#ﻷني_احببت.tt
》》》البارت22《《《
راغب رجل شهم ومميز وجميل الشكل
عمره 32 سنه مطلق ويعمل مصور وكان معانه طول الرحله بنفس السياره وبيده كاميرته ولابس شفقه ونظارات شمسيه ومامهتم لأي واحد موجود كأنما عايش بعالم ثاني ..
...
وصلنه للحبانيه الاجواء كلش حلوة ومنطقه رائعه وحضور كان عوائل وشباب
سايق السياره حددلنه وقت نرجع بي من البحيرات وكانت متوفرة حمامات ومطاعم صدك تسلينه وكلشي كان ممتع عدا زين كان متعب لان كل شويه يريد يروح للحمام لو يجوع ويعطش ويريد يشتري
مرت الساعات الحلوة بسرعه
رغم الحر لكن هواي استمتعنه
تركت شيرين وزين يم البحيره و
رحت للسيارة اخذ ملابس ابدل لزين ومن رجعت لكيت شيرين تفتر وتتدور عليه مثل المجنونة
صدك انصدمت انجنيت عليه لطمت على وجهي وقلبي نمرد
بقينه ندوره سوة
وناس منعرفهم يدورون ويانه
لكينه هذا الشاب راغب شايله مبلل ولافه بقميصه كان دا يسبح وغركان وملحك عليه
بقيت الطم وشيرين بس تبجي
سواله اسعافات وضغط على صدره ظل زين يتقيئ مي ويكح بدلتله ملابسه بسرعه وحضنته ياربي دخيلك لو صاير بي شئ اموت وراه
تشكرت من الرجل كتله الله يوفقك مديونتلك بحياتي صفن ببوجهي وهز برأسه رجعنه للسيارة هدأت شيرين لان بقت تلوم بنفسها كتلها بعد ماعوفكم سوده ببوجهي من عفتكم دقايق
انوب نبقى سوة كلنا
بقينه بالسيارة نرتاح بيها تبريد مشغله السايق
اجت ام همام جابتلنه اكل بالسياره اكلنه بليل رجعوا الجماعه وعلى اساس نطلع لبغداد ونبقى هناك
ظليت حاضنته حبيبي زين كلي عمه خنكتيني شويه خل اتنفس
جريت آذانه خرب يومك انته شسويت بينه اليوم هبطتنه وبقيت اشمه وابوسه
صعد هالرجل راغب شيرين ندستني وهمست ... ناديه هذا اللي نقذ زين
بقه يعاين علينه ويبتسم
شكد كان حلو اكيد عنده زوجه واطفال بس انتبهت ماشفته تكلم ويه أحد معناهة جاي وحده
حركت السياره واغلب الناس نامت ندست ام همام كدامي وشاورتها سألتها عن هذا الرجل بقت تصرخ هاا و هاا
كتلها اشش فضحتيني سكتي ماكو شئ
وصلنه لبغداد كانت الدنيا ليل بس ليل بغداد نهار يجنن اخذنه السايق لبرج صدام نزلنه وزين بعده نايم مكدرت اعوفه بالسياره شلته على متني
سمعت صوت نفس الرجل الشهم وراي كلي انطيني اساعدج
اول مره اشوف هيج شهامه شيرين بس تندس بيه ابتسمت وهزيت برأسي اخذه مني ومشى كدامنه شيرين شاورتني ولج ناديه اعتقد هذا معجب ضربتها على ايدها
شبيج ناديه اقصد معجب بزين
لزمتها من ايدها وكتلها امشي مو تعوفيني واظل ادور وراج خبلتوني
بقينه مبهورين بالمنظر والمكان حتى جو بغداد حلو ومميز قسم صعودا للبرج احنا كعدنه بكراسي
وطلبت منه للرجل يكعد ويانه
كال خاف تتضايقون !
لا بالعكس موكافي محمليك ثقل زين
كعد وشويه زين صحه شيرين تنحنحت وكالت حاخذه اغسلله
كتلها موتغفلين عنه شيرين فدوه انتبهي
الرجل كال لاتخافين اذا تاه اني موجود
صدك حسيت بي غيور وعجبني
بعد ما كونت نظرة سيئه عن كل رجال بسبب المريض إياد كرهني بالزلم
تجيت على الكرسي واخذت نفس
الله شكد حلو الجو بليل فتحت شعري انتبهتله صافن عليه
باوعتله خجل ودار وجهه
بقينه ندردش
كلي زين ابنج وين ابو !
ضحكت لا ابن اخويه الكبير وابو مسافر
استاذ ....
كلي راغب ومد ايده دا يصافحني
صافحته ايده دافيه
تشرفت استاذ راغب
لا ... أستاذ شنو كولي راغب وخلاص
ماشي راغب اني ناديه .. ناديه وخلاص
ضحك .. بس ممكن تترك أيدي
سحب ايده وارتبك .. آسف
لا عادي ..
رجعت شيرين وزين يتميع
كتله زين تدري دا تخرب علينا السفرة هاي اخر مرة نجيبك
راغب كال لا ليش تعال زين اذا مياخذوك تعالي للمحل بالسوك
ذكرني انطيك العنوان من ننرجع باسه بخده وعينه عليه شفت شيرين فرحانه فاتحه حلكهها
بس كمنا اخذه راغب لزمه من ايده كله الشباب سوة والبنات ورانه
شتكول زين ؟
مشينه وراهم
شيرين شبيج فاتحه حلكج ممصدكه
ولج ناديه دشوفي يجنن هذا صدك كل واحد اسمه راغب هيج حلو من راغب علامة وانتي ماشيه
شيرين هنا طلعت سوالفج
الظاهر عجبج !
والله يااختي الحبيبه اذا ميفيدج جيبي عضيت شفافي وتحلفت بيها وهيه بس تضحك
قضينه وقت كلش حلو والصدفه الاحلى من التقينه براغب بقى مرافقنه حتى من وصلنه لمدينه الالعاب تكفل بزين وخفف عننه وخلصنه من عبء دلاله ومياعته
ورحنا لنصب الشهيد وللزوراء قضينه اليوم الثاني غدانه صار بفندق بالمنصور ارتاحينه وسبحنه شيرين كالت اني اراقب زين ناديه روحي
طلعتلي ثوب ربع ردن وردي شيفون وقصير ناديه انتي مكبرة نفسج روحي لبسي هالثوب وخلي مكياج وهذا الشاب فرصه قبل لايخطفننه البنات دفعتني أمشي
بدلت صدك كنت خافيه انوثتي كل هالسنين فتحت شعري ولبست شفقه وخليت كحل وشويه باودر وطلعت لبرة حدايق تشرح النفس
لكيته بيده الكاميرا ودا يصور اقتربت منه
ممكن توصورني ؟
شفته فرح وبده ياخذلي صور وثوبي كان يتتطاير من الهوة خجلت بقى يضحك عليه
رحنا اشترينه موطه واكلنه طلع ورقه من جيبه كتبلي رقم التلفون وعنوانه حطهم بيدي وبقه لازمها وعصرها سحبتها خفت
آخر واحد تصرف هالتصرف سلطان ارتبكت
شبيج !
هذا عنوان المحل حتى تجين تاخذين الصور
هزيت برأسي ماشي ان شاء اللة اجي اني رايحه مااكدر اعوف زين وشيرين وحدهم
كمت كام وراي لزم ايدي مرة لخ
بقه يعاين بعيوني توترت
ناديه ...
انتي مرتبطه !!
...يتبع ...
