UNICODE
မနက်စောစောစီးစီးကတည်းက ဟောဒီ
အိမ်ဝင်းလေးထဲတွင် အလုပ်ရှုပ်နေကြသည် ။
"သား ကောင်းကောင်းမွန်မွန်ပညာသင်ခဲ့ရမယ်နော် "
"ဟုတ်ကဲ့ .. ဘွား "
"ငွေကြေးအသပြာကိစ္စလည်း စိတ်မပူနဲ့နော် .. တစ်ခုခု လိုအပ်ရင် ပိတ်ရက်ကို ဘွားဆီ ပြေးလာခဲ့"
"ဟီး .. လာမယ် ဘွား "
အလွန်စိတ်ပူပန်နေပုံရသည့် အဘွားဖြစ်သူကြောင့် သူက လုံးဝ
စိတ်မလှုပ်ရှားချင်ယောင်ဆောင်နေရသည်။
ကျောင်းဝတ်စုံတွေကို သေချာထုပ်ပိုးနေရင်းနဲ့မှ
ရယ်မောကာ စိတ်မပူအောင် အမျိုးမျိုး ကြံဖန်ချော့မော့နေရသည် ။
"ဟိုရောက်ရင်လည်း မရှိသလိုသာ နေနော် "
"ဟုတ် .."
"သားက စာပေပညာရပ်မှာ ထူးချွန်လွန်းလို့သာ အဲ့ဒီကျောင်းတော်ကို သွားရတာ ..ဘွားဖြင့် ရင်မောလိုက်တာကွယ်။ ဟိုကဖြင့် လူကြီးမင်းတွေ၊သူဌေးမင်းတွေရဲ့ သားတွေချည်း.. အနေအထိုင်မတတ်တာနဲ့ လည်ပင်းပေါ်ဓားရောက်မှာ.. ဖွဟဲ့"
"ကောင်းပါပြီ ဘွားရဲ့ .. သား ဂရုစိုက်ပါ့မယ် ..
Park Jimin ဆိုတာ ဘယ်သူမို့လို့လဲလို့ "
"အဲ့ဒီ စာမေးပွဲကြီးကို တိတ်တဆိတ်သွားဖြေခဲ့
တာကိုက ရိုက်ချင်တာ ..သိလား Park Jimin"
"ဟီး .. ဒါပေမဲ့ ဟောဒီနယ်တစ်ခွင်မှာ
အထူးချွန်ဆုံးဂုဏ်ပုဒ်နဲ့ အောင်မြင်ခဲ့တာပဲ
မဟုတ်လား .. ဟိဟိ "
"ငါ ထရိုက်လိုက်ရ ..တော်ပြီ .. တော်ပြီ
သွားတော့ အချိန်တောင် တော်တော်လင့်နေပြီ "
"ဟုတ်ကဲ့ ဘွား ကျန်းမာအောင်နေရမယ်နော်
သား ပိတ်ရက်တိုင်း လာမှာ.. စိတ်လည်းအရမ်းပူမနေနဲ့ဦး .. "
"သြော် .. နေဦး .. သား
ရော့ .. ဒီမှာ "
ဘွားက ခေါင်းရင်းသေတ္တာထဲမှ တစ်ခုခုကို
ထုတ်ယူလိုက်သည် ။
သူ အဝတ်ထုပ်ကို ပိတ်စအကြီးဖြင့် သေသေချာ ချာချည်လိုက်ပြီးနောက် အဘွားဖြစ်သူရဲ့ အရှေ့တည့်တည့်မှာ ဝင်ထိုင်လိုက်သည် ။
YOU ARE READING
တော်ဝင်ချစ်သက်သေ [JIKOOK]
Fanfic[Unicode+Zawgyi] ဆောင်ကျန်ကွမ်ကျောင်းတော်ကို ဗဟိုပြုပြီး ပေါ်ပေါက်လာတဲ့ ကျောင်းသား ခုနှစ်ယောက်ကြားက ဇာတ်လမ်းလေးတစ်ပုဒ် ေဆာင္က်န္ကြမ္ေက်ာင္းေတာ္ကို ဗဟိုျပဳျပီး ေပၚေပါက္လာတဲ့ ေက်ာင္းသား ခုႏွစ္ေယာက္ၾကားက ဇာတ္လမ္းေလးတစ္ပုဒ္ _9 April / 2018 _ 🟣 sorry...
![တော်ဝင်ချစ်သက်သေ [JIKOOK]](https://img.wattpad.com/cover/144405048-64-k918861.jpg)