انتهى احمد من تلقي التهاني من زملائه ؛فعاد ومعه حسام إلى حيث تقف كل من صباح وسارة واماني؛بعد أن انصرف حسين تاركا المكان بالكامل.
احمد:يلا بينا ع البيت عند ي يا جماعه عشان نحتفل كلنا سوا.
حسام:لا انتو حتيجوا عندي كلكوا؛انا اللي لازم احتفل بيك النهارده.
اماني:ايوه طبعا لازم تيجي معانا عشان نعملك حفلة صغيرة عندنا.
احمد:معلش يا حسام؛خليها عندي المرادي؛اكيد ماما عايز ه ترتاح من السفر؛دي جت من الصعيد على الحفلة علطول.
صباح:لا؛احنا حنروح كلنا عند حسام؛بس الاول وصل سارة على البيت وحصلنا عشان عايز اك في موضوع مهم.
اماني:طب وسارة ما تجيش معانا ليه هي كمان?اصل انا عندي ليكو خبر حلو كنت مخلياه لبعد الحفلة؛يا ريت سارة تكون موجودة عشان تسمعه هي كمان.
صباح:لا؛احمد حيوصل سارة البيت وبعدين يرجع؛انا عايزاه لحاله
احمد(بإندهاش):خير يا امي;موضوع ايه ده اللي انتي عايزاني فيه؟
صباح:جلتلك وصل سارة الاول وتعالي نتحدت.
سارة(بإحراج):انا ممكن اروح لوحدي ما فيش مشكلة؛وتقدروا تتفضلوا انتوا.
احمد:لا يا سارة؛استني انا حاوديكي عند مامتك الأول وبعدين اروح عند حسام.
صباح:انا مستنظراك عند حسام؛ماتعوجش علينا.
احمد:ان شاء الله مسافة السكه واكون عندكوا.
حسام:احمد لو سمحت عايزك ف كلمة قبل ما تمشي.
احمد:ماشى يا حسام؛تحت امرك.
اخذ حسام احمد بعيد ا وحدثه قائلا:امك باين عليها عرفت حاجة يا احمد؛شكلها مش طبيعي خالص.
احمد:وهي حتعرف منين بس يا حسام؟
حسام:انا لمحت الزفت اللي اسمه حسين واقف معاها من شوية.؛ممكن يكون قالها حاجة.
احمد:وهو حسين يعرف سارة منين بس?
حسام:مش عارف؛امال حيكون فيه ايه بس؟دي ما قالتلكش مبروك؛وكمان مش عايز ه تتكلم قدام سارة؛يبقى فيه ايه بالظبط؟
احمد:مش عارف؛وعموما حتى لو عرفت حاجة انا ما بقتش تفرق معايا اساسا؛خلاص هي خربانه خربانة.
حسام:طيب يلا عشان ما نتأخرش عليهم اكتر من كده.
......................
اما حسين الذي اشعل شرارة المعركة بين صباح واحمد;فقد ذهب إلى الموعد المتفق عليه ليتسلم المبلغ الذي تم الاتفاق عليه؛تمهيدا لتنفيذ الاتفاق بالكامل؛ولكن ما لم يكن يدور بخلده ان مباحث الأموال العامة كانت هناك في إنتظار ه;إلى ان حانت لحظة تسلم المبلغ من الرجل الآخر ؛حينها باغتته الشرطة ليتم القبض عليه متلبسا ومن معه؛ثم اقتيدا إلى قسم الشرطة لبدء التحقيق معهما؛ومواجهتهما بالتسجيلات التي تمت.
..................
اوصل احمد سارة إلى بيت والدتها؛ثم عاد ليجلس بصحبة امه وحسام واماني في منزل حسام.
احمد:خير يا امي؛موضوع ايه المهم اللي كنتي عايزاني فيه؟
صباح:انا حاتحدت جدام جوز اختك وصاحبك عشان انا متأكدة انه عارف كل حاجة.
حسام:هو ايه ده اللي انا عارفه بالظبط?
احمد:فيه ايه يا امي ما تفهمينا.
صباح:فيه اني عرفت حجيجة الست مرتك؛والحادثة اللي انت خبيتها عنينا؛هيا دي اللي وجفت جصادي عشان تتجوز ها يا احمد؟هيا دي اللي سبت بت خالك عشانها؛واستغفلتني زى صاحبك مابيجول.
احمد:صاحبي مين؟
صباح:ماليكش صالح؛رد عليا؛الكلام ده مظبوط ولا لا؟
احمد:ايوه مظبوط؛بس انا برضه عايز اعرف مين اللي بلغك؟
صباح:هو ده المهم عنديك؛ومش مهم المصيبه اللي عملتها دي؛حطيت راسنا ف الطين يا احمد؛رايح تتجوز واحد ه زي دي ليه؛كانوا البنات خلصوا من الدنيا إياك.
اماني:انا مش فاهمة حاجة؛هو فيه ايه بالظبط وحادثة ايه اللي بتتكلموا عليها دي؟
صباح:اسألي جوزك وهو يجولك؛ولا فاكرني حاعديهاله دي كمان.
احمد:وهو حسام غلط ف ايه؛وانا غلطت ف ايه؛ولا حتى سارة هي كمان غلطت ف ايه؛فيها ايه لما اتجوز انسانه واسترها وامنع عنها الفضيحه؛مش دي الأخلاق اللي انتي ربتيني عليها؛جايه دلوقتي ترجعي ف كلامك ليه?عملت ايه سارة يعنى عشان تاكلمي عنها كده؛دي كانت حادثة اغتصاب؛يعنى غصب عنها.
وضعت اماني يدها على فمها لتكتم صرختها قبل أن تقول:اغتصاب .
