جحيمي وناري
خالتي استقبلتني كالعاده بالكلام الماله داعي ..
لا اني رديت ولاهو ..
امه تحجي وهو وجهلي الكلام ..
لاتسوون عشه اني طالع اجيب بس صعدي بدلي ونزلي سوي زلاطه وحضري شوفي شعندج ..
هزيت راسي ..اي .. ومشيت اصعد لغرفتي ..
هاشنو الخاتون المدلله مابيهه حيل تطبخ من الطلعات والسفافه ..
التفت عليهه علي كاللهه ..
يمه البنيه مريضه عوفيهه بحالهه رحمة لوالديج ..
من شنو مريضه شغلناهه لو دسنالهه ع طرف ..اشو الغده اختك سوته والعشه هاي انت راح تطلع تجيبه ..
استغفر الله ربي ..
شنو يمه تستغفر بوجهي شفت گدامك شيطان ..
العفو يوم مو هيج ..
دروح روح انت بعد خليت بيهه اعتبار لأمك ..
علي ..فتحت عيوني متعجب من كلامهه ..
صفكت ايد بايد وطلعت ..
تعشينه وكملنه وصعدت لغرفتي شويه وصعدت ورايه جلنار ..
تمددت ع الجربايه ..فاتح فيس واگلب بمبايلي وجانت جلنار تفتر بالغرفه مادري هي تكف شغلاتهه صدوك مدري حجه علمود تقتل وقت بين ما انام وتشوف هي وين تنام ..
سألتهه ..عندج شغل بعد ؟
هزت راسهه لا ..
نعسان واريد انام ..طفي الضوة وتعاي نامي ..
اباوعلهه تقدمت بتوتر للجربايه ..تمددت وحشكت نفسهه بطارف السرير ..
باوعتلهه صفح ..ترة مراح آكلج ..
نامت صفح واني همين جنت نايم ع صفحتي ..
باجر اطلبلج اجازة لو عادي تكدرين تداومين ؟
عقجت كصتهه ..افتهمت انو هي متريد تبقى بالبيت ..
اممممم زين ..
انداريت اطيتهه ظهري ماريدهه تخس انو اني دا ازحفلهه او هيج شي ..اعرفهه متضايقه يمكن من قربي ووجودهه بهالقرب مني ..دقايق ونمت ..
الفجر حسيت من نومي شفتهه نايمه ع صفحتهه ومطيتني ظهرهه ..
دشداشتهه فانيله مو كولش قصيرة بس من هي نايمه صاعده ليفوك وطالعه افخاذهه بشكل ماتحملته لان ثارتني ..
كتفهه مبين ..
تقربت عليهه حضنتهه ماحست بيه تقربت اكثر وحضنهه ترسني ..
حسيت احساس حلو بين شعور الاثارة وبين شعور التملك انو هاي البنيه الي بحضني الي حلالي ..
مديت ايدي من خصرهه ودخلت ايدي جوة الدشداشه تلمست بطنهه وصعدت ايدي لصدرهه ..
ترف بطراوة ..عصرتهه فزت التفتتلي بعيون مرعوبه حاولت تخلص روحهه مني قويت لزمتي لايدهه وجريتهه عليه ..
عيونهه تتوسل وتدفع بيه ..
نترت بيهه ..
شبيج انتي ليش تدفعين هلگد كارهتني ؟
جريتهه عليه ونمت عليهه صارت جواي وگامت تدفعني من صدري بثنين اديهه ..
تعصبت من تصرفهه وردة فعلهه خزرتهه ..
عيب المرة تدفع زوجهه ..
لزمت ايديهه وفرقتهن ..الايد اليمنه ع الجهه اليمنه والايد اليسرة ع الجهه اليسرة وثبتتهن كل ايد ع جهه مخده ..
