جحيمي وناري
همس .. گالي رايحين لبيتنه بس نتفاهم ماعاندت شراح يسويلي قابل ..
وگف السيارة يم عمارة ونزل ..
نزلت وراه .. هو قفل السيارة وباوعلي نظرة عود تعالي ..
اجيت وراه ..
الشقه طابق ارضي .. رأسا بس فتنه للداخل اول باب صارت گبالنه ..
طلع مفتاح من جيبه فتح الباب ..
سوالي طريق .. تفضلي ..
دخلت للشقه ..
اول ماادخل يصير الهول بوجهي مأثثه تخم جلد اسود والبردات لونهه وردي فاتح وبصلي لوك الغرفه يشرح شي مفرح وتحسه بي امل ..
ظليت اتفرج ..
حمزة طب للغرفه يبدل واني استمريت اتفرج من بعد الهول شفت المطبخ .. دائما يحط بالغرفه لو اسود ويكسرة بلون فاتح وهيج هم مسوي بالمطبخ لون الكاونتر بس اسود وابيض فد شي انيق ومرتب .. طبيت لغرفه فارغه مبيهه اثاث والحمامات واستقبال صغير همين بي تخم مرتب يستمر ويه انحناءة ضلع الحايط ..
غرفة النوم طلع منهه حمزة تلاكينه بالباب هو وگف گدامي ردت اشوفهه من يطلع هو منعدهه غيرت رأيي ..
اقترب مني رجعت ليورة بخوف كردة فعل ممتوقعتهه منه ومن رجعت رأسا انطخ ظهري بقاعده الباب لان جنت واكفه عرض ..
هو مجان بنيته شي لان حته من باوع بوجهي باوع بدون تركيز راسأ باوع لبطني ..
خله ايده ع بطني ..
ابتسمت من حركته وكزبر جلدي صارله هواي ممتقربلي هالقرب ..
حامل ؟؟
رفع راسه ينتظر جواب مني ..
هزيت راسي اي بابتسامه ..
يتحرك ؟
كام يتلمس ببطني ..
لسه ..
شكد عمرة ؟
اسبوعين واطب بالشهر الخامس ..
گام وگف ع حيله ..
يعني من جنتي يمي جنتي حامل ..
اي ..
ومگتيلي ..
ماجنت اعرف ..
ظل يباوع بعيوني ..
تقرب يريد يبوسني ..
صديت وجهي عنه وغمضت عيوني ..
ابتعد شويه ..
ليش تصديني ؟
انت محرم عليه ..
شلون شلون ؟
تطلگنه ..
ابتسم .. لا ماتطلگنه ..الدعوى مال طلاگنه صعدت مرة ثانيه للقاضي بس اني سافرت وبعد ماحضرت جلسات ..
ردت احرگ كلبه شويه والعب باعصابه ..
اي انت ماحضرت والقاضي طلگني منك غيابي ..
صفن بوجهي مثل الي ديخلي احتمال صدوك صار هيج حجي .. ظل يباوع لعيوني يمكن يريد يشوف دااحجي جديات لو اتشاقه ..
اني ملامحي جديه متغيرت ..
ابتسم فجأة ..
حتلو الكلام الي تكولينه صحيح .. اكو بيت الطاعه وارجعج ع ذمتي ..
وشنو هذا بيت الطاعه انوبينه ؟
بيت الطاعه هذا للي متقبل ترجع لزوجهه مثلج ..
غصب يعني ؟
اي تمام غصب ..
شنو غصب وين اكو هيج حجي ..
لاحبيبي اكو ..
لاتكول حبيبي ..
ابتسم .. ماشي .. وهم اذا تعاندين ومترجعيلي ببيت الطاعه اكو حكم ثاني ..احكمج ناشز ..
عقجت حواجبي ماعرف شنو ناشز ..
حكم الناشز ياحبيبتي يعني تظلين 10سنين بدون زواج يعني معلگه لاانتي متزوجه ولا انتي متطلگه ..
صفنت عليه هذا ديجذب عليه لو هم يسوي مثل مااني اسوي يلعب باعصابي ..
خنزرت بوجهه ..
لاتكول حبيبي گتلك ..
كتلج حبيبتي مو حبيبي ..
وهاي هم بعد لاتكولهه ..
ابتسم .. ماشي ..
