#ﻷني_احببت.tt
》》》البارت9《《《
آه .... أبد مايحلالي العشق والحب ..
دقايق استمتعت بيها بكلام سلطان وغزله ولهفته عليه وعيشني سندريلا وبقيت احلم باللحظه اللي يجي بيها وياخذني على الحصان الأبيض ..
اندكت الباب حيل تكسرت طفرت وطاحت السماعه من أيدي بالكاع
شيرين طلعت من الغرفه ترجف
رحت للباب صحت منو !
كان نور فتحت وابتسمت ببوجهه
دخل عصبي وجرني من شعري وصرخ ببوجهي شيرين ركضت تتدفع بي وتبجي اني لزمت ايده وصرخت وحسيت بألم مو من القسوة والضرب وإنما من تصرفه هذا لان عمره مارفع ايده نور وضربني اصلا عمرة ماصرخ ببوجهي !
دائما يحترمني ويعاملني بحب وعطف بس هسه صار متوحش وقاسي
كلي ضيّ ترجع للبيت غصبن ماعليج وتعتذرين منها افتهمتي !
وطلعه من البيت ماكو شلون تخالفيني وتتطلعين بليل وتاخذين شيرين وياج !
بقيت اعتذر منه وبست ايده رغم ماايده الثانيه شاد شعري ويحجي وياي بعصبيه دفعني بعدها وكعت بالكاع وبقيت ابجي واشرت لشيرين اجت حضنتني وتبجي
نور كال ح اروح اجيبها لضيّ افتهمتي
هزيت برأسي أي
مسحت دموعي وكمت وكفت
طلع وعاف الباب مفتوح
شيرين بقت تصرخ
سكتتها ودخلتها للغرفة
هدأتها كوه
مااعرف شحاجيتله ضيّ وهيج منفعل عليه
شيرين فدوة أهدي بس يهده اشرحله
بقيت ابوس بيها واقنعها نسيت سماعه التلفون اللي تركتها مرفوعه رحت ركض رجعتها ثواني ورجع دك التلفون
عرفته سلطان مارديت مكدرت عفته ورحت غسلت وجهي وشربت مي
وبقيت اتنفس حيل حتى ارتاح من صدمه تصرفه لنور ومن اتذكر ارجع ابجي وامسح دموعي
لازم اصير قويه واعرف شلون انتقم منها لضيّ
بقى التلفون يدك فصلت الواير من الرئيسي حتى اخلص انسطرت من صوته
بعدني بالصاله رجع نور وجايب ضيّ وبيدها جنطه ملابسها تشجعت وكلت حمد لله على السلامه ودموعي ترس وجهي
شيرين تباوع عليهم بحقد
ضيّ ظلت تتميع وتتعزز
اني لخاطر نور اقتربت منها وكوه حجيت كتلها اعتذر اني اختج الصغيرة وغلطت سامحيني
كالت ايي عادي اصلا أني لخاطر حبيبي نور رجعت وتهز بيدها حضنها نور وصعد لغرفته فوك اني كعدت انهد حيلي
لزمت رأسي لزمني صداع
شيرين خطيه حضنتني وبس تبجي أني لخاطرها هدأت شبعت بجي خطيه شنو ذنبها
قررت اكمل حياتي واصير محتاله مثلها لضيّ وماخلي شيرين تتعذب ولا تشوفني ضعيفه
...
ثاني يوم الصبح كوة كعدت سبحت وسبّحت شيرين ونظفت البيت
ماكو احد العروس ضيّ نايمه والظاهر نور طالع لان لكيته متسوك لحم وطماطمه ومعجون وخبز
سويت تشريب احمر
سمعت باب الشارع الرئيسي تندك خفيف
نشفت ايديه ورحت من باب المطبخ فتحتها شفت سلطان !
لطمت على وجهي عزة العزاني سلطان تخبلت شجابك !!
ملابسي مبهذله وشعري منفوش
كمت ارجف حاجيته من ورة الباب
حجه بهمس ناديه تخبلت عليج التلفون مفصول والبارحه سمعت صراخج واخوج من ضربج ..
