#ﻷني_احببت.tt
》》》البارت20《《《
««الاحداث الجايه تعالج قضيه تعاني منها نسبه 20% من البنات اللي يتزوجون بأشخاص غرباء ويعانون من تعتيم وتكتم للموضوع من قبل الأهل والمجتمع فقط لمجرد الخوف من كلام الناس وتوجيه اللوم على الضحيه اللي هيه للاسف .. العروس ...
أرجو من القارئ والمتابع تقبل الاحداث الواقعيه الجريئة 🔞
وياريت تترك تعليق مناسب »»
...
مجرد مادخلت غرفته قفل الباب ونزع ملابسه كلهن
شفت الغرفه كبيره وجاهزة كانت وماعايزة شي
ومخلي طاوله بالكاع بيها بطاله عرك (خمر) وكلاصات ومواعين مليانه كرزات وحلويات وفواكه
استغربت ..
واستغربت أكثر انه وحده يسكن هنا وماكو احد وياه التفت شفته بهالمنظر
خجلت كلش من منظره عاري دنكت وبقيت ارجف كلي نزعي
ماادري شرد عليه ريكي ناشف بديت انزع ببطء وهو مستعجل بده ينزعني بقوة
خفت منه اكثر فررني بسرعه وحضنني من وراي بقوة
بعدها جاب قطعه قماش شدها على جسمي وكلي ركصي
كتله حباب على كيفك وياي
صرخ ببوجهي
دا اكولج اركصي
ياربي وقف قلبي من الخرعه
راح شغل مسجل كاسيت ورده الجزائرية "بتونس بيك" والصوت كلش عالي
بديت اتحرك من الخوف
عمري ماركصت ومااعرف هالسوالف بس بزواج نور ركصت ويه ضمياء كانت تسويلي واهس
دموعي نزلت والكحل ساح والمكياج تخربط ولا تأثر ولا اهتم
عيونه تلهب نار على جسمي
متت من الرعب
بعدها بده يشرب ويركص وياي كلما اوكف يرشني خمر من البطل اللي بيده ويصرخ ويضحك بهستيريه
ماادري شكد بقيت ساعه ولا اكثر كتله حباب تعبت
انتبهتله خلص أكثر من بطل كلت بلكي يسكر ويتعب لويوكع
والكه فرصه اشرد مننا
ياربي دخيلك شورطت نفسي
انتظرت لحد ما خلص الكاسيت لزمني ضربني واني ماقصرت هم ضربتها ورديتها اله السافل بس كان اقوى مني
بقيت اصرخ واصرخ واصرخ ..
وسوى بيه اشياء مقرفه غصب ..
ماوارده بأي ملّة من المللّ____XXX__
وشمرني بالكاع
رفسني وكعد تعب ...
صارت الساعه بال 3 بليل ختلت بزاويه الغرفه وارجف وجسمي مبلل وقذر ماقبل البس ملابس ولا اروح اسبح ولا اتحرك من مكاني انتظرته علما كمل الشرب ماله ونام بالكاع عريان وبيده آخر بطل
تأكدت منه تعب ونام تسحبت بهدوء لبست روب حمام معلك
مالحكت افتح جنط هدومي
وبقيت ادور على مفتاح الغرفة مقفول
ياربي دخيلك ساعدني
ارجف وخايفه يفز ويرجع يكرر اللي سواه بيه
حبست النفس وأنشغ من الالم والرعب اللي عشته بهالكم ساعه ويه هالشيطان
اخذت سكينه وبقيت افتح بقفل الباب المفتاح ماكو مااعرف وين خلاه غضب الله عليه
بقى يون ويفشر ويسب هو و مغمض
كسرت قفل الباب وطلعت ركض للشارع مثل المجنونة
انتظرت سياره ماكو الشارع فارغ
خفت يلحكني
الجو بارد لان زواجي كان بدايه شهر ال 12 والرجفه اللي رجفتها يبستني
ماحس برجليه حافيه واركض
شفت فلكه ومكان مرور ركضت بكفشتي ووجهي مخربط مكياج ودموع ولطم
ختلت بيها فارغه علما يطلع الفجر بلكي تجي سيارة
لفيت نفسي كانت اكو سترة بالكرسي لبستها وبعدني ارجف وادعّي على هالسافل إياد ليش هيج سوى بيه مريض نفسيا وحقير
ماادري وره شكد طلع الفجر بدت السيارات تجي كمت اشرت لواحد وكف
ركضت الحمد لله رجال كبير طالع على باب الله
كتله عمو الله يوفقك اني عروس اليوم متزوجه وشردت منه ضربني ح يقتلني
وديني لأهلي لخاطر الله
خاف مني
أبوس ايدك اذا متصدكني تعال وياي دك بابهم وتأكد
صعدني وبقه يعاين ببوجهي بالجامه
واني ارجف وانشغ
وصلت بقى واكف ابو التكسي علما ياخذ اجرته
كسرت الباب والجرس
طلع نور حضنته حسيت بأمان
تخبل من شافني وصرخ
نااااااديه !!
كوه حجيت كتله حاسب التكسي ووكعت شالني دخلني لجوه
وبعد مااحس بنفسي شيرين على راسي تبجي وتلف بشعري وضيّ تمسح ببوجهي بكلينس نور واكف ومصدوم ممستعوبين شلون هيج رجعت وشنو اللي صار !
بعيونهم الف سؤال
شهكت وكعدت لزمت شيرين كتلها جيبلي من ملابسي القديمه
وديني للحمام ورجعت ابجي واملخ بنفسي
ركضت جابتلي تراك قديفه ونور شالني للحمام
سبحت ورشيت بطل الشامبو كله على رأسي وجسمي وغطست بالحوض (البانيو)
تمنيت اغرك واخلص من حياتي
نفسي لعبت منه شكد احس بنفسي قذرة اريد ريحته تروح مني وقذارته وكلما اتذكر ارجع ابجي
من طلعت تلفلفت ببطانيه وطلبت من ضيّ وشيرين يطلعون ولزمت أيد نور
حضنني وكلي أهدي الصبح اروحله وافتهم منه
شهكت لاااا ...
نور لاااتروح ...
همست بإذنه نور روح كلف محامي يطلكني منه
وحتى اذا يريد فلوس انطيه
شنو ناديه شدا تكولين انتي !
نور مثل ما اكولك مارجعله بعد
نور هذا شاذ افتهمت ولطمت على وجهي
كلي اششش أهدي ..أهدي ..
خله راسي بحضنه وباسني
اني اتصرف بعد أهدي ..
بس أنتي ابقى هنا لاتتطلعين منا عرفتي
شكد حسيت بأمان من كلام نور ...
اريد بس أحس بدفو غطيت رأسي وشيرين رجعت غطتني ببطانيه ثانية وحضنتني
حبيبتي شكد اشتاقيتلج
لزمت ايدها
شيرين بعد مااعوفج ح ابقى هنا لآخر يوم بحياتي
ومستحيل اغلط وارتبط بعد اللي صار وياي الليله ..
... يتبع ..
