#ﻷني_احببت.tt
》》》البارت15《《《
/ملاحظة :-
الاحداث بيها جرأة من الواقع 🔞
مع لمسات من قلمي العاشق 👍
...
نظراته كانت تختلف عن كل مرة !
اقتربت منه عاملني ببرود
اخذت نفس وحجيت
شلونك سلطان ؟
تنحنح وباوع لساعته
اشرلي ندخل
حسيت بي زعلان مني
دخلنه كعدنه ..
عاينتله متوتر ويفرك بيده وكل شويه يعاين بساعته إجه الصانع كله سلطان بس عصير جيب منريد اكل
اقتربت منه سلطان شبيك !
هااا ..
ماكو شئ ..
جريته من ياخته
لا اكو شئ سلطان
انته مو سلطاني حبيبي !
عرك وتوتر وبقه يمسح بكصته
سلطاني ليش تعاقبني حرام عليك
يعني لو نتزوج بالسر لو تعوفني !
اقتربت منه اكثر وبديت اشمه
كومني من الكرسي وجرني من متني
ظل ينافت ويرجف كلي بعصبيه ... امشي وياي
وين !
امشي دا اكولج
مااعرف شحسيت
بس مبين كان مشتاقلي وملهوف عليه كلش ولهفته جننتني
اخذت جنطتي وطلعنه بسرعه
لزمني من ايدي ومشى سريع
سلطان على كيفك !
امشي مااكدر اشيلج بنص الناس امشي حبيبتي عجلي
مسافه مشينه ..
اكو سياره ولد واكف صعدني بيها بالصدر واخذ السويج من الولد وصعد ساق السياره قفل الباب
شنو هاي سلطان !
وين ماخذني ؟
ظل ساكت ينافت ويسوق سريع
اقتربت منه وحضنت زنده ميهمني وين يأخذني اهم شيء ابقى وياه
كان لابس شيرت بني فاتح ردن
وانفاسه دافيه
ماهمني شي غير بس ارضيه
باسني برأسي وقللّ سرعه
تحبيني ناديه !
اموت عليك سلطاني وحبيبي انته
ظليت اشم بزنده وامسحه بخدي
وكف السياره لزمني من ركبتي ملخني بالبوس
سلطان اهده خاف أحد يشوفنه
محد يشوفنه مكان آمن
اذا تخافين ارجعج وبعد متشوفيني
سلطان اموت والله مااكدر على فراكك
وبعدين وخر دفعته
ضحك شبيج حبيبتي !
ليش انته تعاقبني وتعوفني زعلت منك
ااااه منج سحبني وشبكني حييل وبقه يبوس بيه شكد احب دلالج وانوثتج
انتي السبب ماخلتيني اشرحلج واوضحلج وزعلتي وعفتيني
مااكدر اكمل وياج على هالبرود ناديه
لا سلطان فدوة اقتلني ولا تعوفني
اااه يناديه لو اكدر اعوفج جان عفتج من زمان
احبج ...
اااه من الحب ...
بقينه ساعه ماادري اكثر مندمجين سوة وتوجّنه علاقتنا ببوسات واحضان ولمسات كلشي صار بيننا بدون حساب مسبق حبيت اللي يسوي سلطان لأن هو ملكني ومحد راح يملكني غيرة
....
كوه عافني ...
بس سلطان تأخرت فدوه ..
...
رجعني للبيت وراح ..
واتفقنه نتلاكه دائما بس مو كل يوم حسب ما كال عنده ضروف واخذ نص قلبي وياه وراح ..
اااه ... شلون عودني عليه
جنني بحبه وسوالفه ...
...
رجعت للبيت سبحت وبدلت ملابسي نسيت سالفه نور وهذا دريد
سألت شيرين كالت نور اليوم عصبي وكل شويه يصرخ على ضيّ ويتعارك
وهسة ضيّ عد اهلها
ياربي ميصير اكمل فرحتي فد يوم
كعدت امشط
شيرين اجت صافنه ببوجهي
ناديه !
شنو ؟
شبي حلكج احمر !
ووجهج !!
شنو كنتي حاطه مكياج !
هااا !
صدك عاينت وجهي خرب إبليسك سلطان شسويت بشفايفي
خليت مكياج خفيف حتى لايبين شي وكلما اتذكر احس بلهفه الحب والشوق للقاءي بسلطاني وحبيبي
سمعت صوت نور طلعت للصاله
حجالي شلون راح تعارك ويه دريد وهدده يشتكي عليه
ومن رجع بقه يتعارك ويه ضيّ وهسه زعلانه عد اهلها
الحمد لله بعده ما منتبه لعلاقتها بي وخياتتها
كلي خليها عد اهلها تتأدب
ماشي نور أهده
خليني اسويلك لكمه تاكلها لو جاي
صفن ببوجهي
هذا شنو هالمكياج شطالعه شعدج !