صار وجهه الاحمر كدامي .. عيوني ركضت لشفايفهه نزلت عليهه بست شفايفهه ..غصب ..قوة ..المهم بستهن مابادلتني بس تعمقت ببوستي وتفننت ..
وكلما اطيهه مجال تتنفس واني بعدني مثبت اديهه اباوع لعيونهه اشوف بيهن عناد وتحدي تتحداني ..
اي هذا عناد جلنار ..كولش زين اعرفه ..
هذا الضعف والانكسار الاشوفه بيهه يمكن لان تزوجتني غصب عنهه ويمكن لان اخذتهه غصب عنهه ويمكن لان تحس نفسهه صارت تحت رحمتي ومصيرهه وحياتهه وكل قراراتهه المصيريه الي تخص مستقبلهه بيدي ويمكن لان فقدت النطق ....
بس هالعناد بين حين واخر يطلع وموجود وبقوة بداخلهه مامات ماضعف يمكن حاولت تخفيه من باب المكر لان حواء مكارة وتكيد ..تتمسكن حته تتمكن ..تريدني استضعفهه حته تستغفلني ..
اطيهه مجال تتنفس وارجع ابوسهه .. نزلت ابوس حنچهه والرگبه رجعت تقاومني بشراسه مثل لبوة مالانت ولا استسلمت ..
خزرتهه صكيت سنوني بقوة العصب صار يصعد وينزل ع فكي هيج يصير من اتعصب ..
هديت ايدهه لزمت حنجهه بقوة ..
حاولي بس حاولي تمنعيني قسما بالله اشوفج شي ماشايفته بعمرج ..
هديت ايدهه الثانيه وحنجهه من قوة لزمتي صار احمر واثار اصابيعي عليه ..
تقربتلهه .. وحاولت اتقرب برقه وحب بس متجاوبت وياي ابد صح مستسلمه بس استسلامهه بخوف ومرات لاجزاء من الثانيه اشوفهه تغمض عيونهه بخدر ورهاوة مثل تخدر ويتجاوب جسمهه وياي بس تجبر نفسهه تفصل ..
وكأنه جبر تجبر نفسهه انو متتفاعل وياي عناد بيه فقط لاغير ..
عرفتلهه اني ..
جانت تصرفاتهه وحركاتهه مفضوحه بالنسبه الي مثل واحد حافظهه واكثر ردود افعالهه طفوليه وكولهه ارجعهه لصفة العناد مالتهه ..
كملت بس موخرت عنهه ..عناد بيهه وعقوبه الهه تقربت الهه مرة ثانيه اريد اعرف لوين تريد توصل ولشگد تگدر تبقه تقاومني شتريد تسوي تخلي راسهه براسي ؟
متكدر اني الرجال ..حبيييت عنادهه ..اجه من صوبي ..اني وماريد آخذهه اكثر ..
لو اني لو انتي جلنار ..
جنت قاسي وياهه بالمرة الثانيه ..استفزتني ..جوايه ونظراتهه تتحداني .. ياناس حته بهاي تكابر وعنيده ..جسمهه بقوة انتفض من الشهوة وهي رافضه تتقبل هالشعور الي يجتاحهه تغمض عيونهه بقوة وتقاومني ولوتكدر تنطق لسان حالهه يكول لو تموووت ..
شوراي آني ؟ اليوم للصبح ..
كملت وتقربت مرة ثالثه ..رققت اللمسات زودت الرومانسيه والبوسات بكل مكان بجسمهه طبعت اثر ..
شفافي لثمت كل سنتيمتر بجسمهه اخير شي لزمتني من شعري جرته اذتني ..انهارت ..غمضت ..عيونهه بقوة .. نزلت دموعهه ..من شفت دموعهه حسبته استسلامهه ..انتصار اليه ..
عفت الي جنت اسويه ..وخرت عنهه ..نمت ع ظهري الهث وگوة اجر النفس ..
نامت ع صفحتهه وجذبت رجليهه لصدرهه مثل وضعيه الجنين اسمع بجيهه بونه ..
