كانت من القانتين

الفزع يقتلني

#كانت_من_القانتين

بقلمي السيدة العلوية

الجزء 2

من تمشي لعالم شفاف .. وانته تخطي خطواتك . تباوع لرجليك تمشي بس شبيهة روحك متهيبة من الجبل القدسي الي امامك .. وكلما تحس نفسك مقترب وتحس نفسك بعالم القدرة وروضة نفاحة وريح عطر غريب اجاك لفحك من بعيد تحسة يناديك يكولك اقترب اقترب اني جاي اصيحك من بعيد .. اني سمحتلك تجيني .. اني اريد اسمع .. اني اريد اشوفك واسمع نخوتك .. اريد اشوفك واطمئن !! اني الامام الي استشهدت .. اني الي بقت عيني على كل محبيني ليوم القيامـة .. شبيك يالتجيني .. شنو البيك .. من تمشي وتحس العالم يتحرك وانته هم تتحرك بس شبيهة روحك متجمدة وتريد تنقل صور من جمال الشمس وحمرة الافق من يطلع ومن تسطع ومن وكت الغروب يروح ويجدد الاحمرار وكت الذوبان بالساحل ويغرق بالماء ويروح .. ومن تحس تريد توزع نظراتك .. هنا .. هنا .. وجنت رايحة بعالم من خيال ولااروع بعمري ماحسيت بي .. طيب كل وجع وكل ضرب تعرضتله بحياتي ..

ضميري الي تحرر ولساني الصار طاهـر من يوم بديت انطق بأسمك واندبك .. ياضوة عيون زينب .. اني كل يوم اكول ياليتني كنت معك ياحبيبي .. وادري شيوصلني لمقام جون حتى افديك بدمي !! .. بيش تأمرني .. بيش ! احس اريد اوفيك بس ماجاي اعرف .. تدري اجيت اشتكليلك بس مو وكتها ياسيدي ..خليني اشبع من زيارتكم .. لوتدري شكد جنت محرومة ..

كل هالكلمات واحنه بين الحرمين .. ومااحس الا واحنه باب الامام الحسين ولازم نفترق اني ووالدي ..

الاب: بابا شوفي هنا راح ندخل اني واخوج من هذا الباب وشكد تحبين تبقين ؟؟

روح : بكيفك بابا ..

الاب: فد ساعة ونتلاكة هنا يم هذا الباب

روح : عفية باب موتتأخر اخاف اتيـه

الاب: لاتروحين منا ومنا وانتبهي للباب ..

روح : دخلت للتفتيش مال النساء .. وبقيت انتضرا وجان جدا ازدحام وقضيت الوكفة بالصلوات ومن وصلت ..

المفتشة: عدلي حجابك

روح : اسفة مانتبهت

المفتشة : ماصار شي عزيزتي بس جان شوية شعرج طالع