#ﻷني_احببت.tt
》》》البارت6《《《
نزلت ضمياء وسعد من السياره
شيرين فرحانه وماداريه باللي صاير
تكللي ناديه اشتريلي موطه حبابه
وتجر بقميصي
كنت لابسه قميص ازرك نص ردن وبنطرون كابوي
بقيت كاعده واخاف أنزل
ماتحركت من مكاني ولزمت ايد شيرين واشرت لضمياء
من راح سعد شفت المكان حديقه قريبه على مدينه الالعاب
ضمياء كالت شبيج ناديه نزلي سلطان متخبل عليج هو طلب نجيبج
ياويلي قلبي نصاب بسهم ورجفت همست وكوه حجيت من الشوق بلعت ريكي واخذت نفس قوي
ولج ضمياء فدوة اني ماشايله فلوس وشيرين تريد موطه وماريدها تحس بشئ
ضحكت كالت معليج جيبيها وياي وروحي وحدج
لا ... وين اروح ...
شيرين متروح وياج ضمياء
ناديه معليج اني اهتم بيها آخذها لمحل الموطه واشتريلها
بس روحي وخلصيني ...
صدك خفت على شيرين بس لازم اروح اشوفه لسلطان مشتاقتله
اجه من بعيد رحت اتجاهه وشيرين بقت وي ضمياء
من وصلت يمه كان لابس قميص اسود وبنطرون اسود ورفع حواجبه وابتسم فتح ايديه اقتربت اكثر
كلي مشتاقلك ابو ندى
ليش هيج تعوفني
ضحكت وخجلت خله ايده على ظهري وكعدني على كراسي مصطبات بعدها خله ايده وره متني واقترب مني لدرجه لمس جسمه جسمي توترت
انفاسه وريحته انثولت
مااعرف شنو أكول
كلما اتتدنى يرجع يتدنى بصفي
ويقترب أكثر لحد مالزمني
بس ناديه لاتتحركين ح توكعين من الكرسي وضحك
سلطان ..
عيون سلطان شكد مشتاق لصوتج الرجولي ضربته على صدره شنو هاي ترة ازعل
لا فدوة اتشاقه
شتريد سلطان
اريدج ..
تحسر وشاورني احبك ابو ندى ياكدع انته
وتاليها وياك !
ح اعوفك وارجع
لزم ايدي عصرها واقترب يشمني بلهفه
وين تروحين اموت اذا رحتي
نغزني قلبي لا فدوة سلطان لاتكول هيج اني هم مشتاقه بس ..
كال ... الله .. تعرف تكول كلام حلو ابو ندى دخيلك ورجع يشم بيه وهمس اطيني بوسه ايده كانت تلامس شعري وبده يلعب بترجيتي مااعرف شنو الإحساس جنني وحسيت بمشاعر جاذبيه ومحبه صادقه وياه
بس وخرت ايده خفت
كتله سلطان منا ناس فدوة
وصار الليل واني جيت ويه شيرين اختي الصغيرة وبقت ويه ضمياء وماعدي ثقه بيها ارجوك
وبعدين انته شلون تسوي هالحركات كمت كام وراي وكف ناس شكثر رايحه وجايه وعوائل وشباب مااهتم لاي واحد وكان ملزكلي كلش
رجفت وكتله سلطان عيب من الناس
جرني وحضنني دفعته بس على كيف ودي يبقى حاضنني بس اخجل من الناس
ناديه لعد شوكت ؟
اريد اشوفج وحدنا وعدتيني وخلفتي بالوعد
سلطان صدكني مااكدر اطلع هسة ماادري شلون هسه دبرتها ضمياء وما اوعدك اكدر المرة الجاية رجعت لورة ورحت وعفته
كان ملهوف وعيونه دم من الشوق وبقه يصيح وراي لحظه ناديه انتظري
دا احاجيج ...
رحت بلا مالتفت وراي
ادور على شيرين يربي وين خذتها هاي الملعونه
شفتها من بعيد ركضت
لكيتها وحدهه كاعده يم شجر وتاكل موطه ومدمرة ملابسها وورة الشجر مسافه ضمياء صوتها تضحك بمياعه
عفت شيرين ورحت تفاجأت بمنظرها بحضنه لسعد ويتباوسون وفاتحه قميصها منظرهم يخزي !
نظرتلها باحتقار
من حست بيه عدلت نفسها وكامت
كلش ضجت منها عفتها ورحت لحكتني
..
لحظه ناديه شبيج
حجيت بهمس لاتسمعني شيرين
وخري ضمياء شلون هيج تسوين !
انتي جبتيني لهنا حتى اسوي مثلج ؟؟!
وبعدين امنت بيج باختي
بالله لو شايفتج ؟
أهدي ناديه اللي دا اسوي متعوده عليه ويه سعد وانتي شنو تحاسبيني !
خليج محد يلمسج لان انتي ولد بالأصل هزت بيدها وغلطت وفشرت عليه
حجت بغضب وعافتني وراحت الملعونه
خلتني مصدومه بيها أكثر من قبل
اتمنى لو اقتلها واملخها هنا بنص الحديقه
بعدها تركتها ورجعت لشيرين اخذتها وغسلتها شفتها نعست وبدت تفرك عيونها
بقيت حايرة شلون ارجع شلون امنت بضمياء
شلون ارجع للبيت هسه وفلوس ماعدي اصعد سيارة
شفت سلطان بعده واكف ويه مجموعة بنات وشباب ويضحكون يم باب الحديقه
لزمت أيد شيرين وردت اطلع انتبهت للبنات كلهم حلوات ومايعات وملابسهم حلوة ومبينه غاليه
ماادري حسيت بغيرة حركت قلبي ونغزه بداخلي بقيت ارجف وحراره صارت بيه موتتني وربكتني
شفت سلطان اجه باتجاههي ارتبكت
اكثر
وكف كبالي وحجه ويه شيرين عمو شنو رايج نصعد دولاب الهوة ؟
شيرين فرحت اي عمو ياريت ندستها
كتله لا كليله لا عمو شكرا
اخذ شيرين من ايدها وراح لحكته لحظه وين ماخذها اشرلي بيده اشش
واشر لولد واكف يجي ويانه
وصلنه لدولاب الهوة كلش حلو ماصاعدته من زمان من كنت صغيره وبابا كان ياخذنه
بقيت محتاره شال شيرين صعدها وربط حزام الامان وكلي بكيفك ابو ندى تريد تصعد لا !!
اللي حيرني الفرحه اللي بعيون شيرين خطيه كلت موطه وصعدت دولاب الهوة مكدرت ارفض صعدت وكعدت بصف شيرين وسلطان والولد صاحبه كعدوا مقابيلنه حرك الدولاب مد رجله وبقه يتحرش برجلي وكل شويه يغمزلي
ويحجي ويه صاحبه ويسمعّني بصوت عالي
أريد اعرف انته ليش هيج خشمك يابس ولك وتاليها وياك ؟
يتنحنح ويعاين عليه بحقد ورغبه
اني لزمت شيرين ودرت وجهي وكانت تعاين للمكان ملهوفه وممنتبهه لكلام سلطان
وكل شويه يرفس رجلي
ابو ندى اذا تبقى هيج اعوفك
خزرته وضجت منه
هاا تغار مو !
ادري بيك تغار اوووف ويضحك
وبقى يحجي ويه صاحبه اللي هلكان ضحك ويسمعّني وكلما أدير وجهي يرفس رجلي
وصلنه جوه وكف الدولاب