قهرتني ..جريتهه لحضني ..مانعت ..
بطلي عناد ..نترت بيهه ..استسلمت بتعب ..خليت راسهه ع صدري واستمرت تبجي ..
دموعهه جانت تنزل حارة ع صدري ..
حسيت بالذنب مو لأن سويت بيهه هيج بس لان بجيتهه ..
كافي بسچ لاتبجين ..
مابطلت عفتهه براحتهه .. شويه وبطلت ومن كثر مابجت كامت تناشغ مثل واحد تصير عنده ام العوافي ..
ابتسمت ..عبالك طفله ..بس من اخذتهه مجانت طفله جانت برشاقه مهرة وشراسه لبوة كل تفصيل بيهه ثارني ..
من هدأت عفتهه وكمت اسبح ..دقايق وطلعت من الحمام وهي طبت بعدي ..
الساعه 6:00 الصبح واني اگعود 6:30 بعد متسوة النومه ..
طلعت هي من الحمام الوجه احمر العيون منفخه من البجي ..
متباوعلي ابد ..
يمكن زعلت مني ..
نشفت شعرهه ومشطت ونزلت جوة تسوي ريوك ..
شويه ونزلت اني ..طبيت المطبخ لكيتهه محضرة سفرة الريوك بس مماكله شي .. وحاطه كدورة ع النار ماعرف شدتسوي ظليت اراقبهه تصرفاتهه وحركاتهه بس ابد متباوع بعيني حاگرتني متجاهلتني ..
جلنار ..حسيت بي يراقبني مارتاحيت ابد ماريد عيني تصد لعينه لان احس بس عيني تجي بعينه انهار وابجي ..
رغم بجيت بالحمام بس اريد بعد ابجي وافرغ لان مرتاحيت ابد ..
كملت الريوك وكعدت اركب بالغده ماردت خالتي تضايقني بالكلام عن الطبخ والغده ..
علي ..دقايق مرت واني كاعد انتظرهه شوكت تجي تتريك صارت 7الا ربع واني لسه صافن ..الجاي ع نار هادئه وهي مطنشتني واني اريد اتريك يعجبني ابقه اراقب هالراس اليابس بس عندي دوام واذا ظليت هيج ح اتأخر عليه وهي هم ..
عرفتهه دتركب الغدة الظاهر سامعه كلام امي البارحه ..
رفعتلهه حاجب ..
شنو مناويه تريكيني اليوم ؟؟
باوعتلي ولاردت ..
فضيني جيبي الجاي وصبيلي ..
عافت البيدهه ومدت ايدهه ع يدة الجاي وانلسعت شفتهه فزت من اللسعه مال الحرارة ..
كمزت من مكاني لي يمهه يمكن صارت المسافه خطوة هي كمزة وحده ووصلت يمهه ..
الله الله ..خو ماتأذيتي ؟
ردت الزم ايدهه جرتهه مني بنتر وخزرتني ..
باوعتلهه ..هاي مو مال واحد يطيهه عين ..
يابه يطبج طوووب ..
وخرت عنهه ورجعت كعدت بمكاني بس بالي يم ايدهه ..
غسلت ايدهه بمي بارد حطتهه ثواني تحت الحنفيه وتغمض بعيونهه تعصرهن مبينه متأذايه ..
استغفر الله ..
كمت اني جبت الجاي وصبيت لروحي ..
باوعتلي بطرف عينهه وصدت ..
وانتي متتريكين ؟
ماجاوبتني ولا باوعتلي ..
ياالله شكد يعجبني عنادهه ..هي مهرتي واني خيالهه واني الهه ام خشم اليابس ..
صارت ب 7 تأخرت ولازم اصعد ابدل ..صعدت بدلت ..صارت 7وربع وجلنار لسه مصاعده ..
فتحت الباب ومديت راسي وصحت ..