اريد اخذهه واطلب منه يوصلني لبيت اهلي لان هاهيه خلص الكلام بيناتنه ..
راح للمطبخ شرب مي وهو بعده يدردم ..
بطريقي لكيت جنطتي ..
رحتله ..
حمزة ..
باوعلي ..
عفيه وصلني للبيت تأخرت وخاف اهلي يقلقون عليه ..
ماوصلج ..
سكتت بلشت افتح جنطتي ..اريد اطلع المبايل منهه علمود اتصل بحسام بلكي گاعد ويجي يوصلني ..
شدتسوين ..
اخابر حسام .. اذا انت متوصلني هو يجيني ..
همش التلفون من ايدي ..
هاي شدتسوي ..
ماكو رجعه لبيت اهلج ..اني رجعتج بعلم اهلج ..
حمزة انت شدتحجي مو هستونه حجينه وكتلك ماريد ارجعلك ..
مو هو بكيفج ..
حمزة !!
اسكتي همس ماريد اسمعلج صوت ..
زين بس اتصل عليهم اطمنهم عليه ..
كتلج رجعتج بعلم اهلج يعني انتي هسه راجعه لبيتج يقلقون عليج ليش ..اسكتي همس ماريد اسمعلج صوت ..
زين بس اتصل عليهم اطمنهم عليه ..
كتلج رجعتج بعلم اهلج يعني انتي هسه راجعه لبيتج يقلقون عليج ليش ..
كعدت ع التخم صرت ابجي ..
ميصير هيج تسوي بيه والله ميصير ..
ع شنو تبجين .. مرة زعلانه وراجعه لبيتج معززة مكرمه متفرحين ..
الي سويته بيه انت مو بالساهل اعديه .. كافي عليه بهذله الروحه والجيه للمحاكم ..
سكت ماحجه شي بس اخذ مبايله وسويجه وطلع من الشقه وركع الباب ..
ركضت ع الباب وراه لكيته قافله من برة ..
دورت مبايلي عبالي تاركه بالمطبخ طلع ماخذه وياه ..
يربي شسوي ..
كعدت ع التخم بمكاني ..
جنت تعبانه توني راجعه من الدوام وجوعانه ..
رحت للمطبخ فتحت الثلاجه فارغه تقريبا بس جبن وصمون اكو ..
سويت لفة جبن كعدت اكلهه واني عيوني تتنقل بين زوايا المطبخ بصف الثلاجه مجمده ويبلش الكاونتر وبنهايته سنك وفوگاهه خانات مال كاونتر معلقه بالحايط وبصف السنك طباخ وفرنه وياه ومن الجهه الثانيه ميز بي بوادي وگدورة شي قليل يعني كدرين تلاثه مو اكثر يعني ممجهز سوالف مطبخ ..
وبراد هم اكو وبالنص ميز طعام صغير بي بس كرسيين ..
كملت لفتي غسلت رحت لغرفه النوم شفتهه صاج اسود تركيه ضخمه حلوة الكنتور بيبانه سلايد ومن ينفتح يتقسم من الداخل اربع خانات وخانتين كل وحده ع جانب بابهه عادي مفتاح وقفل ..
عجبتني كولش ..
فتحته فارغ تقريبا بس خانتين وحده ملابس بيت تراكات مصفطه وخانه ثانيه بيهه قاعده ليفوك ويمتد عليهه بوري تتعلگ عليه الملابس بتعاليك ..تلفوني ليش حارمني منه ..
محارمج منه كتلج نسيته بالسيارة ..
اي جيبلياه اريد اخابر اهلي اطمنهم هسه اكيد بالهم عليه ..
بس اني كتلج رحت واعتذرت من عمي واستأذنته ارجعج والرجال ماعنده مشكله وعموما اذا هذا عذرج هاج ..
مد ايده ع جيبه طلع مبايله ورجع مد ايده اليه طاني جهازة ..
هاج خابري اهلج ..
بعد .. اوامر ثانيه ؟؟
ماخذت الجهاز منعنده خلاه ع الميز ..
دمعت عيوني .. متضايقه حيل .. مامتقبله الوضع صح اريد ارجع بس مو هيج ماريد احد يغصبني وملابسي مضايقتني وهاي صار شكم يوم بالليل تصير عدي الام تقلصات اظل طول الليل الوج ودوايه مو يمي عايفته ببيت اهلي .. كولهن هذني التمن عليه ..
