#ﻷني_احببت.tt
》》》البارت21《《《
ماصدكت طلع الصبح وفتحت عيوني ببيت بابا واللي أحبهم محاوطيني
اتفقنه نور يروح للمحكمه يشتكي على إياد ويرفع دعوة عليه
المشكله حتى اوراقي ومستمسكاتي بقت بجنطتي عنده بغرفته
وضيّ خلت شيرين واولادها عد أهلها وقفلنه البيت وطلعنه للمستشفى سويت فحص والدكتورة اللي كشفت عليه حجيتلها كلشي تعاطفت وياي وتكفلت بكتابة تقارير طبيه تنفعني بالقضيه اللي ح ارفعها على هذا الشاذ والمريض النفسي
اخذت علاج وادويه للظهر رجعنا لبيتنا وضيّ على أساس تخابر شيرين تجيب زين وياسمين وترجع
شفت بالباب هذا المجنون إياد موكف سيارته ويكسر بيها ويصرخ ... نااااديه ..
متت من الرعب ضيّ هم خافت
كالت امشي ناديه نروح لأهلي قبل لايشوفنه
التفت وراه شافنه عيونه دم من الغضب إجه يركض وضربني بالشارع وضيّ بقت تصرّخ
كان يغلط ويفشر ويسب ويلعن
التمت الجهال وكم واحد من الجيران
بقيت ادفّع بي اريده يعوفني
كتله لو تموت ماارجعلك عوفني وأصرخ سحلني لسيارته
دفعته ..
كتلك ماارجع وبيننا محاكم
هه تخبلتي ليله واحدة ودخلتي المحاكم بيننا لعد لو سنه شتسوين !
بعده لازمني من زندي
بقيت ادفع بي واصيح اااي هدني وخرّ
ضيّ طلبت من الجيران يساعدوني
إجه كم واحد وبقوا يحجون وياه عوفها متستحي تتهجم على مره بالشارع ! عافني وظل يتجادل وياهم هربت وركض للبيت دخلنا ضيّ قفلت الباب ومصدكت اخلص منه ختلت بغرفتي وتلفلفت وبقيت ارجف اتخيله يطلعلي من الحايط ويهجم عليه
اسمعه بعده يصرخ ويضرب بالباب ضيّ اجتني تملخ بخدودها ولج ناديه اسمعه يكول ماروح منا اذا متتطلعين
كوه احجي وكل شويه أجر نفس
ضيّ فدوة خابري ابوج لو الشرطه الله يخليج وابجي
ياربي وين صار نور وأنشغ
وجسمي كله أنشلّ
ركضت ضيّ خابرت أهلها
وره شويه اجت لج لحكي ناديه اسمع صراخ زلم بالشارع !
ركضت وياهه لبرة جان نشوف نور وابو ضيّ والجيران كلها تتماطل وتتعارك ويه هالسافل إياد
شفت نور خشمه بي دم لطمت وصيحت
لعنة الله عليك إياد .. غضب الله عليك
شافني اشرلي بغضب بسيطه ناديه اني اعلمج ياشريفه يابنت الإشراف تفل عليه كدام الناس وراح بسيارته دخلنّه نور وابو ضيّ كله امشي عمي لمركز الشرطة نشتكي عليه
ماقبل نور
ضيّ بقت تبجي وتعاينلي بحقد كأنما تحاسبني لأنني السبب بكل هالمشاكل والطلايب
الحمد لله شيرين والجهال مموجودين وما شافوا اللي صار ..
نور كال كلفت محامي وهو يتصرف بس هذا المجنون يكدر كلشي يسوي ويتهمج باي تهمه بما أنج كاسرة قفل الباب
بقيت محتاره والوم بنفسي عل اللي جرة وصار ياريتني بقيت عانس وماورطت نفسي واهلي بهالورطه
....
بقيت هالمده كلها تقريبا شهر كامل ما طلعت من البيت مصدومه وممرتاحه أدعّي عليه ليل نهار الله يفضحه وينتقم منه
الله يعلم على كم بنيه مسوي هالجريمه وكم وحده كانت ضحيته
الف الحمد لله والشكر اللي خلصت منه هربت ونجيت ..
بعدها تخلصت من كل الشغل اللي عندي
اتصلت بأم همام ودزيته الها وماعدت اشتغل ولا استقبل احد بالبيت وحتى أم نرجس إجت وطردتها ساعه السوده اللي شفتها وآمنت بيها
القضية بقت جاريه بالمحكمة والتقارير عند المحامي كل اللي كدر يسوي طلكني ببلاش منه بدون لامؤخر ولا ذهب ولانفقه الحمد لله فلوسي بقت عد شيرين ماخذتها وياي وذهبي القديم
حتى ملابسي رجعتلي من عنده متمزكه ومشككه على أساس ينتقم مني هذا المريض بس مستمسكاتي كدر المحامي يجيبها وسجلي تعهد بعدم التعرض بعد ماشوّه سمعتي كدام كل الناس وطلّع عني اشاعات بأنني مو بنت شريفه وأنني سىرقته وهربت ..
بقيت كدام الناس مطلقه ومجرده من كل حقوقي بس ... لأنني إمرأة بمجتمع الاسلام اللي مينصف حق كل وحده تشتري حريتها وشرفها من مجانين وظلّام الدنيا ...
مرت الشهور والسنين وشيرين كبرت ونجحت من الثالث متوسط وعلى اساس تسجل بالاعداديه
وزين صار بالمدرسة صف أول ابتدائي
واني كنت اشتغل شغل خفيف بس لمشغل ام همام مااكدر تعبت وصحتي مو مثل قبل وصدمة زواجي الفاشل سببلي رهبه من التعامل ويه الآخرين ..
جمّعت فلوس فوك العندي وتقاعد بابا كلت يفيدن مااعرف الدنيا شضامتلي ..
بالعطله الصيفيه نور اخذ إجازة وسافر ويه ضيّ لدهوك والموصل يصيف هناك ورحله سياحة يبقون أسبوع لو أكثر
اخذوا بس ياسمين وياهم
واني قررت اروح ويه أم همام كان عندي اتصال مستمر بيها بالتلفون
وعرضت عليه أروح أغير جو وأتونس وفرصه أطلع من جو الكآبه والعزله
كانت عدهم منشأة كبيرة رحله جماعيه للعوائل للحبانيه والرزازه وبعدين جوله يرجعون لبغداد
عمري مازرت بغداد بس أسمع بيها أشوفها بالتلفزيون كانت جنة وحلم كل عراقي يتمشى بشوراعها
تركت خبر لنور وحضرت جنطنه و ملابس لزين وشيرين
وكانت كلش فرحانه لأنها أول مرة تسافر وتطلع من السليمانية
سجلت بالرحله حجزت واتفقنه تطلع السياره من مقابيل المدرسة الابتدائية اللي يمنه الفجر
زين عمره سبع سنوات وكان كلش محبوب ولسان وحرّك ونسنّه بالطريق
شيرين هم كانت كلش حلوة وبقمة انوثتها وشبابها عمرها 16 سنه
واني عمري 24 سنه وأحس بنفسي عجوز بالخمسين تعبانه نفسيا وجسديا
وبعد آخر حدث مرّ عليه كرهت كل رجال على وجه الأرض وماعندي تفكير غير بس بسعاده شيرين شكد اتمنى تتعرف على شاب يستاهلها ويحبها ويداريها
كنت اشوف كل واحد يعاين عليها بنظرة إعجاب واتذكر نفسي من كنت بعمرها
...
يتبع ...
