#ﻷني_احببت.tt
》》》البارت23《《《
بعد حبي وعشقي لسلطان ماتصورت يجي يوم من الايام بحياتي أحب غيره لو يلفت انتباهي غير رجل ...
أما التجربه اللي عشتها بزواجي من إياد كانت غلطه عمري والشئ الوحيد اللي تندمت عليه وتمنيته ينمسح من حياتي نهائيا واخجل لمجرد اتذكر اللي صار بذيج الليله السوده ..
...
رجعنا من السفره للبيت وكانت جدا مميزه استمتعنا وتسلينه
الرحله كلش حلوة لأول مرة نغامر هيج مغامره
من تعب الطريق زين نام بملابسه واحنا بقينه متمددين وحده بحضن الثانيه ونتذكر اللي شفناه واللي عشناه بيومين
ارتاحينه نفسيا ...
شيرين رغم ما اصغر مني ب 8 سنوات بس كانت جريئه وعلمتها من الصغر على الصراحه والثقه ومتضم عليه شئ
بقت ترغبّني وتحببّني بالشاب راغب وتتشاقه وياي ونضحك
... ناديه ...
تدرين لو اني رجال اربطج واشيلج للمحكمه واعقد عليج
بقيت اضحك على كلامها واملخ بيها ولج مجنونه شنو هالتفكير !
صدكيني انتي ماعدج حظ رغم مااشوفج أجمل بنيه بالدنيا
لا وداعتج انتي اللي أجمل بنيه بالدنيا وياحظه وسعده اللي يرتبط بيج
وينه يحسره ماكو لسه
حضنتها وبقيت امسح على شعرها وكان طويل وناعم مثل الحرير
سمعيني حبيبتي شيرين .. اريدج تكبرين وتكملين دراستج لاخر مرحله بالجامعه وبعدها تفكرين بالارتباط وباللي يستاهلج لان انتي درة ثمينه ومو أي رجل يستحقج مثلا مثلا استاذ بالجامعه لو دكتور مهم ومشهور
حسيتها فرحت ودمعت عيونها وحضنتني بقوة
حبيبتي شيرين شكد اتمنى من الله اشوف بيها الفرحه اللي ماشفتها بنفسي ....
بعد ثلاث ايام وصينه زين لا يفتن على سالفه الغرق ولا الشاب راغب شيرين هددته بعد مناخذه بالسفرات الجايه وضيّ تضربه وتعاقبه عاهدنه بس خفنه منه يفلّت بالكلام
رجع نور وضيّ والحمد لله سفرتهم كانت موفقه ومشت حياتنه بشكل عادي
بعد أكثر من شهر مرّ على سفرتنه كنت كل يوم اروح لمشغل ام همام اشتغل على الخفيف بالتطريز والبلك والنمنم والاكسسوارات ومااتعامل ويه الزباين مباشرة كل التعامل كان عن طريقها يصير سألتها عن راغب طلعت تعرف عنه كلشي جيرانهم من زمان وامه مشلوله ووالده يبيع خضروات بالسوك وحالتهم الماديه ضعيفه وخواته اربعه متزوجات بالمحافظات وهو كان متزوج ومطلق زوجته بعد سنتين زواج بسبب الاطفال
والغريب طليقته بعده تزوجت وصار عدها طفل وهذا سببله صدمه وبعد ماارتبط
بقيت افكر بكلام ام همام شغلني
من هذا كان مهتم بزين وتعامله وياه لطيف طلع يحب الاطفال وبنفسه المسكين رجعت للبيت حجيت لشيرين عنه السالفه كانت سريه بعدها ضيّ ماعرفت بيها
شيرين ظلت تلح عليه اروح لمحل التصوير لراغب لو اخابره
اني كنت خايفه وبعد مااثق بأي رجل
شيرين تكلي ناديه حرام عليج فاتج القطار وعمرج ضاع بلا حب والشاب جذاب وبلكي الله يقسملج حياة حلوة وياه
اخذت على كلامها وخابرته بليل دكيت اكثر من مرة ماكو رد
بعدها اقترحت عليه شيرين اروحله على العنوان الصبح
الصبح سبحت وبدلت ثوب بنفسجي فيزون من ملابسي القديمه موكلش طويل وفتحت شعري اللي رجعت صبغته بني فاتح ما لائمني الاشقر والميش
خليت مكياج خفيف وطلعت وحسيت بشيرين فرحانتلي خطيه بوستني وكالت اخذي راحتج اني اطبخ الغده واذا سألت ضيّ اكللها راحت لام همام
وصلت للعنوان بالسوك محل قديم بس عنده ناس هواي وأكثر شئ أطفال الظاهر منسق ويه الاطفال
دخلت انتظرت
كان ولد صغير تقريبا 13 سنه
كاعد بكرسي يدخل الناس واحد واحد لغرفه التصوير
ورة نص ساعة وصل دوري دخلت سلمت كان كاعد كام وكف وفتح عيونه واستبشر وفرح
يااهلا وسهلا تفضلي
اجيت اخذ الصور
ماشي تفضلي .. مستعجله !