ظليت املخ بخدودي
اني فصلته للتلفون سلطان ابوس إيدك روح
ناديه حتى لو اخوج أكسر ايده ومايضربج افتهمتي
يربي دخيلك سلطان لخاطر الله روح من احصل مجال أخابرك
جرني من ثوبي سمعي ناديه نص ساعة وتجين منتظرج براس الشارع اذا ماجيتي اني اتصرف
وراح ..
يربي شلون بيه
طبكت الباب لكيت شيرين وراي !
منو هذا نادية !
هاا حبيبتي هذا واحد غلطان بالعنوان يسأل على غير ناس تعالي طببتها
الحمد لله هاي الملعونه ضيّ بعدهي ماكعدت كملت شغلي ركض
شغلت التلفزيون لشيرين كارتون طالع وكتلها اذا تكعد ضيّ لاتحاجيها بوستها فدوة حبيبتي لخاطري
انتي مو تحبيني !
اكيد احبج بس ضيّ ماحبها
اششش ضربت خدي الله يخليج اسكتي لاتسمعج
شوفي حبيبتي اني رايحه مااتاخر اذا سالتج ضيّ كولي راحت تجيب لبن من المحل زين ؟
اخذيني وياج
لا حبيبتي وين تجين ابقي هنا شوفي توم وجيري وهسه تطلع بعد مسلسله كارتون حلوه
كوه قنعت دخلت الغرفه ركض مشطت شعري وبدلت ملابسي وطلعت خفت تكعد ضيّ لو أتأخر على سلطان يسوي كارثه
رديت الباب الرئيسي ورحت ركض لراس الشارع سوده عليه حبيبي سلطان واكف بالشمس
💘
عشكتك ..
وأدري أتعب إبحبّك رضيت بقسمتي وملهوفه تدريني *
أريد أكضي العمر ويّاك تدري أنت بغيابك حيل تأذيني*
عيني إلما تشوفك تنعمي وللدّوم لأن أنت حبيبي فرحة إسنيني *
تعال وخلّ أضمّك حيل يهواي وأريد إبكلّ حنانك أنت تحويني*
تعال وخلّ نطفي الفُركة والنّار وعلى صدرك أنام اللّيل خليني*
💘***
ريكي نشف وانافت حضني وبقه يشمني ماكو احد بالشارع وكان اكو بيوت بعيده والسيارت من بعيد تمر
ماصدكت حضنني بجيت وحسيت بأمان كلي أهدي حبيبتي وباسني براسي وظل يشمني لزم خدودي أهدي ناديه مدام اني موجود محد ياذيج بس احجيلي شنو اللي صار !
مسحت دموعي بقميصه ورجعت حضنته سلطان خليني اروح فدوة اذا حصلت فرصه اخابرك واحجيلك
حضني مرة لخ حيل
لاتروحين ناديه ماصدكت تجين واشوفج واطمن عليج
ولج خبلتيني انتي شلون اسمعج تصرخين البارحه تسودنت
ضحكت وبسته بخده
دفعته كافي روح بعدين افهمك
بقه لازم ايدي ورجع سحبني وحضنني
بس سلطان لخاطر الله روح باس ايدي اروح بس تخابرين بسرعه اليوم مكابله للتلفون مااعوفه ظل يبوس بوسات هوائية ويغمزلي صدك حسيت براحه وتحسنت نفسيتي رجعت ركض دخلت لكيت ضيّ تكلب بالتشريب دخلت من فرحتي بشوفه سلطان حبيبي وموقفه الشهم وياي حضنتها لضيّ وبستها
استغربت !
سامحيني وأوعدج مااتدخل بخصوصياتج ولا اتذمر منج
ضحكت وكالت ماشي متفقين عيني ناديه بس بشرط
شنو ... تشرطين !
اي اشرط ليش لا ... لاتنسين انتي غلطتي وياي ومحترمتيني
وشنو شرطج بالله !
بتبع....