بطل اكل هو ..
هسه ليش تبجين ..
حته ملابس مجايبه وياي .. ولا الدوة مالتي ..
ضحك هو ع طفولتي من سمع ماعندي ملابس البسهه بس من جبت طاري دوايه انكلب وجهه جدي ..
ليش تاخذين علاج انتي ؟
اي مثبتات وادويه مال تقلصات ..
تعرفين اسمائهن ..
عندي الوصفه ليش ..
هاي صيدليه كبالنه .. هسه انزل اجيبهن ..
كمت جبت الوصفه من جنطتي وطيتهياه .. لبس تيشرت لان جان لابس بس بجامه وفانيله واخذ محفظته ونزل وهم قفل الباب وراه ..
رجعت للمطبخ لميت الاكل خليته بالفرن واللبن والصمون والفواكه بالثلاجه رتبت الطاوله الصغيرة ورحت للهول بدخلتي دخل حمزة ..
باوعت لعلاكه الدوة .. شنو هاي شو وياهن ابر زياده ..
اي للتقلصات .. كال عند الحاجه يعني مو ضروري تضربيهن ..
اخذت العلاكه منه ..فتحتهه واخذت حب التقلصات اول شي والبقيه بعدين وشرت مي ..
حمزة دخل لغرفة النوم فتح الكنتور صاحلي ..
طبيت لكيته مطلعلي قميص ..
هاج لبسي هذا .. نطانياه .. ترتاحين بي .. اكيد هسه البنطرون حاصر بطنج والطفل وكاتم ع نفسج ..
وهذا قميصك شألبس وياه عيني ..
صفن بوجهي ..
والله ياعيني ماعندي تنورة اطيجياهه ويه القميص ..
دلبسي لبسي هو القميص راح يصير عليج دشداشه شعرضهه بعدين قبل شويه مو جنتي بس بالمانتو والسيقان والزرور كولهه طالعه وتسويلي اغراءات شنو الي اختلف هسه ..
شهكت من كلامه گام يضحك ذب القميص ع الجربايه وگالي ..
عود باجر اجيبلج ملابسج ..
وعافني وطلع ..
كعد ع التخم يتفرج تلفزيون مادري وين لكه الريمونت ..
اخذت القميص من لا جارة وفتت للحمام .. سبحت وذبيت ملابسي ولبست القميص اباوع لروحي نفس طول المانتو تقريبا وشويه اقصر ..
طلعت اتسحب من الحمام ماردته يشوفني بطرگ القميص فمن طلعت لكيته نايم ع القنفه التخم ..
طبيت للغرفه التبريد مفتوح انتعشت دورت مشط ملكيت اخذت الفرچه مالته مشطت بيهه شسوي لعد ..
تمددت ع الجربايه وعادتي من اسبح انعس وصدوك دقايق ونمت ..
گعدت نص الليل برجفه .. الضوة خفيف والنوم بعيوني كابس عليه وحمزة ديحاول يتقربلي ..
حسيت ببوساته يزرعهه ع كل انحاء جسمي مرة يبوس بشفايفه ومرة يكزكز ويعض بشفايفه كزبر جلدي صارله هواي ممتقربلي الموضوع احساسه غريب من تنهجر البنيه المتزوجه اشهر ..
خفت اقاومه لان جان جسمه فوك جسمي وخاف بس اقاومه يذب ثكل جسمه عليه كولش خفت ع بطني ع طفلي ..
فتح دكم القميص واتفنن بطبع بوساته ع صدري وباقي جسمي باحتراف ..
بده يتقرب لشفايفي ويهمس كلام بأذني ..
هيج جان يبوسج ..
جنت بغير عالم مندمجه ويه زوجي بس الظاهر هذا مو حمزة الي اعرفه هذا واحد مريض ..
فتحت عيوني ع وسعهن هذا شگال ..
سألته ..منو .. انت شكاعد تحجي ..
باسني ورة اذني ..
اششششش هيج اتقربلج ..
دموعي نزلت لا اراديا ..
تقرب باس مكان قريب شفتي ..
اخذ شفتي الجوة بين شفايفه ..
جنت اشوف عيونه بالضوة الخفيف .. عيونه حمر معصب ماعرف باجي ..
هيج باسج ..