لا اخذ راحتك ..
استريحي ..
طلع حجه ويه الولد دخل اللي وراي بنوته صغيرة ويه امها
كلي بس اكمل الموجودين
عادي براحتك ..
حسيته مرتاح ويمكن كان ينتظرني من زمان اجي وبده يتفنن بالتصوير يمكن حتى يلفت انتباهي تقريبا ساعه كمل فتح المجرات وطلع صوري
الله شكد حلوات ..
هاي لأن انتي حلوة بالأصل
خجلت من كلامه .. نعم !
تنحنح ...
حسيت بي رومانسي كان ويريد يتقرب مني مااعرف بس اكو بي شئ مميز ..
فتحت جنطتي دا احاسبه طلعت فلوس لزم ايدي
شدا تسوين !
هااا .. شبيك راغب غير انطيك أجور الصور
حرك حواجبه .. لا
مااخذ منج فلس بس ...
بس شنو ..
ممكن تقبلين عزومتي
ماشي راغب بس أني مشغولة وأكيد انته هم مشغول
لا عادي ماعندي شئ والشغل يتأجل ..
وبالنسبه لشغلج شنو ممكن اعرف ؟
يعني تريد تفهمني ماسألت عني هالمده كلها وبقيت منتظر إلا اجي أني واحجيلك !
شفته نحرج وتلعثم بالكلام
ماشي راغب اخابر للبيت لو تسمح اكللهم ح اتأخر
هز برأسه واشرلي على التلفون
كعدت بالكرسي خليت رجل على رجل بقه يعاين على رجليه
خابرت شيرين كالت ماكو شئ بس زين خبصنه عليج
حاجاني زين كتله صير مؤدب ولاتزعل عمه شيرين ومن أجي اجيبلك نستله
طبكت السماعه شفت راغب بعده واكف ومبتسم
كتله شنو !
هاا .. !
لا بس حبيته لزين ياريت لو تجيبي وياج
لا وين أجيبه يمعود زين ذكي ويفهم الكلام يروح يفضحني كدام امه وابو
اقترب مني .. وليش يفضحج !
احنا ممسوين شي غلط !
رجعت لورة ولبست الجنطه على متني
ارتبكت ..
راغب ممكن ننروح لو تتأخر ..
وين ننروح !
هاي شنو يمعود توك عزمتني !
اني ... !!
اني عزمتج !
راغب اذا تظل هيج تتشاقه تره صارت بلا ملح واني اعتذر رايحه تأخرت
درت وجهي ركض لزمني وصار وجهه ببوجهي
تعالي وين !
اني ماصدكت اشوفج وانتظرتج هواي
دنكت
رفع راسي ..
وروح ابوج اتشاقه لاتضوجين
وبالله شمدريك والدي متوفي !
تنحنح ... لأن معجب بيج ووسألت
وعرفت كلشي عنج ...
...
يتبع
