#ﻷني_احببت.tt
》》》البارت12《《《
طلعت من المطبخ وايدي ترجف وببالي اسوي شي اخرب الصفقه هاي ماريد استمر بالتمثيل واظل تحت رحمة ضيّ
الله لايوفقها كانت فرحانه ومنسجمه بالسوالف ومرتاحه حسيت بشئ مو طبيعي من تصرفها واكيد عدها مكيده مدبرتها حتى تخلص مني
واني ماكلني الخوف والقلق من اللي ينتظرني
كعدتني ضيّ مقابيل الولد
سمعت من كلامهم انه ابنهم الوحيد ويريدون يفرحون بي وعرفت اسمه دريد
مايهمني أي شيء عنه لا اسمه ولا شغله اذا اني عاشقه سلطان ومستحيل اكون لغيره بقى دريد يعاين عليه يريد ياكلني بنظراته وعيونه ونور معاجبه الوضع حسيته ضايج
والنسوان يتشاورن ويباوعن من فوك لجوه لجسمي وشعري بس ابو يمكن هذا الرجال
مبين حباب ومحترم من كلامه وسوالفه
بقيت كاعده نص ساعة منطقت بكلمه بعدين استأذنت وكمت للغرفه وسديت الباب وبقيت ارجف وشيرين كاعده بالسرير تبجي وتنشغ ركضت حضنتها وشبعت بجي
دقايق واجه نور وسد الباب وراه
مسحت دموعي وجهي تصخم من الكحل
كلي بصوت ناصي ناديه ليش تبجين !
شيرين كالت نور ليش تاخذون ناديه مني ليش ؟
نور كللها اشش شيرين الناس بره لاتفضحينه
ناديه منتظرين ردج
ماموافقه نور ماريد
شنو ؟
مثل ما سمعت لو تريدني اطلع اني اكللهم
لا ... لا وين تتطلعين بعدين نتفاهم وهسه اني اتصرف
طلع نور رجعت حضنت شيرين وهدأتها حبيبتي ماعوفج اصلا السنه الجايه اني أوصلج للمدرسه بيدي وبديت اضحكها
ماسمعت كلامهم بعد بس صار هدوء وره شويه دفعت الباب ضيّ وكانت عصبيه
كمت وكفت وكنت مأمنه متأذيني لان نور موجود
كالت انتي شلون ترفضين هو لعب مو على أساس موافقه ليش خليتيني انطي وعد للناس وتصغريني كدامهم ؟
نور اجه وراها ضيّ انتي ليش مهتمه هالكد بالله !
ارتبكت ضيّ هااا ...
لاحبيبي مو انطينه كلمه للناس
جرها من ثوبها معليج بالناس ومرة ثانيه لاتنطين كلمه من كيفج افتهمتي !
ياربي ......
شكد حسيت بفخر وراحه
ضيّ تفشلت وطلعت من الغرفه
ركضت حضنته لنور وأبوس بي بخدوده بقه متفاجأ ومسح على راسي وأبتسم وراح
ياربي الف حمد وشكر الك الهي
شيرين بقت تكمز على السرير واني هم وياهة كمزت ونهوس بس بعدني خايفه من ضيّ مااعرف شضامتلي بعدهالتحدي اللي تحديته الها
سمعنه صراخ نور طلعنا ركض اني وشيرين
ضيّ تصرخ وتبجي كلش خفنه واتوقع كلشي منها لهالملعونه
لحد دقايق هدأ الصوت دخلت شيرين للغرفة وطلعت عزلت الصاله والمطبخ
وبقيت منتظرة نور ينزل مانزل رجعت للغرفة وماصدكت الموضوع خلص على خير وخايفه من باجر
...
الصبح من وقت تريكت بسرعة اني وشيرين ونظفت البيت وبقيت منتظرة نور هم مانزل من غرفته
أخذت مستمسكاتي وكلت أروح للمكتبه أستنسخ وأسجل بالاعداديه
وصيت شيرين وشغلت الها التلفزيون ورحت
كان باقي ببوجهي اثر مكياج وكحل من البارحه غسلته بس مراح بسهوله
تمنيت اشوفه لسلطان شكد مشتاقتله
رحت مدرستي القديمه وجبت وثيقه وبعدين صعدت سيارات ورحت للاعداديه وكملت التسجيل هلكت
الساعه تقريبا فوك ال 10 الصبح كانت اكو مكتبه
وبيها تلفون طلبت من صاحبها اخابر
دكيت رقم سلطان يدك ومحد يرد
رجعت دكيت مرة لخ ردت بنيه كتلها ممكن تصيحين سلطان حسيت بيها ضاجت وبقت تصيح بمياعه سلطان ياااسلطان
قلبي بده يرجف وعيوني دمعت شكد مشتاقتله حبيبي
رد كال الو منو وياي !
حجيت بصوت ناصي سلطان اني ناديه اريد اشوفك هسه
ناديه !