دفعته عني كل قوتي وكمت عن الفراش ..
صرت اصيح وابجي ..
كافي حرام عليك ..كااافي دمرتني .. مصارشي بيناتنه .. مصار شي من الي ببالك ..ماتقربلي ماخليته اني بسرعه اعترفت .. خفت من الله وعقابه وطيحت حظي بايدي ..
كافي دمرتوني الله لاينطيكم .. كتلك مراح تنسى اتركني .. كتلك .. كتلك مراح تنسى الي صار .. ليش تجبرني .. منرهم .. مترهم بعد .. ليش هيج .. گعدت بالكاع ابجي واحاول اغطي بنفسي ..والله هي مو غصب مااكدر اكمل وياك ياناس ياعالم والله تعبت ..عوفوني بحالي ماريد شي من احد كافي تدمرت ماظل شي بيه تاخذوه ..
جنت احجي واشهك وابجي ..
هو عافني وطلع .. رگع الباب وراه ..
ظليت متكومه بالكاع بطني كامت توجعني رجعتلي التقلصات ..
تمددت ع الجربايه وغطيت كل جسمي لان جنت ارجف .. اي ارجف بس مو برد ولاخوف .. جسمي جان يرجف من الموقف كوله ..
ظليت ابجي بسكوت الى ان بعد محسيت بشي ..
گعدت الصبح متأخرة قريب العشرة يمكن دوامي رايح عليه ..
افتريت بالبيت ماكو اثر لحمزة ..
شفت ملابس البيت الي جان لابسهن معلگات بالحمام عرفته مبدل ورايح للدوام ..
رحت للمطبخ مسوي جاي القوري بعده ع الطباخ وكلاص وخاشوگه مغسولات ع السنك يعني متريك ..
رجعت للغرفه لفراشي شفت مبايلي موجود ع الكوميدي ..
اتصلت ع افنان بعد السلام طلبت منهه تاخذلي اجازة مرضيه وكولهه تعرف اني حامل لذلك مجانت الاجازة صعبه محجيتلهه شي بس كتلهه رجعت لزوجي لان جانت تدري زعلانه عد اهلي بس مجانت تدري شنو السبب الحقيقي ..
جنت جوعانه کمت حميت الجاي وحميت الصمون وطلعت جبن وسويت لفه واکلت ..
كملت رجعتهن وغسلت كلاصي ..
شويه ودگ تلفوني .. شفته حمزة .. مارديت .. رجع دك مرة ثانيه هم ماشلته ..
جنت حيييل متأذايه منه وشايله عليه ..
باوعت مسواگ ماكو يعني سقطت فرضيه انو اطبخ شي للغده والبيت نظيف ..
رحت للباب كالعاده مقفوله .. زين من مبقيلي مبايلي يمي ..
رجعت للغرفه ماعندي شي اسويه اتصلت ع امي خطيه ظال بالهه عليه طمنتهه ومحجيت شي زايد وياهه ..
سديته منهه لفلفت نفسي باللحاف ونمت ..
قريب 12الظهر مدري عبرت ال 12 حسيت الباب انفتحت ..
حمزة اكو غيرة منو يفتحهه غيرة ..
جان جايب غده من برة ..
ذب الاكل من ايده بالمطبخ واجه للغرفه ..
اني حته وجهي لفلفته جوة اللحاف ..
كل هذا نوم ؟؟
طلعت عيوني من اللحاف باوعتله محجيت شي من شافني گالي ..
مو دكيت عليج ليش متشيليه ..
جنت نايمه .. گلتهه ببرود ..
جبت غده گومي رتبي الاكل ..
مجوعانه ..
نفخ زفير قوي .. اللهم طولج ياروح ..
اخذ ملابسه مال بيت للحمام راح سبح وبدل وطلع واني بعدني بالفراش ..
كمت لبست المانتو والبنطرون لان مال افتر كدامه بالقميص مالته مال بارحه مستحيل ..
غسلت وجهي ورحت رتبت الطاوله حضرت الغده اله ورحت ذبيت روحي ع القنفه التخم فتحت التلفزيون اتفرج مسلسل ..
هو راح للمطبخ بعدين رجعلي ..
وگف ع راسي ..
متتغدين ..
مجوعانه .. جاوبته ببرود .. ظل واكف يباوعلي بس ابد مارفعت عيني وباوعتله ..