جلنار ؟؟ مناويه تروحين للدوام اليوم ؟
طبيت اكمل تبديل ..سمعتهه تركض ع الدرج دتصعد ..ابتسمت ..زين بيهه حيل تركض بعد الي صار الفجر ..
طبت للغرغه بسرعه فتحت الكنتور واخذت تنورة وقميص وداخليات ودخلت للحمام بدلت وطلعت وگفت كدام ميز التواليت رتبت وجهه بالمكياج شي خفيف يعني لان ماسمحلهه بمكياج طوخ ولفه شال مرتبه ..سريعه ..ظليت صافن عليهه ..خلصت قبلي واني بقيت ادور ع ساعتي ..
اتحرش بيهه بالكلام بلكي تلين ..
صدوك لو كالو من حبك لاشاك ..
ماشفتي ساعتي ؟
ماردت ..بس فتحت الجرارة مال ميز التواليت مدري شطلعت منهه وسدتهه ..اخذت جنطتهه واللفكس ونزلت جوة ..
باوعت ع الميز ساعتي موجوده ..لبستهه واخذت جنطتي ونزلت وراهه لكيت ايه جاهزة وجلنار تگلب بالكدورة والريحه طالعه ..طبخت تمن ومرك ..
صباحو ايوته ..
صباحو علاوي ..
وجهت الكلام لجلنار..
هاشنو اليوم نتغده ياله نروح للدوام ..
شفتهه طفت الكدورة وطلعت من المطبخ للطارمه ..وايه وراهه ..
ايه ماطلع هذا خطج الكلك ..اشو يوميه مجلبه ويانه ..
هااا علاوي متريدني اروح وياكم ..
لالا عمي شنو ماريدج نصي صوتج يمعوده تريدين تسمعين امي حرام هسه تطلعلي بالجفجير اسكتي واستري عليه ..
لالا انت متريدني اروح وياك حته تاخذ راحتك ويه الحب ..
يا راحه هاي ..شو يابسه وهم الغده يابسه وتمن يعني تقشف فد مرة من كل النواحي ..
ضحكت وضحكت وياي ايه لان تدري الكلام ع جلنار اما جلنار فابد صمٌ بكمٌ الحايط يسمع ويجاوب هي متجاوب ..
ثنينهن صعدن ليورة ..
حاجيتهن ..بنات الاوادم شنو سايق الخلفوجن وحده منجن تصعد يمي بالصدر ..
ايه كالت ..مابيه حيل بعد انزل .. انزلي انتي جلنار ..
جلنار عقجت وجهه وعقدت حواجبهه وهزت راسهه باصرار ..
لالا ..
يله ولجن اريد افتح الباب ..
اخير شي نزلت ايه كعدت يمي بالصدر ..ابتسمت وباوعت لجلنار ..صارت عيني بعينهه مطنكرة مغندبه رأسا صدت للاتجاه الثاني ..اويلي العناد ..
رحت افتح الباب الخارجي ..ايه صدت ع جلنار مدري شحجت وياهه ..
ها شنو متعاركين ؟
هزيت راسي ..لا ..
لعد شكو شبيج متقبلين تكعدين بالصدر ؟
حركت اكتافي وبرطمت بلا مبالاة هيج يعني ماريد اكعود بالصدر وهايهيه مو غصب هو ..
كالتلي ايه ..عليييينه ..جذابه ..
صديت عنهه اباوع من الجامع ..طلعنه من البيت وصلنه الجامعه ..
ايه راحت لقسمهه واني رحت لقسمي وماردت امشي ويه علي ..سبقته بخطواتي ..
اعرفه يتعصب من اسوي هيج تصرف بس الي نقذني اجه استاذ من غير كليه وگف وياه وتسالموا وظلوا واكفين يحجون شويه عاد اني كبل طبيت لقسمي واخذت محاضراتي بالتوالي ..
للحكايه بقيه ..