خجلت ..
هاا نور ...
والله ضايجه شخبطت ببوجهي شويه
رحت للمطبخ وخفت يحس بيه
اااخ منك يسلطان وتاليها وياك
...
مرت الايام وكانت علاقتي بسلطان كل يوم احلى من اللي قبله
بالبيت اشغل نفسي أدرس شيرين
ومرات ادرس مااستوعب دروسنا صعبه
وضيّ بقت عد اهلها
وسلطان كل ثلاث ايام لو اربعه يالله يجي وياخذني من بعد الدوام لو للمطعم لو بسياره صاحبه نقضي وقت مع بعض
لحد إمتحانات نص السنه اتفقت وياه بعد الامتحانات نتلاكه حتى نتفرغ ندرس ومن يروح نور للدوام أخابره بليل ساعات ومرات يدرسّني لان كان شاطر ويساعدني بحل مسائل الرياضيات والفيزياء
خلصت الامتحانات بصعوبة وكنت اشوف نور من يجي بأجازته متألم ومهموم بسبب فراق ضيّ
بالعطله اتفقنه نتلاكه ضروري اشتاقيتله كلش وهو كان مشتاقلي اكثر
بس شيرين شلون اعوفها وصيتها الصبح الف وصيه وطلعت لبست ثوب ردن ابيض وبي نقش احمر ووردي وخليت مكياج وعطر وطلعت على موعدنه اجه بسيارة صاحبه راس الشارع صعدت ظل يصوفر شنو هاي ناديه شطالعه كيكه
غمزلي ...ليش هيج تخبليني عليج
حضنت متنه
حبيبي شكثر مشتاقتلك
وصلنه لمكاننه وكف السياره وطفر من مكانه هجم عليه
هالمرة كان ملهوف كلش
وسوة أشياء جريئه
تمادى وخوفني منه
لا ... سلطان ... لااا
دفعته وضجت حسيت بي زودها
كتله رجعني سلطان لهنا وبس
عدل ملابسه ورجع بمكانه فتح جام السياره بقه ينافت ويمسح ببوجه اني هم عدلت نفسي وتتدنيت عنه
آسف ناديه ..
ماريدك تتأسف
رجعني اني اللي غلطانه وثقت بيك هالكد
درت وجهي وبعد ماباوعت بوجهه
حرك السياره وشغل كاسيت اغاني هيثم يوسف وبقه يدحج برجلي
كل شويه يتنحنح
وكف السياره
سلطان رجعني
ارجعج شبيج قابل ح اخطفج !
عايني بعيوني
جرني دا اكولج عايني بعيوني
عوفني سلطان كافي اللي دا نسوي غلط
اذا تريدني تعال اخطبني فاتح اهلك بالموضوع واني اقنعه لاخويه نور
ناديه شدا تكولين مجنونه انتي !
شنو مجنونه !
#لأني أحبك واريدك تصير زوجي
اريدك حلالي
هه ... معناها تريد تتسلى !
لا ناديه وداعتج مااتسلى
لعد شنو ؟
اسمعيني
حبيبتي انتي ..
اني كتلج مااكدر الا اكمل مشوار الدراسه على الاقل نوصل للكليه يابعد روحي
مااعرف سلطان دبرها مال تلمسني هيج بدون ارتباط مستحيل
ماشي ناديه
أني غلطان اعتذر
دار وجهه عني وحرك السياره
صرخت وكتله ياربي سلطان انته ليش هيج تعذبني
هسة اكيد تزعل وتعوفني ايام اتعذب بفراقك !
رجع وكف السياره ودك هورن
لزمت ايده طرمني
سلطان ... بس يمجنون
ناديه شتريدن هسه ارحميني !
دمعت عيوني
يالله ... راح تبجي
فتح باب السياره ونزل
نزلت وراه وحضنته
المكان كان قريب من جبال وبارد
خله رأسه على راسي
ومسح دموعي
خليني هسه ارجعج ناديه وبعدين نتفاهم انتظر مكالمه منج بليل
هزيت برأسي أي ...
صعدنه بالسياره
رجعني وراح ...
حسيت باحساس غريب ماادري ليش
كأنما بعد هاللقاء ح يصير شئ جديد
يغير علاقتنه ...
يتبع ....
