههههه اي ..
عاجـزة اوصف هالانسان واسلوبه وياي !! مثل الي تغير بسرعة البرق .. كلامه القاسي والجاف تبدل بحب وحنان ولهفة .. عيونه العصبية بعدها بس عصبيته ابد ماجانت وياي .. جنت مثل الطفل واني اشوف ضحكاته الي ابد ماجنت اتوقعها .. سبحانك ربي يامبدل الاحوال .. هذا الجنت خايفة من عنده الف الحمدلله من ربي هداه الي .. احس عاطفتي تجاه اصف كبرت وكبرت بعيوني وبقلبي وبروحي السوالف اله .. طول فترة سفرنا واني مااعرف مثل الطفل من يدخل مدينه الملاهي اركض ويه الاطفال وافرح بكل مكان نروحلة وانفعالاتي جانت كلها حقيقة وفعلية موثميل .. اول مرة بحياتي اشوف شلال اخذني المنطقة اول مرة اشوف مثلها .. شنو من طبيعة والاشجار والورد وعالم من عالم .. فرحت من سمحلي العب بالمي وضل يضحك من يشوفني اكمز والعب بالامواج مال المي ..