عافني وراح اكل وحده ..
خلص غطه الاكل وغسل وراح للغرفه تمدد ع الفراش ..
دقايق وراح بنومة ..
ظليت اكلب بالتلفزيون ملل بملل .. شبعانه نوم بس بروده الشقه تخلي الواحد ينعس فنمت بمكاني ..
ساعات وحسيت ع احد يغطيني ..
فتحت عيوني ورفعت راسي ..
رأسا گالي .. اني رايح للمكتب ..محتاجه شي ؟
هزيت راسي لا ..وكتله .. لاتقفل الباب ..
ليش ؟
اخابر اخويه يرجعني لاهلي ..
بلا زعططه وكافي تلحين روحة لاهلج ماكو انتهى الموضوع ..
همست .. اكرهك ..
باوعلي رأسا عبالك سمعني .. طلع وسد الباب وراه ..
رجعت لفراشي ..
جوعانه حيل نمت بدون غده ..
كمت للمطبخ الاكل مغطى ع حطيته بس هو ماكل شويه ..
جان اكو مركه مال فاصوليه رحت حطيتهه بكدر صغير وحميتهه وصبيتلي ماعون واكلت ..
كملت غسلت المواعين ورجعت كولشي لمكانه ..
لليل دخل حمزة وجايب وياه عشه بس هالمرة مصاحني .. تعشى وحده وبقالي الاكل ..
راح تمدد بالهول واني رحت تعشيت وراه ..
لملمت وضميت الباقي ورحت للغرفه كنكت شويه بالمبايل واخذت الدوة مالتي وهم احتاريت شلبس ملابس لان گالي راح اجيبلج ملابسج ومجابلي شي لذلك لبست قميصه مضطرة ..
بالليل هم حسيت عليه يتقربلي .. هالمرة جان ياخذني وطول الوكت ساكت ..
مقاومته خفت يأذيني ويأذي الطفل ومن غير شي من يتقربلي تزيد عندي التقلصات ..
خلص حاجته وكام من يمي حته منام بالغرفه ..
حركته هاي حسستني برخصي .. كولش تأذيت نفسيا .. حسيته رجعني بس علمود شهوة ورغبه جنسيه وحاجه ياخذهه ويكوم عني يعوفني ..
واليوم الثاني متجاهلني لايسلم ولا يحجي يجيب اكل وياكل وحده ويبقيلي .. ملابس مجابلي معاند حته بهاي يسويهه شغله عناد بيه لا اني اكدر اطلع ولا اني اكدر افتر بالبيت بهالقميص ولا اكدر اظل لابسه المانتو والبنطرون لان اذا لبسته فترة طويله تتأذة بطني ..
وبالليه الثانيه هم تقربلي ..
ونفس الشي يكمل حاجته ويعوفني ويكوم ينام بالهول ..
ظليت ابجي .. كرهت الشعور .. اني مجرد حاويه يفرغ حاجته بيهه ..
ثاني يوم بس طلع لدوامه گلبت البيت كلاب ع مفاتيح الغرف وفعلا لكيتهن بجرارة كولهن مجموعات ..
ومن اجه الليل طبيت لغرفتي وانتظرته ينام قفلت بابي عليه ..
ظليت كاعده لساعه متأخرة ..
سمعت واحد يحاول يفتح الباب ..
همس ..
مارديت ..
همس فتحي الباب ..
مافتحه ..
همس !!
تقربت من الباب كتله شرايد ؟
ماحجه ..
اذا مثل يوميه فماافتح الباب ..
اني مو حاويه لحضرة جنابك تفرغ بيهه حاجتك ..
ظل واكف شويه بدون كلام بعدين عافني وراح ..
عاد هنا اني بقيت الباب مقفول ورجعت نمت ..
ثاني يوم اندكت عليه الباب حيل واني لسه قافلتهه ..حمزة عنده دوام وملابسه بالغرفه ..
سحلت روحي كوة فتحتله الباب وممنتبهه ع نفسي لابسه قميصه ومن فات باوعلي من فوك ليجوة عاد اني رجعت طبيت بفراشي ..
بين نايمه وبين كاعده كتله .. جيب مسواك اريد اطبخ ..
هو ماحجه شي بدل وطلع واني كملت نومتي .. 7
للحكايه بقيه ..
يُتبع...
