#ﻷني_احببت.tt
》》》البارت4《《《
الصبح حضرت ريوك شيرين بالغرفة وعفتها نايمه اعرفها تتأخر من تكعد وطلعت للمدرسة بالطريق قريب مااوصل شفت الولد الاشقر الطويل واكف ويه اصحابه وسعد مموجود الظاهر كلام ضمياء صح وتواعدوا فعلا على الغده
تمشيت سريع ومالتفتت ودخلت المدرسه بالي مشوش وكملت الدروس ضمياء ماكو !
تحلفتلها هاي ام الولد اني اعلمها
طلعت بسرعه دا اباوع الشباب محد منهم موجود دايرة وجهي وامشي لكدام انردمت بفد واحد نزيت !
ورجعت خطوات لورة
انتبهت هذا الولد الاشقر !
بلعت بريكي وارتبكت
ابتسم لي .. اويلي عليه يجنن ..
عليه عيون صفرة فاتح تسطر سطر
وشواربه خفيفه وحواجبه طويله وثخينه وطوله وشخصيته ياعيني يذوب اي بنيه
جمدت بمكاني !
ظل مبتسم ورافع حواجبه
كلي .. عليمن تتدورين !
تنحنحت ... خجلت ومرديت
ماريد احجي كلمه اشردله للولد وصوتي اخشن من صوته
كلي ماشي لاتكولين شئ ممكن نتعرف ومد ايده دا يصافحني
هزيت برأسي وتوترت
خفت مااعرف شحسيت
أول مرة اتعامل مع ولد
وبهالجمال والرجوله اويلي
وبهيج معامله !
بقيت اعاين بعيونه صافنه .. دخت
اشرلي على أيده
صافحته
شفته فرح وأخذ نفس قوي
وعصر ايدي بس برقه سحبتها ورحت بس بعدني اباوع عليه دايرة وجهي ومبتسمه اله بقه واكف وعينه عليه وحسيته كلش فرحان رغم ما حجيت وياه ولا صار شي بس هالنظرات والمصافحة
... يالله ... اعتقد وكعت بالفخ
فخ الحب .. سهم العشق صابني
هذا اللي اشوفه بالافلام والأغاني ..
اويلي عليه
طول الطريق فرحانه وتذكرت اغنيه فيروز ""يارافع الحاجبيني""
شلون عليه حواجب كل شويه اغمض واتخيل ابتسامته وحركاته ..
...
رجعت للبيت ركض للغرفه شيرين خطيه ماكله الاكل كله وماطالعه من الغرفه منتظرتني
اخذتها للحمام ووصيتها مرة لخ اذا اتاخر تلعب بالعابها وتنتظرني وماتخاف لو تشغل التلفزيون
وبعدها تمددت وبقيت سارحه بجماله لهالشاب حتى ماسالته عن اسمه ولا هو سألني
بقيت اتذكر عيونه الصفر شلون تتدوخ وتسطر ولا لمسة ايده لايدي ياويلي عليه وعلى حظي
ونسيت سالفه ضيّ
رجعت اراجع بالدروس والكتب
وشيرين طلبت مني بس اكمل إمتحانات اخذها للمراجيح بمدينه الألعاب
ذكرتني بأيام بابا قبل كان دائما يأخذنا ويعشينه على الشط ويم الشلال شلون ايام راحت ومابقت بس الذكريات
...
بليل استغليت فرصه انشغال ضيّ تسوي عشة لنفسها وتتعشه بغرفتها وعدها تلفزيون خاص
اخذت التلفون لغرفتي وخابرت ضمياء بقت تحجيلي عن موعدها الغرامي
وغداها الرومانسي
واني اتخيله للشاب هذا معقوله يصير اتواعد وياه !!
سويت نفسي أسألها بشكل عادي عن الشباب اللي ويا سعد كانوا
حجتلي عنهم وعرفت هالولد أسمه سلطان
ااااه اسمه سلطان وهو سلطان
وكالت انه طالب بالرابع اعدادي يعني اكبر مني بسنه وشلون اطول مني ومرتب بعدين اكيد اكو بنات مصاحبي ليش مهتم بيه
المهم نمت للعصر محسيت كعدت شيرين مو يمي ركضت لبرة لكيتها مشغله التلفزيون ضايجه حبيبتي
خوفتيني ليش هيج مغندبه !
كالت .. ناديه طلعيني ضايجه
حبيبتي بس اكمل إمتحانات اوعدج نطلع
شويه وفتح الباب نور سلم علينه
شكد مشتاقيله بس لهفتنه عليه صارت مقيده بسبب ضيّ
بعد ما سلم علينا راح لغرفته فوك ومثل كل مرة ماينزل منها وبعد منشوفه
مرت الساعات لثاني يوم رحت للمدرسة وببالي هالشاب وخايفه اشوفه وشايله هم شلون احجي وياه وشحجي مااعرف اتصرف بهيج مواقف ..
لكيته قريب من بيتنه تفاجأت
بيده اوراق سلم عليه ابتسمت ..
كلي هاي دفاتر واسئله وزاريه للعام الماضي كلت ح تفيدج بالامتحانات واذا تحبين اني اساعدج و ادرسج ماعدي مانع ..
كان ملهوف من يحجي ويهمس ومتوتر يمكن أكثر مني
هزيت برأسي واخذت الاوراق منه وتعمد يلمس أيدي اويلي صعقه كهرباء صابتني
رحت وقلبي تعلق بي ودي اشكره لو ابقه يمه العمر كله
خليت الاوراق على صدري بيهن ريحه طيبه وملمسهم بارد بوقت الصيف ضميتهم بالجنطه
لكيت ضمياء بقيت أسألها عن هالولد سلطان حست بيه وكالت تدرين طلب من سعد يجيبله معلومات عنج
لطمت على وجهي وشهكت معقوله !!
شبيج خايفه ناديه الولد معجب بيج
كعدت بالكاع وبقيت الوج
ضمياء خايفه لاتورطيني
على ويش اورطج يالخبله شوفي حالج شلون مبهذله منو يعاين على وحده هيج
لا وصوتج اللي يخرع
شلت حجارة من الكاع وشمرتها على ضمياء
ولج انتي شلون صديقه اني اعلمج وركض وراها فلتت مني الملعونه ودخلت للقاعه بس كلامها صحى بيه مشاعر الانوثه وحفزني اهتم بمضهري اكثر وارتب نفسي وابرز جانب الأنثى المؤثرة
بقيت طول الوقت افكر شلون اتصرف لازم اصحى من هالجمود وسلطان فعلا أثر بيه وحسسني بكم يوم شفته بمشاعر حلوة ومميزة ..