صباح:اخوكي المحترم خبي عنينا ان الست سارة مرته؛هيا اللي كانت ف الحادثة اللي اتصاب فيها؛وجاي كمان دلوكيت يجولي غصب عنيها؛اشمعنا هيا اللي جرى معاها إكده؛مايمكن هيا اللي طمعتهم فيها.
احمد(بإنفعال):يا امي حرام عليكي اللي انتي بتقوليه ده؛انتي عندك بنت؛وبعدين الحوادث اللي زي حادثة سارة دي؛بيعدي علينا كتير زيها ؛واحيانا بتكون المجني عليها فيها ست ف سنك كده ويمكن اكبر منك كمان؛وممكن تكون طفلة صغيرة عمرها اربع او خمس سنين وممكن اقل؛مش بس اللي ف سن سارة؛تقدري تقوليلي دول كمان عملوا ايه عشان حد يطمع فيهم؛يا امي المغتصب ده حيوان بيبقي خارج يدور على فريسته؛مش بتفرق معاه الفريسة كتير؛المهم يشبع غرايزه وبس؛يبقى لحد امتي حنسيب الصياد ونحاكم الفريسة؛ونعاملها على انها هيا المجرمة؛انا عرفت سارة كويس وعرفت اخلاقها؛وانتى عرفتيها ومااعتقدش انك شوفتي عليها حاجة وحشة؛يبقى ليه تتهميها الإتهامات دي؟
صباح:انا ما ليش صالح باللي انت بتجوله ده؛ انا اللي عندي حاجوله؛انت حتطلجها وتجدم طلب نجل للصعيد وترجع تعيش معاي وتتجور سماح بت خالك؛وده اللي عندي ؛وماهرجعش فيه واصل
ثم التفتت إلى اماني قائلة:وانتى يا اماني لمي هدومك عشان تعاودي البلد معاي؛مالكيش عيش إهنه.
اماني:ليه يا ماما وانا كمان عملت ايه ؟
صباح:البيه جوزك هو اللي عمل مش انتي.
احمد:عمل ايه حسام عشان تحرميه من مراته؛وتهدي بيته بالشكل ده؟كل ذنبه انه صاحبي يعنى.
صباح:لو كان صاحبك صح؛كان نصحك وجالك لا؛ولو كان خايف عليك كان ع الاجل جالي وانا اتصرف؛انما هو خبي عني زيك بالظبط؛عشان إكده اماني مش حتستني على ذمته يوم واحد.
حسام:بيتهيألي ان حضرتك ما كنتيش حتبقي مبسوطة لو جوز بنتك طلع انسان خاين ومش مؤتمن على سر صاحبه؛ولو احمد مش حيقدر يأتمني على سر ه؛يبقى الاولى انه ما يأتمنيش على اخته لإني ساعتها مش حاقدر اصونها ولا احافظ عليها؛ انا ما عملتش حاجة غلط؛ومراتي مش حتمشي من هنا ولا حتتحرك خطوة واحدة غير بإذني؛ثم التفت إلى اماني قائلا:ولا انتي ليكي رأي تاني يا اماني؟
صباح:ماتردى عليه يا اماني؛جوليله انك مش حتخالفي كلام امك مهما حصل.
اماني(من بين دموعها):انا اسفه يا ماما؛ بس انا مش حاقدر اسمع كلامك وامشي معاكي.
صباح:يعنى ايه يا اماني؛بتختاري جوزك وتبيعي امك.
اماني:انا مااقدرش ابيعك ولا استغني عنك يا ماما؛ بس حسام دلوقتي مابقاش جوزي وبس؛ده بقى جوزي وابو ابني اللي جاي كمان.
حسام:انتي بتقولي ايه يا اماني؟
اماني:ايوه يا حسام؛هو ده الخبر الحلو اللي كنت محضراهولكو بعد الحفلة؛ انا اتأكد ت منه النهارده بس.
احمد:اظن كده يبقي تسيبي حسام واماني ف حالهم ؛وخليكي معايا انا.
صباح:عموما اذا كان ولدي نفسه خبي عني يبجي جوز بتي حيعمل ايه؛وانت بجي عايز ايه يا حضرة الظابط؟
احمد:عايز اعرف انتى عرفتي منين بموضوع سارة;حسين مش كده.
صباح:ويطلع مين حسين ده كمان؟
اماني:فيه واحد زميلكوا هو اللي جه واتكلم معاها لوحدهم؛ انا عارفاه شوفته قبل كده يوم فرحي لما حسام مارضيش يخليني اسلم عليه.
حسام:يبقى هو الزفت اللي اسمه حسين.
صباح:زفت عشان خايف على مصلحته؛ومارضيلوش جوازة زى دى.
احمد(بسخرية):ضحكتيني؛حسين يخاف على مصلحتي انا؛ده حيوان؛ده اندل انسان ممكن تقابليه ف حياتك؛ده كان عايز يلبسني قضية ويدخلني السجن ويضيع مستقبلي؛وانا متأكد انه ماقالكيش غير عشان يوقع مابينا مش اكتر؛وعموما هو دلوقتي زمانه اخد جزائه الحمد لله؛واكيد دلوقتي مرمي ف السجن؛بس والله ما انا سايبه.
صباح:عموما مش دي مشكلتنا؛ انا مش حاعيد الحديت مرتين؛جولت ايه يا احمد؛حتنفذ اللي جولتلك عليه؛وتطلج مرتك وتعاود البلد عشان تتجوز سماح ولا لا؟
احمد:انا اسف اني اقولك انى مش حاعمل كده مهما حصل؛وده برضه اخر كلام عندي.
صباح:يبجي إكده لا انت ولدي ولا اعرفك؛وانت اللي اخترت يا احمد؛وماتلومنيش ع اللي ناويه اعمله.............
يتبع
