لأني احببت

26

#ﻷني_احببت.tt
》》》البارت26《《《
الصبح كعدت تعبانه وجسمي يوجعني من الأدوية والمسكنات اللي سطرتني وتعبت جسمي أكثر من ما نفعته
على أساس ننروح أني ونور لبغداد بس الأوضاع الأمنية هناك مو تمام ومضطرين نخاطر ماعدنه حل ثاني
زين وياسمين بالصالة يلعبون أتاري وخابصين البيت وضيّ دا تنظف
سألتها عن نور كالت بالدوام عدهم إنذار
شنو ؟
وموعدنه !
سمعت الجرس دك
ضيّ كالت ح افتح
كعدت و دكيت على رقم نور بالموبايل رد وكلي ناديه مااكدر اخذج دزيتلج واحد ثقه تعهد يوصلج ويهتم بيج
شنو ؟
نور منو هذا اللي وثقت بي يأخذني لبغداد !!
سمعت صوت راغب دخل .. أني ناديه
تفاجأت !
نور سد الاتصال
ضيّ اخذت الجهال وصرخت بيهم يلا فوك زين ماقبل ركض حضن راغب وكلها ماا اريد ابقه يم عمو راغب
كوه قنع وراح ويه أمه لفوك
بقيت بمكاني مااعرف شسوي نور خلاني بموقف محرج وعندي هذا آخر أمل بمراجعه عد دكاترة اختصاص بمدينه الطب ببغداد ولازم اروح مابيها مجال للتأجيل
اقترب مني صباح الخير حبيبتي
درت وجهي دا اروح لغرفتي جرني حيل وحضنني وراد يبوسني بشفايفي تحركت بسرعه صارت البوسه بخدي
شكد دافيه كانت وحركت بيه مشاعر واحاسيس ..
دفعته راغب شدا تسوي !
جر ايدي وطلع الحلقه من جيبه لبسني بأصبعبي وباسها
ناديه انتي خطيبتي غصبن عليج
ومن نرجع بسلامه نحدد يوم زواجنه
افتهمتي  !
مستحيل راغب اني لغيت الموضوع وخلاص انته خنتني ومستحيل اخليك تلمسني وخرّ
رحت للغرفة لحكني دفعني وسد الباب
راغب اطلع رجاءا
واذا ما طلعت شتسوين ؟ .. تضربيني !
كلما يقترب مني ارجع لورة لحد ما وصلت لنهايه الغرفه
عيونه تلهب شوق حضنني حيل حبسني بالحايط
بقه يشمني ارتبكت وحجيت بصعوبة وارجف
راغب حباب لاتسوي أي شيء أني مااكدر ... مااكدر هيج
ضحك وهمس شنو اللي متكدرين !
بقه يبوس بركبتي وخدودي
مكدرت أمنعه وأحسّه مختلف عن قبل مااعرف ليش هيج يتصرف يمكن حتى يسيطر عليه ويملكني
لزك بيه فد مرة
كتله بس .. راغب هاي الشغلات تاخذها مني بعد الزواج
بقه ينافت ...خله رأسه على رأسي
متأكدة ناديه !
أي متأكدة بس وخرّ حباب
وعد ؟
صارلي سنين منتظر منج وعد
وعديني ناديه ..
ماشي راغب أوعدك
وخرّ عني وراح لباب الغرفه
عدل ملابسه كان لابس قميص ابيض وسترة زركه
آخذ نفس ..
ناديه انتظرج برة لاتتاخرين طلع
كعدت بالسرير ارجف ياربي دخيلك
شنو اللي دا يصير !
فجأة تحركت مشاعري اللي دفنتها من زمان ويه سلطان
ركضت بدلت وأخذت ملابس أحتياط مااعرف شكد ابقى هناك والموبايل والشاحنه وفلوس واوراقي وطلعت ودعت زين وياسمين وضيّ وكتلها اخابركم مناك وطلعنه
راغب مستأجر تكسي للكراج واكفه بباب البيت
كعدنه حط ايده وراي اااخ منج ليش هيج ناديه ...
وبقى يعاتبني ويوعدني يعوضني مكدرت اعترض ولا اتذمر بالعكس حبيت اسلوبه ودللت عليه وتحكمت بي كتله توعدني متخونني واذا تكررها ح تكون نهايه علاقتنه
واتفقنه بعد ماكمل العلاج
و نرجع من بغداد نتزوج بعد مابيها مجال نتراجع
صعدنه سيارات منشأة كبيرة لبغداد من الكراج الطريق طويل
كعدني راغب بالاخير وحصرني يم الشباك وبقى حاضنني يمكن كنت محتاجه احس بالأمان تجيت على صدره وغمضت عيوني حسيته حنون وملهوف عليه ..
العصر وصلنه لبغداد
هواي متغيرة عن قبل بعد السقوط عن آخر مرة زرناهه بالسفره اللي كانت سبب تعارفنه اني وراغب شكد كانت ذكريات حلوة ...
بمدينه الطب سألنه عن القسم الخاص بأمراض الكلى بالمستشفى حجزنه ردهة وراغب عافني راح يتابع التسجيل والاستعلامات
بقينه لثاني يوم الصبح بيها علما اجدد فحوصات وسونار وتحاليل وسجلت على علاج بالليزر وفحصني اكثر من دكتور وسالفه طويله طولت يومين
أشتاقيت لشيرين كل شويه اخابرها واطمنها عنني واوصيها بنفسها
ونور هم اتصل وتتطمن عليه
حسيت اكو فرق بالعلاج الجديد وجلسات الليزر
راغب تعب خطيه وياي بس ماكان متذمر كل شويه يتصل بأهله لو بالشغل
المهم اليوم الثالث طلعنه حددولنه يوم كل شهر أراجع بي وسجليّ الدكتور على أساس كلى زرع اسوي
كال لازم تتبدل كلاتج بأسرع وقت لأن وحده تلفانه منتهيه لازم نستأصلها اذا ما أستقبلت العلاج
والثانيه تتطول وياج كم شهر
خفت من كلامه وبقيت أسأل أكثر عن الموضوع طلعت السالفه يزرعولي كلى من واحد ميت انطيتهم رقم موبايلي ومعلومات عني وعنواني وحتى تلفون البيت يتصلون بيه من يلكون الفئه المناسبه لدمي
من طلعنا من المستشفى بعد ماكو فائده اظل الشهر الجاي أراجع واتابع تطور العلاج
كعدت بحديقة المستشفى أبجي
راغب عافني وراح يأخذ وصولات وأوراق للمراجعه الجايه
رجع شافني انشغ وابجي
حضنني ليش .. ليش ناديه باسني برأسي
راغب انته خوش رجال ومتستاهل ترتبط بوحده مثلي خليني .. عوفني وشوف حياتك
اهووو ... هم رجعنه لنفس الاسطوانه
وتاليها وياج ناديه بس تريدين فرصة تتهربين وتأجلين الزواج كافي مو تعبت من سوالفج
مسحت دموعي راغب ح يزرعولي كلى من واحد ميت تعرف يعني شنو ميت
ضحك .. ولج هسة احنا محصليها بشرفج الناس تتكاتل وتحجز وتشتريها بآلاف الدولارات
ضربني على رأسي دكومي اني جوعان
كومني ..
كومي بسرعه غسلي وجهج وخلينه ندور على واحد يبيع شاميه هنا
صدك تحجي ..!
راغب انته شنو مدمن شاميه !
دمشي وكلني دجاج لو سمك
شاميه يحضي ..
رحنا لمطعم تغدينه ورجعنه للسليمانيه
اتصلت بيهم كتلهم جايه بالطريق
يتبع ...