أنتي وين !
انطيته العنوان وكلي دقايق وجاي لاتتحركين شكد فرحت
المكتبه مقابيل الإعدادية ماتتيه
طلعت برة المكتبه كشك صغير اشتريت بطل عصير ريكي نشف
كعدت عل الصبه بالكاع خفت اتأخر على البيت وبنفس الوقت ملهوفه لشوفت سلطان
تقريبا ربع ساعة نزل سلطان من التكسي
واجه يركض
اخذت جنطتي ونكثت ثوبي وكفت تمنيت احضنه بس خجلت من الناس هواي طلاب وطالبات
بقه يباوعلي مستغرب
لبست نفس لبس البارحه الثوب الاصفر
حسيته ضاج يمكن لان ببوجهي اثر مكياج
اشرلي مشينه سوة ونحجي بصوت ناصي اثنيننه
سلطان شنو مامشتاقلي !
احجيلي ناديه هوايه شغلات ضامتها عني
مااعرف انتي منو ؟
انتي ناديه اللي حبيتها !
ليش هيج تكول سلطان شنو اللي تغير موخابرتك هسه وتحملت كلشي حتى اشوفك !
دخلنه بحدايق وشجر لزم ايدي ودفعني على شجرة لزك بيه خوفني
فرك كف ايده ببوجهي وكان غاضب
شنو هذا اللي ببوجهج ناديه !
وضحيلي !
اهدأ سلطان لاتفضحنه وخرّ عني شويه مو هيج
تلفت يمنه ويسرة وكان ينافت ومرتبك كلي ماكو احد لاتخافين ورجع باسني بشفايفي من كثر ما مشتاقتله خدرت ومعت لزمني بده يضحك دكوليها أحبك واموت عليك بنت الاوادم مو دمرتيني خله راسي بحضنه وبقه يشم بيه واني ارجف ولازمه ياخته بكل قوتي وأشم بي ياويلي شكد أحبك واموت عليك
بعدها لزم ايدي ورحنه تمشينه لمطعم قريب للعوائل بي مكان خاص كتله سلطان خليني اخابرهم من المطعم للبيت حباب انتظرني دقايق
رحت خابرت ردت شيرين وكالت نور طلع هو وضيّ وراج وماسالوا عنج
واني هسه وحدي
كتلها حبيبتي لاتخافين مااتاخر عليج نص ساعة لو ساعه
ومن اجي اجيبلج غده ووصيتها متفتح الباب لاحد غريب ولاتطلع
رجعت لكيت سلطان طالب الاكل
الريحه طيبه الله سلطان صدك جوعانه لزم ايدي كلي والله متاكلين قبل لاتحجيلي من البداية اريد اعرف كلشي
دنه الكرسي يمي وبقه يعاين عليه بلهفه
لزمت ايده ماشي حبيبي احجيلك
اويلي هسة اصرخ والم الناس عليه
ضحكت ليش يمجنون !
عصر ايدي وهمس باذاني احبج واعشق كلمه حبيبي بصوتج الرجولي
سلطان شنو هاي كافي تتشاقه ترة ازعل
لا يمعوده دخليج ..
سلطان كلي انته اول منو البنيه اللي ردت عليه بالتلفون ؟
تحسر ...
اااه يناديه ..
ارجوج ...
لاتغيرين الموضوع وسولفيلي شنو السبب اللي خلاه اخوج يضربج وليش تتهربين مني وشنو هالمكياج اللي مخليته لاتكليلي انخطبتي !
اي سلطان للاسف انخطبت
ضرب الميز وصاح شنو !!
رجع نصه صوته وحق ربج اذبحه
سلطان أهده خل افهمك
رجع لمس شفايفي باصبعه
اني شكتلج ناديه تتذكرين شكتلج
اتذكر سلطان صدكني مانسيت أي شيء حبيبي اصلا اني #لأني أحبك ضحيت بكلشي وتعذبت علمودك محد يتجرأ يلمسني غيرك حبيبي
اااخ منج ... كلامج هذا مطمنني ومصبرني عليج
شال ايدي وباسها ناديه أوعدج اعوضج حبيبتي بس انطيني وقت هسه مااكدر اجي واخطبج بعد مشوار الدراسه طويل وانتي لازم تحافضين على نفسج ومتوافقين على الزواج من اي واحد افتهمتي !
سلطان اني هم رفضته وارفض كل واحد غيرك لأني أحبك يمجنون ..
اااه منج شكد احبج ...
ظل يوكلني بيده
كان طالبلي كباب وكبه وسلاطات
تمنيت ابقى وياه عمري كله ومافارقه لحظه
حجيتله مختصر عن اللي صار ووعدني يحميني وميخلي أحد يأذيني
ملكني بغرامه وبكلامه وبشهامته وبكلشي سيطر عليه
خلاني تعلقت بي وصار الهوة اللي اتنفسه ..
يتبع....
